ແຈກສູດວິທີເຮັດຊຸບໜໍ່ໄມ້ອາຫານພື້ນບ້ານແຊບໆ

  ໜໍ່ໄມ້ມີຄຸນຄ່າທາງອາຫານສູງທັງໂປຣຕິນ, ວິຕາມິນ ແລະສິ່ງສໍາຄັນມີກົດອະມິໂນທີ່ຮ່າງກາຍຜະລິດເອງບໍ່ໄດ້ຕ້ອງນໍາເຂົ້າຈາກອາຫານຕ່າງໆນອກຈາກນັ້ນ ໜໍ່ໄມ້ຍັງມີກາກໄຍອາຫານທີ່ຊ່ວຍຮ່າງກາຍນໍາເອົາກາກ ແລະສານພິດອອກສູ່ພາຍນອກໄດ້ໄວ້ໂດຍການດູດນໍ້າ ແລະເພີ່ມບໍລິມາດໃຫ້ກາກຫຼາຍຂຶ້ນຈົນຮ່າງກາຍເອງສົ່ງອອກກະທັນຫັນມື້ນີ້ຜູ້ຂຽນຈະນໍາເອົາວິທີຊຸບໜໍ່ໄມ້ແຊບໆມາຝາກຈະເຮັດ ແນວໃດນັ້ນໄປຮູ້ພ້ອມກັນເລີຍຊຸບໜໍ່ໄມ້ເປັນອາຫານພື້ນບ້ານຈານທໍາມະດາແຕ່ມີຄວາມເປັນພິເສດຢູ່ທີ່ສ່ວນປະສົມເຊັ່ນ: ໝາກງາ ໂດຍ ສະເພາະຜັກທຽມ ແລະຂີງທີ່ຈີ່ສຸກ ແລະຫອມສິງທີ່ຕ້ອງມີ: ໝໍ່ໄມ້, ຂ່າ ຫຼື ຂີງ, ເກືອ, ໝາກເຜັດ, ແປ້ງນົວ, ຫົວຜັກບົ່ວ ຫຼື ກະທຽມ, ຫອມເປ ແລະໝາກງາ.
  ວິທີເຮັດ: ນໍາເອົາໜໍ່ໄມ້ຕົ້ມ ຫຼື ເຝົາໄຟແລ້ວຊອຍເປັນຕ່ອນນ້ອຍໆ ຈີ່ຂ່າ ຫຼື ຂີງ, ໝາກເຜັດ, ຫົວຜັກບົ່ວ ຫຼື ກະທຽມໃຫ້ສຸກນໍາມາຕໍ່າພ້ອມເກືອ ແລະແປ້ງນົວໃຫ້ລະອຽດຫຼັງຈາກນັ້ນແລ້ວນໍາສ່ວນປະສົມລົງໃນຊາມຄົນໃຫ້ເຂົ້າກັນໃສ່ໝາກງາຊິມ ແລະເພີ່ມລົດຊາດຕາມຕ້ອງ ການ.

----

ຮຽບຮຽງໂດຍ: ຟ້າ

แชร์