ທຸກຄົນຄວນຮູ້ 5 ພະຍາດ ທີ່ມາພ້ອມກັບລົມໜາວ

  ລະດູໜາວ ຊ່ວງປ່ຽນລະດູ ເປັນຊ່ວງທີ່ອາກາດເຢັນລົງ ແລະໃນບາງເຂດອາດຈະເຢັນລົງແບບກະທັນຫັນເຮັດໃຫ້ອຸນຫະພູມໃນຮ່າງກາຍຕ້ອງປັບປ່ຽນຢ່າງໄວວາ ເພື່ອຮັບກັບອຸນຫະພູມພາຍນອກຈາກພາວະອາກາດນີ້ ຈຶ່ງເຮັດໃຫ້ເກີດພະຍາດໄດ້ງ່າຍກວ່າ ປົກກະຕີໂດຍສະເພາະໃນກຸ່ມເດັກນ້ອຍທີ່ກໍາລັງມີການຈະເລີນເຕີບໃຫຍ່ ແລະຜູ້ເຖົ້າທີ່ມັກເຈັບອອດໆແອດໆ ຫຼື ສຸຂະພາບບໍ່ແຂງແຮງເນື່ອງຈາກພູມຕ້ານທານໜ້ອຍຊຶ່ງ ໃນຄໍລໍ້າສາລະໜ້າຮູ້ມື້ນີ້ຈະນໍາເອົາພະຍາດທີ່ ມັກມາກັບລົມໜາວມາຝາກເພື່ອ ໃຫ້ທຸກຄົນໄດ້ລະມັດລະວັງນໍາກັນເປັນຕົ້ນ: ໄຂ້ຫວັດ, ໄຂ້ຫວັດໃຫຍ່, ຖອກທ້ອງ, ປອດປວມ, ໄຂ້ອີ່ສຸກອີ່ໃສ ແລະອື່ນໆ.
  ທັງນີ້ ເພື່ອຫຼິກລ່ຽງທຸກຄົນຄວນເຮັດໃຫ້ຮ່າງກາຍອົບອຸ່ນເບິ່ງແຍງສຸຂະພາບໃຫ້ແຂງແຮງອອກກໍາລັງກາຍສະໝໍ່າສະເໝີ, ກິນອາຫານທີ່ມີປະໂຫຍດ, ຮັກສາຄວາມສະອາດ, ບໍ່ດື່ມແອວກໍຣໍເພື່ອໃຫ້ຮ່າງກາຍແຂງແຮງບໍ່ໃຫ້ພະຍາດເຂົ້າມາແຊກຊ້ອນໄດ້.

----

ຮຽບຮຽງໂດຍ: ຟ້າ

• 22/12/2020