ປະທານສະພາແຫ່ງຊາດເຄື່ອນໄຫວຢຽ້ມຢາມ ແລະ ເຮັດວຽກຢູ່ໄຊຍະ

   ໃນລະຫວ່າງ ວັນທີ 21-23 ກູມພາ 2019 ທີ່ ແຂວງໄຊຍະບູລີ, ທ່ານ ນາງ ປານີ ຢາທໍ່ຕູ້ ປະທານສະພາ ແຫ່ງຊາດ ພ້ອມດ້ວຍຄະນະໄດ້ ເຄື່ອນໄຫວຢ້ຽມຢາມ ແລະເຮັດ ວຽກຢູ່ແຂວງໄຊຍະບູລີ  ຊຶ່ງ ໄດ້ເຮັດວຽກນໍາການນໍາຂອງ ແຂວງ, ເຂົ້າຮ່ວມງານມະຫາກໍາບຸນຊ້າງປີ 2019.

   ໃນການເຄື່ອນໄຫວຢ້ຽມຢາມ ແລະ ເຮັດວຽກໃນຄັ້ງນີ້, ທ່ານປະທານສະພາ ແຫ່ງຊາດໄດ້ເຂົ້າຮ່ວມກອງປະຊຸມຮ່ວມກັບການນໍາຂອງແຂວງທີ່ສະໂມສອນ ແຂວງ; ເຂົ້າຮ່ວມມີທ່ານ ພົງສະຫວັນ ສິດທະວົງ ເຈົ້າແຂວງໆໄຊຍະບູລີ, ບັນ ດາພະແນກການອ້ອມຂ້າງແຂວງ, ທະ ຫານ-ຕໍາຫຼວດ ແລະພາກສ່ວນທີ່ກ່ຽວ ຂ້ອງ; ໃນກອງປະຊຸມໄດ້ຮັບຟັງການລາຍ ງານສະພາບການຈັດຕັ້ງແຜນພັດທະນາເສດຖະກິດ-ສັງຄົມຂອງແຂວງ ຊຶ່ງເຫັນ ໄດ້ຜົນສໍາເລັດຫຼາຍດ້ານໃນການຈັດຕັ້ງປະຕິບັດໃນປີຜ່ານມາເປັນຕົ້ນວຽກງານປ້ອງກັນຊາດ-ປ້ອງກັນຄວາມສະຫງົບໄດ້ສືບຕໍ່ນໍາພາເອົາແນວທາງປ້ອງກັນ ຊາດ, ປ້ອງກັນຄວາມສະຫງົບທົ່ວປວງ ຊົນຮອບດ້ານຂອງພັກກາຍເປັນຂອງ ປະຊາຊົນໃຫ້ເປັນຮູບປະທຳຫຼາຍຂຶ້ນ, ທົ່ວ ແຂວງສືບຕໍ່ຮັກສາໄດ້ສະຖຽນລະພາບ ທາງດ້ານການເມືອງຢ່າງໜັກແໜ້ນ, ສັງຄົມມີຄວາມເປັນລະບຽບຮຽບຮ້ອຍ; ວຽກງານເສດຖະກິດເຫັນວ່າປີ 2018 ຜ່ານມາເສດຖະກິດຂອງແຂວງມີການ ຂະຫຍາຍຕົວຢ່າງຕໍ່ເນື່ອງບັນດາຂະແໜງການມີການຂະຫຍາຍຕົວເປັນຕົ້ນຂະ ແໜງກະສິກໍາ ແລະປ່າໄມ້, ອຸດສາຫະກໍາ ແລະການບໍລິການ.

   ຫຼັງຈາກນັ້ນ ທ່ານ ນາງ ປານີ ຢາທໍ່ ຕູ້ ກໍໄດ້ມີຄໍາເຫັນໂອ້ລົມ ແລະໃຫ້ທິດຊີ້ ນໍາການຈັດຕັ້ງປະຕິບັດແຜນພັດທະນາ ເສດຖະກິດ-ສັງຄົມຂອງແຂວງ ຊຶ່ງຈະ ຕ້ອງສືບຕໍ່ເອົາໃຈໃສ່ບາງດ້ານດັ່ງນີ້: ສະເໜີໃຫ້ສືບຕໍ່ເອົາໃຈໃສ່ແກ້ໄຂສິ່ງກີດ ຂວາງໃນແຕ່ລະຂະແໜງການເປັນຕົ້ນ ໃນຂົງເຂດວຽກງານປ້ອງກັນຊາດ-ປ້ອງ ກັນຄວາມສະຫງົບ, ຂົງເຂດເສດຖະກິດ ແລະຂົງເຂດອື່ນໆຕ້ອງເບິ່ງຄືນວ່າຍ້ອນ ບັນຫາໃດມັນຈຶ່ງບໍ່ສາມາດບັນລຸຕາມ ຄາດໝາຍໄດ້ສິແມ່ນຍ້ອນບັນຫາໄພທຳ ມະຊາດ, ພູມສັນຖານຫລືບັນຫາອື່ນໆ ກໍຄວນແກ້ໃຫ້ຖືກຈຸດ; ທ່າແຮງໃນການ ສ້າງໃຫ້ມີປັດໄຈໃໝ່ໃນການຜະລິດທຸລະ ກິດຍັງມີຄວາມຄືບໜ້າຊ້າສະນັ້ນຈຶ່ງສະເໜີໃຫ້ເບິ່ງຄືນສາເຫດວ່າເປັນຫຍັງມັນ ຈຶ່ງຊ້າ;  ສືບຕໍ່ຄຸ້ມຄອງລາຄາສິນຄ້າ, ອັດຕາແລກປ່ຽນໃຫ້ມີຄວາມສະຫງົບ ເພາະປັດຈຸບັດລາຄາສິນຄ້າມີການເໜັງ ຕີງແຮງຍ້ອນປະເທດເຮົານຳເຂົ້າສິນຄ້າຫລາຍ; ສະເໜີໃຫ້ພະນັກງານໃນຂົງເຂດ ຍຸຕິທຳສານ, ໄອຍະການ ແລະອົງການ ສືບສວນສອບສວນຕ້ອງປະຕິບັດໜ້າທີ່ ໃຫ້ຖືກກັບພາລະບົດບາດ, ສິດ ແລະໜ້າ ທີ່ຂອງຕົນເພື່ອຮັບປະກັນໄດ້ຄວາມຍຸຕິທຳໃນທົ່ວແຂວງພ້ອມທັງສະເໜີໃຫ້ຄະ ນະພັກຂອງຂະແໜງທີ່ກ່ຽວຂ້ອງຕິດ ຕາມກວດກາຄືນພະນັກງານຂອງຕົນວ່າ ປະຕິບັດຖືກຕ້ອງຕາມລະບຽບກົດໝາຍ ຫຼື ບໍ່, ຊື່ສັດບໍລິສຸດ ຫຼື ບໍ່,ເອົາໃຈໃສ່ຈັດ ຕັ້ງປະຕິບັດການເຊື່ອມຊຶມກົດໝາຍໃຫ້ ບັນດາຂະແໜງການທີ່ກ່ຽວຂ້ອງໂດຍ ສະເພາະແມ່ນ 4 ອົງການ, ເພີ່ມທະວີ ຄວາມຮັບຜິດຊອບທາງດ້ານການເມືອງ ຂອງພະນັກງານ ແລະການນໍາແຕ່ລະ ຂັ້ນຂອງອົງການດັ່ງກ່າວ.

  ນອກຈາກນັ້ນທ່ານປະທານສະພາ ແຫ່ງຊາດຍັງເນັ້ນສືບຕໍ່ໃຫ້ປັບປຸງກົນໄກການຈັດເກັບລາຍຮັບຂອງແຂວງ, ພ້ອມ ດຽວກັນນັ້ນກໍຕ້ອງຮີບຮ້ອນນໍາເຄື່ອງມືທັນສະໄໝເຂົ້າໃນການເກັບລາຍຮັບ; ສະເໜີໃຫ້ບັນດາຂະແໜງການຕ້ອງມີ ກ່ອງຮັບຟັງຄວາມຄິດເຫັນຂອງປະຊາ ຊົນເພື່ອຕິດຕາມການເຄື່ອນໄຫວຂອງພະ ນັກງານ ແລະຮັບຟັງຄໍາສະເໜີ ແລະຂໍ້ ຫຍຸ້ງຍາກຂອງປະຊາຊົນເພື່ອແກ້ໄຂ ຄໍາສະເໜີຕ່າງໆຂອງປະຊາຊົນ.

ນສພ ເສດຖະກິດສັງຄົມ

แชร์