ທີມປີ້ງແບ້ສະຫວັນມາລວຍ ໝັ່ນໃຈ 80% ນັດຊິງຊະນະເລີດບານເຕະຟຸດຊໍ ຊິງຂັນຫົວໜ້າພະແນກສຶກສານະຄອນຫຼວງ

  ສະໂມສອນ ປີ້ງແບ້ສະຫວັນມາລວຍເປັນອີກທີມໜ້າຈັບຕາໃນວົງການບານເຕະຟຸດຊໍ ນະຄອນຫຼວງວຽງຈັນ ໂດຍສະເພາະລາຍການຟຸກຊໍຊິງຂັນຫົວໜ້າພະແນກສຶກ ສາທິການ ແລະ ກີລາຜ່ານການແຂ່ງຂັນນັດຊະນະລວດ ແລະ ນັດສຳຄັນຄືຊິງຊະນະເລີດພົບທີມເພື່ອພັດທະນາໃນວັນທີ 26 ທັນວາ ທີ່ມາເຖິງນີ້ປະທານສະໂມສອນຫວັງຈະພາທີມສູ້ເຕັມທີ່ຄາດຫວັງ 80%.

ທ່ານ ບຸນມີ ຫຼ່ຽມໄຊຍະຈັກ ປະທານສະໂມສອນທີມປີ້ງແບ້ສະຫວັນມາລວຍໃຫ້ສຳພາດນັກຂ່າວໜັງສືພີມເສດຖະກິດ-ສັງຄົມ ຮູ້ວ່າ: ສຳລັບທີມປີ້ງແບ້ສະຫວັນມາລວຍມີແຕ່ເປົ້າຫມາຍນັດຊີງຄືຈະຕ້ອງເອົາຊະນະທີມຄູ່ສູ້ໃຫ້ໄດ້ເພື່ອຄວ້າແຊ໋ມແລກໃຫ້ສະໂມສອນ ແລະວາງເປົ້າຫມາຍສ້າງທີມຕໍ່ເນື່ອງໃນເວທີຟຸດຊໍຈິດຈັງ. ສ່ວນທີມຈະພົບນັ້ນແມ່ນຫລີ້ນດີສົມກັບເຂົ້າຊີງ ແລະພວກເຮົາກໍ່ເປັນຫ່ວງເລື່ອງນັກກິລາເພາະສ່ວນໃຫຍ່ນັກກິລາພວກເຮົາອາຍຸຫລາຍທີ່ຍັງມີຢູ່ຄືປະສົບການ ແລະການຝຶກຊ້ອມບາງເວລາທີ່ນັກກິລາວ່າງຈາກການເຮັດວຽກ. ແຕ່ຢ່າງໃດກໍ່ຕາມ, ເປົ້າຫມາຍຂອງພວກເຮົາທີ່ສຳຄັນຄືການພັດທະນາຕໍ່ໄປກໍ່ຄືການພັດທະນານັກກິລາເພື່ອທີມ ແລະ ເພື່ອຊາດ.

  ການແຂ່ງຂັນ ລາຍການຟຸກຊໍຊິງຂັນຫົວໜ້າພະແນກສຶກສາທິການ ແລະກີລາເພື່ອເປັນການສະເຫຼີມສະຫຼອງວັນສຳຄັນຂອງຊາດໃຫ້ມີຂະການຝົດຝືນ ແລະອີກຢ່າງເພື່ອເປັນການເປີດໂອກາດໃຫ້ເຍົາວະຊົນຜູ້ທີ່ພອນສະຫວັນມີສວນຮ່ວມເຂົ້າແຂ່ງຂັນ ແລະເພື່ອຄັດເລືອກເອົານັກກີລາເຂົ້າຮ່ວມແຂ່ງຂັນລະດັບພາກພື້ນ ແລະສາກົນ.

แชร์