ກອງປະຊຸມກຳມະບານຮາກຖານໂຮງຮຽນລ້ຽງເດັກ-ອະນຸບານມິ່ງມຸງຄຸນ

  ກຳມະບານຮາກຖານໂຮງຮຽນລ້ຽງເດັກ-ອະນຸບານມິ່ງມຸງຄຸນໄດ້ສຳເລັດກອງປະຊຸມໃຫຍ່ ຄັ້ງທີ lI ໃນວັນທີ 25 ທັນວາ ຜ່ານມາທີ່ສະໂມສະສອນໂຮງຮຽນລ້ຽງເດັກ-ອະນຸບານມິ່ງມຸງຄຸນນະຄອນໄກສອນ ພົມວິຫານ ໂດຍການເຂົ້າຮ່ວມເປັນປະທານຂອງທ່ານ ຄອນສະຫັວນ ພູທິສອນ ຮອງປະທານສະຫະພັນກຳມະບານນະຄອນໄກ ສອນ ພົມວິຫານ, ມີເລຂາໜ່ວຍພັກໂຮງຮຽນລ້ຽງເດັກ-ອະນຸບານມິ່ງມຸງຄຸນ, ມີບັນດາທ່ານແຂກຖືກເຊີນ, ຈາກກຳມະບານຮາກຖານອ້ອມຂ້າງ, ມີຄະນະກຳມະບານຮາກຖານພ້ອມດ້ວຍພະນັກງານສະມາຊິກກຳມະບານພາຍໃນຮາກຖານເຂົ້າຮ່ວມ.

  ທ່ານນາງ ບຸນຊູ ບຸນຜາວົງ ປະທານກຳມະບານຮາກຖານໂຮງຮຽນລ້ຽງເດັກ-ອະນຸບານມິ່ງມຸງຄຸນກ່າວວ່າ: ກຳມະບານຮາກຖານໂຮງຮຽນລ້ຽງເດັກ-ອະນະບານມິ່ງມຸງຄຸນມີຄະນະ 5 ສະຫາຍ ແລະມີສະມາຊິກກຳມະບານທັງໝົດ 26 ສະຫາຍ,ພະນັກງານບຳນານ 3 ສະຫາຍ ແລະຄູອາສາ3 ສະຫາຍ,ໄດ້ແບ່ງອອກເປັນ 2 ໜ່ວຍຄືໜ່ວຍລ້ຽງເດັກ ແລະ ໜ່ວຍອະນຸບານ, ໄດ້ເຂົ້າເປັນສະມາຊິກກອງທຶນຊ່ວຍເຫຼືອເຊິ່ງກັນ ແລະ ກັນ ແລະ ທານຸເຄາະມີ 38 ສະຫາຍ, ມີຄອບຄົວສະມາຊິກກອງທຶນ 15 ສະຫາຍ, ຊຶ່ງໄລຍະຜ່ານມາຄະນະພັກໄດ້ມີການສຶກສາອົບຮົມການເມືອງແນວຄິດໃຫ້ສະມາຊິກຢ່າງເປັນປົກກະຕິໄດ້ນຳເອົາເອກະສານ 5 ເປັນເຈົ້າມາເຜີຍແຜ່ໃຫ້ສະມາຊິກກຳມະບານໄດ້ 3 ຄັ້ງ, ແລະຍົກລະດັບວິຊາສະເພາະຊັ້ນສູງໄດ້ 11 ຄົນ, ຍົກ ລະດັບມ 7 ໄດ້ 6 ຄົນ, ໄປຮຽນທິດສະດີ 45 ວັນໄດ້ 1 ຄົນ.

ຈາກນັ້ນໃນກອງປະຊຸມໄດ້ໃຊ້ສິດປະຊາທິປະໄຕປ່ອນບັດເລືອກຕັ້ງເອົາຄະນະຊຸດໃໝ່ຊຶ່ງມີຜູ້ລົງສະໜັກ5ສະຫາຍ, ເລືອກເອົາ 3 ສະຫາຍ,ໂດຍໄດ້ເຫັນດີເປັນເອກະພາບເລືອກເອົາ ທ່ານນາງ ພັນມະນີ ເດດວົງສາ ເປັນປະທານກຳມະບານຮາກຖານໂຮງຮຽນລ້ຽງເດັກ-ອະນຸບານມິ່ງມຸງຄຸນຄົນໃໝ່, ທ່ານ ນາງ ແກ້ວວິໄລ ມາດມີໄຊ ເປັນຮອງປະທານ, ທັງເປັນປະທານກວດກາ, ທ່ານ ນາງ ມະນີວັນ ຂານຄະນະເທບເປັນກຳມະການ.

แชร์