ປັບຂື້ນລາຄານ້ຳມັນ

 ໃນວັນທີ 25 ກຸມພາ 2019 ກະຊວງອຸດສາຫະກຳ ແລະການຄ້າໄດ້ອອກແຈ້ງການເຖິງສະມາຄົມນໍ້າມັນເຊື້ອໄຟ ແລະອາຍແກ໊ສ, ບັນດາບໍລິສັດນໍ້າມັນເຊື້ອໄຟເລື່ອງແຈ້ງການປັບຂຶ້ນລາຄານໍ້າມັນເຊື່ອໄຟໃນຂອບເຂດທົ່ວປະເທດຊຶ່ງເລີ່ມຈັດຕັ້ງປະຕິບັດຕັ້ງແຕ່ເວລາ 6:00 ໂມງຂອງວັນທີ 26 ກຸມພາ 2019 ເປັນຕົ້ນໄປ ແລະການປັບລາຄານີ້ແມ່ນໄດ້ປັບຂຶ້ນລາຄານໍ້າມັນແອັດຊັງພິເສດ 240 ກີບຕໍ່ລິດ, ນໍ້າມັນແອັດຊັງ ທໍາມະດາ 220 ກີບຕໍ່ລິດ ແລະນໍ້າມັນ   ກາຊວນ 240 ກີບຕໍ່ລິດ.

 ສະເພາະນະຄອນຫຼວງວຽງຈັນ ແອັດຊັງພິເສດໃຫ້ຂາຍໃນລາຄາ 9.760 ກີບ ຕໍ່ລິດ, ທຳມະດາ 8.730 ກີບລິດ ແລະ ກາຊວນ 8.410 ພັນກີບຕໍ່ລິດ, ແຂວງຜົ້ງສາລີ ແອັດຊັງທຳມະດາ 9.490 ກີບ, ກາຊວນ 9.170 ກີບ, ຫຼວງນ້ຳທາ ແອັດຊັງທຳມະດາ 9.090 ກີບ, ກາຊວນ 8.770 ກີບ, ແຂວງອຸດົມໄຊ ແອັດຊັງ ພິເສດ 10.240, ແອັດຊັງທໍາມະດາ 9.210, ກາຊວນ 8.890, ແຂວງບໍ່ແກ້ວ ແອັດຊັງພີເສດ 9.860 ກີບຕໍ່ລິດ, ທໍາມະດາ 8.830 ກີບຕໍ່ລິດ ແລະກາຊວນ 8.510 ກີບຕໍ່ລີດ, ຫຼວງພະບາງແອັດຊັງພິເສດ 10.160 ກີບຕໍ່ລິດ, ແອັດຊັງທໍາມະດາ 9.130, ກາຊວນ 8.810, ແຂວງໄຊຍະບູລີ ແອັດຊັງພິເສດ 10.010, ແອັດຊັງທໍາມະດາ 8.980, ກາຊວນ 8.660, ຫົວພັນ ແອັດຊັງທຳມະດາ 9.420 ກີບ, ກາຊວນ 8.400 ກີບຕໍ່ລິດ, ອຸ ດົມໄຊ ແອັດຊັງພີເສດຢູ່ທີ 10.590 ກີບ, ທຳມະດາ 9.130 ກີບ, ກາຊວນ 8.810 ກີບຕໍ່ລິດ, ຊຽງຂວາງ ແອັດຊັງທຳມະດາ 8.920 ກີບ, ກາຊວນ 8.600 ກີບ, ແຂວງວຽງຈັນ ແອັດຊັງພິເສດ 9.760 ກີບ, ທຳມະດາ 8.730 ກີບ, ກາຊວນ 8.410 ກີບ, ບໍລິຄຳໄຊ ແອັດຊັງພີເສດ 9.840 ກີບ, ທຳມະດາ 8.810 ກີບ, ກາຊວນ 8.490 ກີບ.

  ສຳລັບຄຳມ່ວນແອັດຊັງພິເສດ 9.790,ແອັດຊັງທໍາມະດາ 8.760,ກາຊວນ 8.440 ແຂວງສະຫວັນນະເຂດ ແມ່ນລາຄາດຽວກັບແຂວງຄຳມ່ວນ,ແຂວງຈໍາປາສັກ ແອັດຊັງພີເສດ 9.820 ກີບ, ທຳມະດາ 8.790 ກີບ, ກາຊວນ 8.470 ກີບ, ສາລະວັນ ແອັດຊັງທຳມະ ດາ 8.940 ກີບ, ກາຊວນ 8.620 ກີບ, ແຂວງໄຊສົມບູນ ແອັດຊັງທໍາມະດາ 8.970, ກາຊວນ 8.650 ອັດຕະປື ແອັດຊັງພີເສດ 10.000 ກີບ, ທຳມະດາ 9.970 ກີບ, ກາຊວນ 8.650 ກີບຕໍ່ລິດ ແລະແຂວງເຊກອງແມ່ນລາຄາດຽວກັບແຂວງອັດຕະປື.

ຂ່າວ: ຟ້າ   

แชร์