ຮ້ານເພັດ ຕະກະຈັດສ່ວນຫຼຸດໃຫ້ລູກຄ້າຕ້ອນຮັບປີໃໝ່ສາກົນ

  ເພື່ອເປັນການຕອບແທນຄືນກຳໄລລູກຄ້າຮ້ານເພັດຕະກະອີກ ໜຶ່ງຮ້ານເພັດຖືລະດັບແຖວໜ້າເມືອງລາວທີ່ເພິ່ນມີປະສົບການເລື່ອງເພັດມາຫຼາຍປີທີ່ຮ້ານເພິ່ນເນັ້ນຈຸດຂາຍຫົວໃຈຫຼັກຄຸນນະພາບມາດຖານຊື້ຂາຍ ແລະການພັດທະນາສິນຄ້າ,ອອກແບບທັນສະໄໝຊຶ່ງເຮັດໃຫ້ສັງຄົມໃຫ້ຄວາມເຊື່ອໝັ້ນຕະຫຼອດມາໂດຍສະເພາະກຸ່ມຄູ່ບ່າວ ສາວສະນັ້ນສົ່ງທ້າຍປີເກົ່າຕ້ອນຮັບປີໃໝ່ທາງຮ້ານມີສ່ວນຫຼຸດ 15-30% ໃຫ້ລູກຄ້າແຕ່ວັນທີ 30 ທັນວາ 2020 ຫາ 5 ມັງກອນ 2021.

   ທ່ານ ຈັນແສງ ຊົ່ງເຈົ້າຂອງ ຮ້ານເພັດຕະກະຈິວເວີລີ້ ໃຫ້ສຳພາດນັກຂ່າວໜັງສືພິມເສດຖະກິດ-ສັງຄົມວ່າ: ຮ້ານແມ່ນເລີ່ມເປີດໃຫ້ບໍລິການ 5 ປີ ຊຶ່ງແຮງບັນດາໃຈ ອັນຫຼັກໆແມ່ນເຫັນວ່າໃນເມື່ອກ່ອນຍ້ອນຄົນລາວເຮົາບໍ່ສາມາດເຂົ້າເຖິງເພັດໄດ້ເພາະເປັນສິນຄ້າທີ່ມີລາຄາແພງ ແລະການບໍລິການກໍບໍ່ທົ່ວເຖິງດັ່ງນັ້ນ, ເລີຍມີຄວາມຄິດວ່ານີ້ອາດຈະເປັນໂອກາດດີອັນໜຶ່ງໃນການລົງທຶນດ້ານເພັດພອຍ ແລະສົ່ງເສີມດ້ານຂໍ້ມູນ-ຂ່າວສານໄປຄຽງຄູ່ກັນເພື່ອໃຫ້ລູກຄ້າສາມາດເຂົ້າເຖິງໄດ້ງ່າຍຂຶ້ນລວມເຖິງກຸ່ມລູກຄ້າທີ່ເປັນໄວໜຸ່ມເພາະໃນເມື່ອກ່ອນເຫັນວ່າຄົນທີ່ຈະສາມາດຊື້ເພັດມາໃສ່ ຫຼືເກັບອອມໄດ້ຕ້ອງເປັນກຸ່ມຄົນທີ່ມີລາຍຮັບປານກາງຂຶ້ນໄປທີ່ມີອາຍຸຂ້ອນຂ້າງສູງໃນລະດັບໜຶ່ງແຕ່ກຸ່ມໄວໜຸ່ມຊໍ້າພັດບໍ່ສາມາດເຂົ້າເຖິງໄດ້ກໍເລີຍເປັນເຫດຜົນໃນການຕັດສິນໃຈດຳເນີນທຸລະກິດດ້ານນີ້ເພື່ອແນໃສ່ເຮັດໃຫ້ໄວໜຸ່ມໄດ້ສຳຜັດກັບເພັດແທ້ດ້ວຍລາຄາທີ່ສາມາດຈັບຕ້ອງງ່າຍ ແລະອອກແບບທີ່ມີຄວາມທັນສະໄໝໂດຍທີມງານທີ່ມີປະສົບການຫຼາຍປີເຂົ້າມາໃຫ້ຄຳປຶກສາເພື່ອສ້າງຄວາມເຊື່ອໝັ້ນໃຫ້ກັບລູກຄ້າ. 

   ສ່ວນດ້ານການບໍລິຫານນັ້ນທາງຮ້ານພວກເຮົາແມ່ນເນັ້ນຄວາມເປັນກັນເອງເພາະບໍ່ຢາກໃຫ້ລູກຄ້າທີ່ມາໃຊ້ບໍລິການຢ້ານເກງ ແລະເວລາເຂົ້າມາຮ້ານເພັດກໍສາມາດເລືອກເບິ່ງສິນຄ້າໄດ້ຕາມສະບາຍໃຈ ແລະທົດລອງໃສ່ເບິ່ງກໍໄດ້ເພາະລູກຄ້າບາງຄົນຄິດວ່າສິນຄ້າມີລາຄາແພງຈົນບໍ່ກ້າຈັບບາຍ ແລະທົດລອງໄດ້ໂດຍຈຸດເດັ່ນຂອງຜະລິດ ຕະພັນເຮົານັ້ນທີ່ຫຼາຍໆຄົນບອກຕໍ່ກັນແມ່ນຄຸນນະພາບຂອງເພັດເພາະທາງຮ້ານໄດ້ເລືອກເພັດທີ່ມີການເຈຍລະໄນທີ່ດີ ແລະມີສີທີ່ງົດງາມໃສ່ແລ້ວເບິ່ງຄືຂອງທີ່ມີລາຄາແພງເໜືອກວ່າສິນຄ້າ, ຄຽງຄູ່ກັນນັ້ນ, ເຮົາຍັງໃສ່ໃຈເລື່ອງການອອກແບບທີ່ມີຄວາມທັນສະໄໝຕາມຍຸກຕາມສະໄໝແລະມີການອັບເດດໃໝ່ຢູ່ຕະຫຼອດເວລາແບບບໍ່ໃຫ້ຊໍ້າໃຜ”, ສຳລັບຜະລິດຕະພັນພວກເຮົາມີຫຼາຍຢ່າງເຊັ່ນ: ແຫວນເພັດ, ຕຸ້ມຫູເພັດ, ຈີ້ເພັດ, ສາຍແຂນເພັດ, ຄຳອີຕາລີ, ຊຸດເພັດອອກງານ ແລະອື່ນໆ ໂດຍສິນຄ້າທີ່ໄດ້ຂາຍດີທີ່ສຸດແມ່ນແຫວນເພັດຊຶ່ງມີລາຄາບໍ່ແພງຢ່າງທີ່ຄິດເລີ່ມຕົ້ນທີ່ 1 ລ້ານກວ່າກີບຂຶ້ນໄປ.

   ຮ້ານຕັ້ງຢູ່ວຽງຈັນເຊັນເຕີຊັ້ນ 1 ມາສາມາດລົມປຶກສາໄດ້ຕາມລູກຄ້າຕ້ອງການເຊັດສ້ອຍຄໍຄຳຂາວງານອອກແບບຈາກໄທ ແລະຕຸ້ມຫູໃສ່ອອກງານງາມໃສ່ໄປຫຼິ້ນດິນເນີ້ກໍເລີດສ້ອຍຄໍນໍ້າໜັກເພັດຮັບປະກັນເພັດແທ້ນໍ້າງາມມາດຕະຖານ GIA ອອກແບບ ແລະ ໃຫ້ຄຳປຶກສາຕາມງົບຂອງລູກຄ້າ,ຮັບຊື້ຄືນ ແລະ ປ່ຽນໃນເງື່ອນໄຂທີ່ເໝາະສົມ. 

แชร์