ແຂ່ງຂັນກີລາບານສົ່ງໃນຮົ່ມຍິງ-ຊາຍ ທົ່ວປະເທດ ຄັ້ງທີ 3

  ເປີດສາກຂຶ້ນຢ່າງເປັນທາງການໆແຂ່ງຂັນບານສົ່ງໃນຮົ່ມປະເພດຍິງ ແລະທີມຊາຍລາຍການທົ່ວປະເທດຄັ້ງທີ 3 ຊີງຂັນປະທານສະຫະພັນບານສົ່ງແຫ່ງຊາດລາວ ຫຼື ສບສ ປະຈຳປີ 20 20 ເພື່ອສ້າງຂະບວນການສະເຫຼີມສະຫຼອງວັນຊາດທີ 2 ທັນວາ ຄົບຮອບ 45 ປີ ແລະວັນຄ້າຍວັນເກີດທ່ານປະທານ ໄກສອນ ພົມວິຫານຄົບຮອບ 100 ປີ ຊຶ່ງມີຄະນະນຳ, ນັກກີລາ, ຂະນະທີ່ບໍລິສັດເບຍລາວຈຳກັດໃຫ້ການສະໜັບສະໜູນຫຼັກ 165 ລ້ານກີບ.

ພິທີເປີດການແຂ່ງຂັນກີລາບານສົ່ງຍິງ-ຊາຍທົ່ວປະເທດຊີງຂັນປະທານ ສບສ ຄັ້ງທີ 3 ປະຈຳປີ 2020 ໄດ້ຈັດຂຶ້ນຢ່າງເປັນທາງການໃນວັນທີ 20 ທັນວານີ້ທີ່ສະໜາມກີລາກອງທັບ (ຫຼັກ5) ເມືອງໄຊເສດຖາ ນະຄອນຫຼວງວຽງຈັນ ເພື່ອເປັນການສ້າງຂະບວນການສະຫຼອງວັນຊາດທີ 2 ທັນວາ ຄົບຮອບ 45 ປີ ແລະ ວັນຄ້າຍວັນເກີດທ່ານປະທານ ໄກສອນ ພົມວິຫານ ຄົບຮອບ 100 ປີ ໃຫ້ກຽດເຂົ້າຮ່ວມມີທ່ານ ກະເສມ ອິນທະລາ ຮອງປະທານຄະນະກຳມະການໂອແລມປີກແຫ່ງຊາດລາວ(ຄອລ), ທ່ານ ແສງພອນ ພົນອາມາດ ຫົວໜ້າກົມກີລາລະດັບສູງທັງເປັນຮອງເລຂາທິການຄອລ ແລະທ່ານ ຈັນສະໝອນ ຜ່ອງຈັນທາ ປະທານສະຫະພັນບານສົ່ງແຫ່ງຊາດລາວພ້ອມດ້ວຍຄະນະ ແລະບັນດາຜູ້ໃຫ້ການສະໜັບສະໜູນຫຼັກກໍຄືບໍລິສັດເບຍລາວຈຳກັດ, ຄະນະນຳແຕ່ລະພາກສ່ວນ, ຄູຝຶກ ແລະນັກກີລາຕະຫຼອດຮອດກອງເຊຍ ແລະສື່ມວນຊົນທຸກຂະແໜງການເຂົ້າຮ່ວມ.

  ໂອກາດນີ້, ທ່ານ ທິບພົງພັດ ມະນີວົງ ຮອງເລຂາທິການ ສບສ ລາຍງານໃຫ້ຮູ້ວ່າ: ລາຍການນີ້ດຳເນີນເປັນເວລາ 8 ວັນ ລະຫວ່າງ ວັນທີ 19-26 ທັນວາ 2020 ຊຶ່ງ ມີການຊີງໄຊທັງໝົດ 2 ລາຍການ ກໍຄືທີມຍິງ-ທີມຊາຍສຳລັບທີມຍິງມີ 7 ພາກສ່ວນ ແລະທີມຊາຍ ມີ 15 ພາກສ່ວນມີຄະນະນຳ, ຄູຝຶກ ແລະນັກກີລາ 572 ຄົນສ່ວນກຳມະການຕັດສິນ 50 ຄົນໃນພິທີ ດັ່ງກ່າວ ທ່ານ ສະຖຽນ ມວນວົງສາ ຜູ້ຈັດການຝ່າຍກິດຈະກຳ ແລະອຸປະຖຳບໍລິສັດ ເບຍລາວ ຈຳກັດຕາງໜ້າບໍລິສັດມອບເງິນອຸປະຖຳຈຳນວນ 165 ລ້ານກີບ, ບໍລິສັດເອັດ ພີພີ ການພິມ ແລະປ້າຍ 10 ລ້ານ ກີບ, ບໍລິສັດວີນ່າອຸປະຖຳ 3 ລ້ານກີບ ແລະບໍລິສັດອື່ນໆອີກໃຫ້ແກ່ການແຂ່ງຂັນລາຍການດັ່ງກ່າວຕາງໜ້າຮັບແມ່ນທ່ານ ກະເສມ ອິນທະລາ ຮອງປະທານຄະນະກຳມະການໂອແລມປີກແຫ່ງຊາດລາວນອກນັ້ນ,ທາງ ສບສ ກໍຍັງມອບອຸປະກອນກີລາ ບານສົ່ງໃຫ້ແຂວງອັດຕະປືເພື່ອນຳໄປພັດທະນາວົງການກີລາບານສົ່ງແຂວງໃຫ້ເຕີບໃຫຍ່ຂະຫຍາຍຕົວອີກດ້ວຍ.

  ສຳລັບການແຂ່ງຂັນບານສົ່ງໃນຮົ່ມປະເພດທີມຊາຍທີ່ມີທີມເຂົ້າຮ່ວມ 15 ທີມ ແບ່ງເປັນ 4 ກຸ່ມ ແຕ່ລະກຸ່ມແຂ່ງຂັນພົບກັນໝົດຄັດເລືອກເອົາທີ 1-2 ຜ່ານເຂົ້າໄປຫຼິ້ນໃນຮອບຕໍ່ໄປກຸ່ມ ກ ປະກອບມີກອງທັບປະຊາຊົນລາວ, ວິທະຍາໄລລາວ-ທ໋ອບ, ແບັກ ອີເກີ ວີຊີ ແລະມະຫາວິທະຍາໄລວິທະຍາສາດສຸຂະພາບ, ກຸ່ມ ຂ ລາວເດີນອາກາດ, ອິນທະສອນ, ກົມໃຫຍ່ພາ ລາທິການກອງທັບ, ແຂວງອັດ ຕະປື, ກຸ່ມ ຄ ຊໍຣີ 2EC, ຄະນະວິທະຍາສາດທຳມະຊາດ ມຊ ແລະອິນເທັນເຊິນ ວີຊີ ແລະປຣິ່ນເຊັດ ວີຊີ ແລະກຸ່ມ ງ ສະໂມສອນວຽງ ຈັນ, ນະຄອນຫຼວງ ແລະວີແກຣນ ວີຊີ ສ່ວນທີມຍິງມີ 7 ທີມ ແບ່ງ ເປັນ 2 ກຸ່ມ ແຕ່ລະກຸ່ມແຂ່ງຂັນພົບກັນໝົດຄັດເລືອກເອົາທີ 1-2 ຜ່ານເຂົ້າໄປຫຼິ້ນໃນຮອບຕໍ່ໄປກຸ່ມ ກ ມີກອງທັບປະຊາຊົນລາວ, ນິວ ອາຊຽນ ອີດູເຄເຊິນ (New Asean Education Center), ວີນາຄໍລະເຈນ ແລະແບັກໂກນ (BLack Gole) ກຸ່ມ ຂ ແອັງກີເບີດ (Angry Bird), ສະໂມສອນວຽງຈັນ, ມະຫາວິທະຍາໄລວິທະຍາສາດສຸຂະພາບທັງສອງປະເພດດັ່ງກ່າວແມ່ນຈະເລີ່ມແຂ່ງຂັນໃນວັນທີ 19 ທັນວາ ຜ່ານມາ.

   ລາຍການດັ່ງກ່າວທີມຊະນະເລີດທັງທີມຍິງ ແລະທີມຊາຍແມ່ນເທົ່າກັນໝົດທັງສອງທີມອັນດັບທີ 1 ຈະໄດ້ຮັບຂັນແຊ້ມ, ຫຼຽນຄໍາ ແລະເງິນສົດ 12 ລ້ານກີບ, ອັນ ດັບ 2 ໄດ້ຫຼຽນເງິນ ແລະເງິນສົດ 8 ລ້ານກີບ, ອັນດັບ 3 ໄດ້ຫຼຽນທອງ ແລະເງິນສົດ 6 ລ້ານກີບ ແລະອັນດັບ 4 ໄດ້ເງິນສົດ 3 ລ້ານກີບ.

   

แชร์