ໜ່ວຍຊາວໜຸ່ມຫ້ອງການ ກວຕ ຜ່ານຮ່າງຂໍ້ແຂ່ງຂັນ 4 ບຸກ

  ໃນວັນທີ 17 ທັນວາ 2020 ໜ່ວຍຊາວໜຸ່ມຮາກຖານຫ້ອງການກະຊວງວິທະຍາສາດ ແລະເຕັກໂນໂລຊີໄດ້ຈັດກອງປະຊຸມຜ່ານຮ່າງໃບສໍາຫຼວດການຈັດຕັ້ງປະຕິບັດຂໍ້ແຂ່ງຂັນ 4 ບຸກ ປະຈໍາປີ 2020 ຂຶ້ນທີ່ຫ້ອງການກະຊວງດັ່ງກ່າວໂດຍການເປັນປະທານຂອງ ສະຫາຍ ຄຳຜາ ທອງວັນນາ ຮອງເລຂາຄະນະບໍລິຫານງານ ຊປປລ ກວຕ, ປະທານກວດກາ, ເລຂາໜ່ວຍຮາກຖານຊາວໜຸ່ມຫ້ອງການ, ມີສະຫາຍຮອງເລຂາ ແລະສະມາຊິກຊາວໜຸ່ມພາຍໃນໜ່ວຍເຂົ້າຮ່ວມຢ່າງພ້ອມພຽງ.

  ໃນກອງປະຊຸມຄັ້ງນີ້, ບັນດາສະມາຊິກຊາວໜຸ່ມໄດ້ຂຶ້ນຜ່ານໃບສໍາຫຼວດການຈັດຕັ້ງປະຕິບັດຂໍ້ແຂ່ງຂັນ 4 ບຸກ ປະຈໍາປີ 2020 ຂອງຕົນ ໂດຍສະເພາະການຕີລາຄາໃນການຈັດຕັ້ງປະຕິບັດແຕ່ລະມາດຖານ, ດ້ານດີ, ດ້ານອ່ອນຂໍ້ຄົງຄ້າງທາງດ້ານການເມືອງແນວຄິດ, ດ້ານການຝຶກຝົນຫຼໍ່ຫຼອມຮໍ່າຮຽນ, ດ້ານການຈັດຕັ້ງປະຕິບັດວຽກງານ, ດ້ານວິຊາຊີບ-ສ້າງວຽກເຮັດງານທໍາ.

  ພ້ອມນັ້ນ, ໃນກອງປະຊຸມກໍໄດ້ມີການຈັດປະເພດຕີລາຄາໃຫ້ຄະແນນແຕ່ລະມາດຖານຂອງສະມາຊິກຊາວໜຸ່ມ ແລະລົງປະຊາມະຕິເພື່ອຮັບຮອງເອົາມາດຖານດັ່ງກ່າວເພື່ອນໍາໄປປະກອບໃສ່ບົດສະຫຼຸບການຈັດຕັ້ງປະຕິບັດຂໍ້ແຂ່ງຂັນ 4 ບຸກຂອງໜ່ວຍຮາກຖານຊາວໜຸ່ມຫ້ອງການປະຈຳປີ 2020.

แชร์