ຊີບີເອຟ ຟຣາມາ ມອບເຄື່ອງກວດລະບົບທາງເດິນອາຫານໃຫ້ໂຮງໝໍ

 ວັນທີ 17 ທັນວາ ຜ່ານມາ ທີ່ນະຄອນຫຼວງວຽງຈັນ ບໍລິສັດ ຊີບີເອຟ ຟຣາມາ ແລະໂຮງໝໍຮ່າໂນ່ຍ-ວຽງຈັນ ໄດ້ຈັດພິທີມອບ-ຮັບເຄື່ອງກວດລະບົບທາງເດີ່ນອາຫານໂດຍຜ່ານການຊ່ອງກ້ອງທີ່ຕິດອຸ່ນຕ້າຊາວໂດຍມີທ່ານ ດຣ. ຈິນດາ ວົງສຸລິ ຜູ້ອຳນວຍການໃຫ່ຍບໍລິສັດ ຊີບີເອຟ ຟຣາມາ,ທ່ານ ດຣ ເຈີນ ວັນນັງ ຜູ້ອຳນວຍການໂຮງໝໍຮ່າໂນ່ຍ-ວຽງຈັນ ພ້ອມດ້ວຍພະນັກງານທັງສອງຝ່າຍເຂົ້າຮ່ວມ.

   ທ່ານດຣ. ຈິນດາ ວົງສຸລິ ກ່າວວ່າ: ເຄື່ອງກວດລະບົບທາງເດີ່ນອາຫານໂດຍຜ່ານການຊ່ອງກ້ອງທີ່ຕິດອຸ່ນຕ້າຊາວແມ່ນເຄື່ອງກວດທີ່ທັນສະໄໝທີ່ສຸດເພື່ອກວດພົບກ້ອນເນື້ອ ຫຼືກ້ອນເບົ້າຢູ່ໃນລະບົບລະລາຍ, ຊ່ວຍບົ່ງມະຕິພະຍາດໄດ້ຊັດເຈນທີ່ສຸດກ່ຽວກັບບັນດາກ້ອນເບົ້າຢູ່ໃນກະເພາະອາຫານ, ລໍາໄສ້, ຖົງນໍ້າບີ, ມ້າມ, ບັນດາກ້ອນເບົ້າຕ່າງໆຕາມກະເພາະລໍາໄສ້,ນອກນັ້ນຍັງສາມາດກວດມະເຮັງຂັ້ນເລີ່ມຕົ້ນໃນຂະນະທີ່ກ້ອນມະເຮັງນັ້ນຫາກໍ່ເກີດຂຶ້ນ ແລະຍັງນອນຢູ່ໃນຊັ້ນເຍື້ອຂອງລໍາໄສ້ ຫຼືວ່າກ້ອນເບົ້ານັ້ນນ້ອຍໆແຕ່ນອນຢູ່ໃນຜົ້ງທ້ອງຫາກໍ່ລາມພຽງເລັກນ້ອຍເຮົາກໍ່ສາມາດກວດພົບໄດ້.

 ໂຮງໝໍຮ່າໂນ່ຍ-ວຽງຈັນແມ່ນໜຶ່ງໃນບັນດາໂຮງໝໍທີ່ມີທ່ານໝໍປະສົບການສູງ, ມີຄວາມຊ່ຽວຊານທາງດ້ານພະແນກສ່ອງລະບົບລະລາຍ ແລະເປັນໂຮງໝໍແຫ່ງທໍາອິດໃນປະເທດລາວທີ່ນໍາເຂົ້າເຄື່ອງສ່ອງເອໂກ້ລະບົບລະລາຍ EUS ຂອງປະເທດຍີ່ປຸ່ນ.

• 21/12/2020