ປີນີ້ພາສີແຂວງວຽງຈັນຕົັ້ງເປົ້າລາຍຮັບ 4,6 ຕື້ ກີບ ຮອດປະຈູບັນເກັບໄດ້ 23 ເປີເຊັນ

   ການຈັດຕັ້ງປະຕິບັດວຽກງານ ວິຊາສະເພາະເກັບລາຍຮັບເຂົ້າງົບປະ ມານແຫ່ງລັດ ປີ 2019 ຂອງຂະແໜງ ພາສີປະຈຳແຂວງວຽງຈັນໃນເດືອນທຳ ອິດຂອງປີ (01/2019) ສາມາດ ປະຕິບັດລາຍຮັບໄດ້ລື່ນແຜນການເດືອນ 264,47%. ໃນນັ້ນ, ກອງກວດພາສີປະ ຈຳແຂວງປະຕິບັດໄດ້ 600 ລ້ານກວ່າ ກີບ, ດ່ານພາສີທ້ອງຖິ່ນບ້ານວັງ 347 ລ້ານກີບ, ດ່ານພາສີທ້ອງຖິ່ນຊະນະຄາມ ປະຕິບັດໄດ້ 61 ລ້ານກີບ, ໝົດປີຂະແໜງ ພາສີປະຈຳແຂວງວຽງຈັນ ຕັ້ງເປົ້າກັບ ລາຍຮັບເຂົ້າງົບປະມານຕ້ອງບັນລຸຕາມ ແຜນການ 4,6 ຕື້ກີບ ຫຼື ເກີນແຜນການ ທີ່ໄດ້ຮັບໝອບໝາຍ.

  ທ່ານ ທະວີໄຊ ທໍາມະວົງ ຮອງຫົວ ໜ້າກອງຄຸ້ມຄອງພາສີ V ທັງເປັນຫົວ ໜ້າກອງກວດກາພາສີປະຈໍາແຂວງວຽງຈັນໃຫ້ສຳພາດວ່າ: ການຈັດຕັ້ງປະຕິບັດວຽກງານວິຊາສະເພາະຂອງ ຂະແໜງພາສີໄລຍະຜ່ານມາເຈົ້າໜ້າທີ່ພາສີ ແລະບັນດາດ່ານໄດ້ ພ້ອມກັນເອົາໃຈໃສ່ຈັດຕັ້ງປະຕິບັດຕາມລະບຽບກົດໝາຍທີ່ວາງອອກ ແລະປະຕິບັດ ຕາມສິດ, ໜ້າທີ່ຕົນຕາມທີ່ໄດ້ຮັບການມອບໝາຍຢ່າງເຂັ້ມງວດ, ໂດຍການອອກລາດຕະເວນ, ສ້າງແຫຼ່ງຂ່າວເກັບກໍາຂໍ້ມູນຕ່າງໆເພື່ອສະກັດກັ້ນການລັກລອບສິນຄ້າໜີພາສີພາຍໃນດ່ານ ແລະນອກດ່ານ, ໄດ້ຈັດວາງກໍາລັງປະຈໍາການ

   ຢູ່ຈຸດປະສານງານແສນຊຸມເຄື່ອນໄຫວ ວຽກງານຕ້ານ ແລະສະກັດກັ້ນການລັກ ລອບສິນຄ້າໜີພາສີ, ຄຸ້ມຄອງກວດກາ, ຕິດຕາມການເຄື່ອນຍ້າຍສິນຄ້າປາຍທາງເຊັ່ນ: ສິນຄ້າທີ່ນໍາເຂົ້າໃນຮູບການລົງທຶນ ແລະສິນຄ້າອື່ນໆ.

ສໍາລັບການຈັດຕັ້ງປະຕິບັດການຈັດ ເກັບລາຍຮັບເຂົ້າງົບປະມານໃນປີ 2019 ຂະແໜງພາສີປະຈຳແຂວງວຽງຈັນໄດ້ ຮັບຕົວເລກແຜນການ 4,6 ຕື້ກີບ, ແຕ່ຜ່ານການຈັດຕັ້ງປະຕິບັດຕົວຈິງໃນເດືອນທຳຂອງປີ  2019  (ເດືອນມັງກອນ 2019)  ສາມາດປະຕິບັດລາຍຮັບໄດ້ ແລ້ວ 1 ພັນລ້ານກວ່າກີບ, ຖ້າທຽບໃສ່ ແຜນການເດືອນເທົ່າກັບ 264,47%, ຖ້າທຽບແຜນການງວດເທົ່າກັບ 87,91%  ແລະເທົ່າກັບ 21,93% ຂອງແຜນ ການປີ.

ໃນນັ້ນ, ກອງກວດພາສີປະຈຳແຂວງ ປະຕິບັດໄດ້ 600 ລ້ານກວ່າກີບ, ດ່ານ ພາສີທ້ອງຖິ່ນບ້ານວັງ 347 ລ້ານກີບ, ດ່ານພາສີທ້ອງຖິ່ນຊະນະຄາມປະຕິບັດໄດ້ 61 ລ້ານກີບ ຊຶ່ງລາຍຮັບສ່ວນໃຫຍ່ໄດ້ມາຈາກກາານແກ້ໄຂລົດບໍ່ຖືກຕ້ອງ, ເຄື່ອງອຸປະໂພກບໍລິໂພກ, ແຮ່ທາດ ແລະ ອື່ນໆ.

  ເພື່ອຮັບປະກັນການຈັດເກັບລາຍຮັບເຂົ້າງົບປະມານໝົດປີໃຫ້ບັນລຸຕາມແຜນການທີ່ວາງໄວ້ໃນຕໍ່ໜ້າຂະແໜງພາສີປະ ຈຳແຂວງວຽງຈັນຈະສືບຕໍ່ປະສານສົມ ທົບກັບພາກສ່ວນທີ່ກ່ຽວຂ້ອງໃນການ ປະຕິບັດໜ້າທີ່ວຽກງານ, ສືບຕໍ່ແກ້ໄຂ ຄະດີລົດບໍ່ຖືກຕ້ອງທີ່ຍັງຄ້າງໃນບັນຊີ ກອງບັນຊາການ ປກສ ແຂວງວຽງຈັນ ຈຳນວນ 229 ຄັນ, ບັນຊີພະນັກງານ ທົ່ວໄປ ແລະທະຫານຈຳນວນ 30 ຄັນ ລວມທັງໝົດ 259 ຄັນ.

  ໃນນັ້ນ, ລົດກະບະ 219 ຄັນ, ລົດ ຈິບ 27 ຄັນ, ລົດເກັງ 13 ຄັນ, ຄຸ້ມຄອງ ການເຄື່ອນຍ້າຍສິນຄ້າການນຳເຂົ້າສິນ ຄ້າໃນໂຄງການການລົງທຶນໃນແຂວງ ວຽງຈັນເປັນຕົ້ນ: ໂຄງການກໍ່ສ້າງທາງ ລົດໄຟລາວ-ຈີນ, ໂຄງການກໍ່ສ້າງທາງ ດ່ວນນອນຢູ່ໃນຄວາມຮັບຜິດຊອບຂອງກອງກວດກາພາສີແຂວງວຽງຈັນ, ເພີ່ມຄວາມເຂັ້ມງວດເອົາໃຈໃສ່ໃນການກວດ ກາລາດຕະເວນຕາມຊາຍແດນເພື່ອຄຸ້ມ ຄອງໃຫ້ໄດ້ບັນດາສິນຄ້າດັ່ງກ່າວ, ເລັ່ງ ໃສ່ການລັກລອບສິນຄ້າໜີພາສີຕາມ ຊາຍແດນທຸກໆດ້ານ, ກວດກາ, ຕິດຕາມ ເພຶ່ອຊີ້ນຳການປະຕິບັດໜ້າທີ່ຂອງອ້າຍ ນ້ອງພະນັກງານຢູ່ພາຍໃນດ່ານໃຫ້ມີ ຄວາມເຂັ້ມງວດຕໍ່ລະບຽບກົດໝາຍ.

  ຄຽງຄູ່ກັນນີ້, ຍັງໄດ້ຫັນວຽກງານພາ ສີເປັນທັນສະໄໝໂດຍນຳໃຊ້ລະບົບອາຊີກູດາເຂົ້າຊ່ວຍໃນການຈັດຕັ້ງປະຕິບັດວຽກງານເພື່ອໃຫ້ມີຄວາມສະດວກ, ວ່ອງໄວ, ທັນສະໄໝ, ໂປງໃສ່, ສາມາດ ກວດສອບໄດ້.

แชร์