ນາງສາວ ເມທັນເພັດ ຄວ້າມົງກຸດນາງງາມໄທຄົນທີ 52

  ການປະກວດນາງງາມຂອງໄທປີນີ້ຈັດຂຶ້ນຢູ່ສູນປະຊຸມ ແລະຈັດສະແດງສິນຄ້ານານາຊາດໃນຈັດຫວັດຊຽງໃໝ່ ໃນວັນທີ 14 ທັນວາ ທີ່ຜ່ານມາ ຊຶ່ງເປັນການປະກາດຄັ້ງທຳອິດໃນຮອບຕັດສິນມີສາວງາມເຂົ້າຮ່ວມປະກວດ 30 ຄົນ ແລະຄັດເລືອກເຫຼືອ 16 ສາວງາມກ່ອນຈະເຫຼືອ 5 ຄົນສຸດທ້າຍໃນຮອບຕັດສິນທ່າມກາງສຽງເຊຍຂອງບັນດາກອງເຊຍທີ່ມີໃຫ້ກຳລັງໃຈຢ່າງໜາແໜ້ນ ຊຶ່ງແຕ່ລະຄົນງົດງາມໃນຊຸດ ລາຕີ ແລະຕອບຄຳຖາມ.

  ຜົນການຕັດສິນປາກົດວ່ານາງ ສາວ ເມ ຫຼື ທັນເພັດ ພົງປະພັນ ອາຍຸ 27 ປີ ຄວ້າມົງກຸດສາວງາມໄທຄົນທີ 52 ໄປຄອງພ້ອມເງິນ ລາງວັນ 1 ລ້ານບາດ, ມົງກຸດເພັດ ແລະສາຍສະພາຍພ້ອມທຶນການສຶກສາອີກ 2,5 ລ້ານບາດ ແລະຈະປະຕິບັດໜ້າທີ່ເປັນທູດວັດທະນາທຳ ແລະທູດທ່ອງທ່ຽວປະຈຳປະເທດໄທ, ສ່ວນຮອງອັນດັບ 1 ຄື ນາງສາວ ທິດການ ອາຍຸ 24 ປີ ຮອງອັນດັບ 2 ນາງສາວ ສຸພອນ ທິການະພຣັດ ອາຍຸ 23 ປີ ຮອງອັນດັບ 3 ນາງສາວ ກະມົນພອນທອງພົນ ອາຍຸ 20 ປີ ແລະຮອງອັນດັບ 4 ນາງສາວ ປະທິດຕາ ສັນຕິວິດ ອາຍຸ 27 ປີ.

----

ໜັງສືພິມ ເສດຖະກິດ-ສັງຄົມ

แชร์