ພະນັກງານເອລິດາ ບໍລິຈາກເລືອດຊວ່ຍເຫຼຶອຜູ້ປວ່ຍ

   ໃນວັນທີ 26 ກຸມພາ 2019, ທະນາຄານ ເອຊີລີດາ ລາວ ຈຳກັດ, ຄະ ນະຜູ້ບໍລິຫານ, ພະນັກງານທັງສຳນັກງານ ໃຫຍ່ ແລະສາຂາໃນນະຄອນຫຼວງວຽງ ຈັນໂດຍການນຳພາຂອງ ທ່ານ ດຣ. ຮາຍ ສະວາຍ ຜູ້ອຳນວຍການໃຫຍ່ທະນາຄານ ເອຊີລີດາລາວ ໄດ້ຮ່ວມບໍລິຈາກເລືອດໃຫ້ກັບອົງການກາແດງເພື່ອເປັນການຊ່ວຍເຫຼືອຜູ້ປ່ວຍ ແລະຜູ້ທີ່ມີຄວາມຈຳເປັນ ໃນການນຳໃຊ້ເລືອດໃນຍາມສຸກເສີນ.

   ທ່ານ ດຣ. ຮາຍ ສະວາຍ ກ່າວວ່າ: ເລືອດເປັນສິ່ງທີ່ຈຳເປັນສຳລັບໂຮງໝໍ ເພື່ອນຳໃຊ້ເຂົ້າໃນການປິ່ນປົວສຸກເສີນ ໃນທົ່ວປະເທດ, ທະນາຄານ ເອຊີລີດາ ລາວ ຈຳກັດ ຈິ່ງໄດ້ມີຄວາມສະໝັກໃຈ ເຂົ້າຮ່ວມໃນການບໍລິຈາກເລືອດເພື່ອນຳໃຊ້ໃນການປິ່ນປົວ ແລະການກຸສົນ ຊຶ່ງ ການບໍລິຈາກໃນຄັ້ງນີ້ແມ່ນເປັນຄັ້ງທີ 4 ແລ້ວ. ມີພະນັກງານ 36 ຄົນ ຮ່ວມບໍລິ ສັດຈາກ ແລະພວກເຮົາມີຄວາມພາກ ພູມໃຈທີ່ໄດ້ມີສ່ວນຮ່ວມໃນກິດຈະກຳ ທີ່ສຳຄັນທາງສັງຄົມ ແລະຊ່ວຍເຫຼືອຊີ ວິດຂອງຜູ້ຄົນໃນຍາມສຸກເສີນດ້ວຍການ ບໍລິຈາກເລືອດຂອງພະນັກງານທະນາ ຄານເອຊີລີດາໃຫ້ແກ່ອົງການກາແດງ,

  ທ່ານ ລຳພັນ ອິນສຸລິວົງ ຫົວໜ້າພະ ແນກບໍລິຫານຂອງທະນາຄານເອຊີລີດາ ລາວ ຈຳກັດ ໜຶ່ງໃນຜູ້ບໍລິຈາກເລືອດ ໄດ້ກ່າວເພີ່ມຕື່ມວ່າ: ການບໍລິຈາກເລືອດ ກໍ່ເປັນອີກປັດໄຈໜຶ່ງທີ່ເຮັດໃຫ້ເຮົາມີ ຄວາມສຸກສຳລັບການສ້າງບຸນກຸສົນໃນ ການຊ່ວຍເຫຼືອເພື່ອນມະນຸດດ້ວຍກັນ ພາຍໃນສັງຄົມ, ເພາະວ່າເລືອດທຸກຢົດ ທຸກຢາດແມ່ນສຳຄັນຫຼາຍທີ່ສຸດ ແລະ ການໃຫ້ເລືອດໃນວັນນີ້ກໍເພື່ອເປັນການ ໃຫ້ຫຼາຍໆຊີວິດໃໝ່  ແລະຜູ້ທີ່ຍັງຕ້ອງ ການເລືອດໃນວັນຂ້າງໜ້າອີກດ້ວຍ. ສະນັ້ນທີມງານຜູ້ບໍລິຫານ ແລະພະນັກ ງານຂອງທະນາຄານເອຊີລີດາລາວ ໄດ້ພ້ອມໃຈກັນຈັດງານບໍລິຈາກເລືອດ ຄັ້ງນີ້ຂຶ້ນ ແລະບັນຍາກາດຂອງມື້ນີ້ກໍ່ ເຕັມໄປດ້ວຍຄວາມອົບອຸ່ນ ແລະລາບ ລື້ນດີ..

  ປະຈຸບັນ, ກຸ່ມຂອງເອຊີລີດາມີທະນາ ຄານ ເອຊີລີດາ ມະຫາຊົນ ຊຶ່ງເປັນບໍລິ ສັດແມ່ ແລະມີ 5 ບໍລິສັດລູກລວມທັງ ທະນາຄານ ເອຊີລີດາ ລາວ ຈຳກັດ. ກຸ່ມ ເອຊີລີດາມີຊັບສິນລວມທັງໝົດເກືອບ 6 ຕື້ໂດລາ ແລະມີ 310 ສາຂາ ແລະ 575 ເອທີເອັມ ແລະມີລູກຄ້າທີ່ນຳໃຊ້ແອັບ ພລິກເຄຊັ່ນເທິງມືຖື ເອຊີລີດາ ທັນໃຈ (ໃນ ສປປ ລາວ) ແລະເອຊີລີດາຢູນີທີ ທັນໃຈ ເກືອບ 1 ລ້ານຄົນ ໃນພາກພື້ນ.

• 27/02/2019