ຄະນະສະພານະຄອນຫຼວງວຽງຈັນ ລົງຢ້ຽມຍາມສວນວັດທະນະທຳຊຽງຄວນ

  ວັນທີ17 ທັນວ່າ 2020 ຜ່ານມາຄະນະເລຂາທິການສະພາປະຊາຊົນນະຄອນຫຼວງວຽງຈັນລົງຢ້ຽມຍາມແຫຼງທ່ອງທ່ຽວຊວນວັດທະນະທຳຊຽນຄວນນຳໂດຍທ່ານນາງ ຄຳຟອງ ພຸມວົງໄຊ ຮອງປະທານສະພາປະຊາຊົນນະຄອນຫຼວງວຽງຈັນ, ຮັບນາງ ສ້ອຍສຸດາ ອິນເມືອງໄຊ ປະທານບໍລິສັດສວນວັດທະນະທໍາພ້ອມດ້ວຍຄະນະ.

  ການລົງທ່ຽວຊົມຄັ້ງນີ້ເພື່ອເປັນການຊຸກຍູ້ສົ່ງເສີມການທ່ຽວທ່ຽວພາຍໃນຫຼັງຈາກທີ່ໄດ້ຮັບຜົນກະທົບຈາກການລະແຜ່ລະບາດພະຍາດໂຄວິດ-19 ແນໃສ່ເຮັດໃຫ້ການທ່ອງທ່ຽວພາຍໃນມີຂະບວນຟົດຟື້ນ.

   ສວນວັດທະນະທຳຊຽງຄວນເປັນແຫຼ່ງທ່ອງທ່ຽວດ້ານວັດທະນະທຳທີ່ຕິດພັນກັບປະຫວັດສາດທີ່ມີປະຫວັດຍາວນານ, ເປັນແຫຼ່ງທ່ອງທ່ຽວໜຶ່ງຕັ້ງຢູ່ລຽບແຄມນໍ້າ ຂອງ, ປະກອບດ້ວຍສະພາບແວດລ້ອມທຳມະຊາດອຸດົມສົມບູນບວກກັບຮູບປັ້ນພະພຸດທະຮູບ ແລະ ສິ່ງປະດິດສະຖານຫຼາຍກວ່າ 200 ແບບ, ມີທັງຮູບປັ້ນຄົນ, ຜີ, ເທວະດາ, ພະ, ສັດເດຍລະສານໃນອະລິຍະບົດຕ່າງໆທັງໃນພິພົບແຫ່ງສະຫວັນ, ໂລກມະນຸດ ແລະນາຣົກອະເວຈີ, ອັນປະສົມປະສານລະຫວ່າງຄະຕິພຸດ ແລະຮິນດູທີ່ມີເລື່ອງເລົ່າຜົນກຳໃນການສ້າງຄວາມດີ ແລະຄວາມຊົ່ວປົນກັນໄປເຊິ່ງມີຄວາມງົດງາມປະການຕາຫາຊົມໄດ້ຍາກ.

แชร์