ດີເອັດຈ໌ແອລ ຂະຫຍາຍສາຂາສະຫວັນນະເຂດ

   ວັນທີ 22 ທັນວາ 2020 ບໍລິສັດ ດີເອັດຈແອລ ລາວຈໍາກັດ ຜູ້ດຽວ (DHL) ໄດ້ຈັດພິທີເປີດໂຕພ້ອມທັງເປີດໃຫ້ບໍລິການຢ່າງເປັນທາງການທີ່ແຂວງສະຫວັນນະເຂດ ຊຶ່ງເຂົ້າຮ່ວມເປັນປະທານໃນພິທີຂອງທ່ານ ດາວເຮືອງ ໂພທິລາດ ຮອງຫົວໜ້າພະແນກໄປສະນີ, ໂທລະຄົມມະນາຄົມ ແລ ະການສື່ສານແຂວງ, ທ່ານ ໄຊຊະນະ ພົມມະວົງໄຊ ອໍານວຍການບໍລິສັດ DHL ປະຈໍາ ສປປ ລາວ, ມີບັນດາພະນັກງານພາຍໃນບໍລິສັດ ແລະແຂກທີ່ຖືກເຊີນເຂົ້າຮ່ວມຢ່າງຫຼວງຫຼາຍ.

  ທ່ານ ໄຊຊະນະ ພົມມະວົງໄຊ ກ່າວວ່າ: ບໍລິສັດ DHL ສ້າງຕັ້ງຂຶ້ນໃນປີ 1969 ໂດຍເຮັດໜ້າທີ່ຈັດສົ່ງສິນຄ້າດ່ວນທາງອາກາດໃນທົ່ວໂລກຊຶ່ງເຂົ້າມາຕັ້ງບໍລິສັດໃຫຍ່ຢູ່ນະຄອນຫຼວງວຽງຈັນ ໃນປີ 1995 ມາຮອດປະຈຸບັນນີ້ຄົບຮອບ 25 ປີແລ້ວ, ດັ່ງນັ້ນ, ເມື່ອປະເທດຊາດມີການພັດທະນາເສດຖະກິດ-ສັງຄົມ ມີການຂະຫຍາຍຕົວ ແລະປະຊາກອນເພີ່ມຂຶ້ນທາງບໍລິສັດໃຫຍ່ຈຶ່ງເລັ່ງເຫັນຄວາມສໍາຄັນຈຶ່ງກໍ່ຕັ້ງບໍລິສັດສາຂາເພີ່ມຂຶ້ນມາອີກຢູ່ແຂວງຫຼວງພະບາງ ໃນປີ 2019 ຜ່ານມາ ແລະກໍ່ຕັ້ງສາຂາ ແຂວງສະຫວັນນະເຂດໃນຄັ້ງນີ້ລວມມີບໍລິສັດ DHL ຢູ່ 3 ແຂວງຄື: ນະຄອນຫຼວງວຽງຈັນ, ແຂວງຫຼວງພະບາງ ແລະແຂວງສະຫວັນນະເຂດ. ຄໍາວ່າ DHL ແມ່ນຫຍໍ້ມາຈາກຊື່ຂອງຜູ້ກໍ່ຕັ້ງ 3 ທ່ານຄື: Delsey, Hilblom, Lynn. ໂດຍມີຄໍາຂວັນທີ່ວ່າ: Door To Door (ຮັບຈາກໜ້າເຮືອນສົ່ງໃຫ້ຮອດໜ້າເຮືອນ).

  ຈາກນັ້ນ, ທ່ານ ດາວເຮືອງ ໂພທິລາດ ກໍ່ໄດ້ຍົກໃຫ້ເຫັນຄວາມສໍາຄັນຂອງວຽກງານການຂົນສົ່ງວັດຖຸສິ່ງຂອງທັງຂາເຂົ້າ-ຂາອອກຈາກຕ່າງປະເທດເນື່ອງຈາກວ່າບໍ່ສາ ມາດຂົນສົ່ງຜ່ານທາງເຄື່ອງເອເລັກໂຕຼນິກໄດ້ດັ່ງນັ້ນ, ການເປີດບໍລິສັດໃນຄັ້ງນີ້ຢູ່ແຂວງສະຫວັນນະເຂດກໍ່ເປັນໃບໜ້າໃໝ່ໃນການພັດທະນາເສດຖະກິດ-ສັງຄົມ ກໍ່ຄືປະ ເທດໃຫ້ມີຄວາມກ້າວໜ້າຂຶ້ນໄປເລື້ອຍໆ.

แชร์