ເຊີນທ່ຽວງານວາງສະແດງລົດ

  ວັນທີ 22 ກຸມພາ ຜ່ານມາບໍລິສັດພີພີ ເອັນເຕີເທນເມັນ ແອັນອໍກາຍເຊີຈຳກັດຜູ້ດຽວຮ່ວມກັບກົມສົ່ງເສີມການຄ້າກະຊວງອຸດສາຫະກຳ ແລະການຄ້າໄດ້ຈັດພີທີເປີດງານວາງສະແດງລົດ Vientinne Motor  Show 2019 ຂຶ້ນທີ່ສູນການຄ້າລາວ- ໄອເຕັກ (ຕຶກເກົ່າ) ໂດຍມີທ່ານ ໄຊສົມເພັດ ນໍຣະສິງ ຫົວໜ້າກົມສົ່ງເສີມການຄ້າ; ທ່ານ ພອນຈັນ ເພັງສຸວັນ ຜູ້ອຳນວຍການບໍລິສັດພິພິໄຊໂຍເອັນເຕີເທັນເມັນ ແອນອໍກາຍເຊີ້ ຈຳກັດ ຜູ້ດຽວ ແລະ ແຂກທີ່ຖືກເຊີນເຂົ້າຮ່ວມ.

  ທ່ານ ພອນຈັນ ເພັງສຸວັນ ກ່າວວ່າ: ຈຸດປະສົງຂອງການຈັດງານວາງສະແດງ ລົດ ວຽງຈັນມໍເຕີ້ໂຊ 2019 ໃນຄັ້ງນີ້ ກໍ ເພື່ອເປັນການຕອບໂຈດໃຫ້ກັບບັນດາ ບໍລິສັດຫ່າງຮ້ານທີ່ຈຳໜ່າຍລົດ ແລະຜະ ລິດຕະພັນຕົກແຕ່ງລົດຮ່ວມໄປເຖິງຄວາມ ຮຽກຮ້ອງຕ້ອງການຂອງກຸ່ມບັນດາລູກ ຄ້າຜູ້ຊົມໃຊ້ ແລະທີ່ສຳຄັນກໍເພື່ອເປັນ ການຕໍ່ຍອດໃຫ້ກັບວົງການການລົດ ໂດຍອີງໃສ່ຈາກການປະສົບຜົນສຳເລັດ ໃນການຈັດງານມໍເຕີ້ເອັກສໂປ ໃນປີທີ່ ຜ່ານໆມາ, ສຳລັບງານໃນຄັ້ງນີ້ແມ່ນຈະ ໄດ້ຈັດຂຶ້ນໃນລະຫວ່າງ ວັນທີ 22 ກຸມ ພາຫາ 2 ມີນາ 2019 ທີ່ສູນການຄ້າ ລາວ-ໄອເຕັກຕືກເກົ່າ.

  ສຳລັບພາຍໃນງານວາງສະແດງລົດວຽງຈັນມໍເຕີ້ໂຊ 2019 ແມ່ນຈະມີ ກິດຈະກຳຫຼາກຫຼາຍຢ່າງ ຊຶ່ງຄົນທີ່ເຂົ້າມາຮ່ວມງານແມ່ນຈະມີສິດລົງທະບຽນເພື່ອຮັບຄູ່ປ້ອງລຸ້ນໂຊກຮັບເອົາຂອງລາງວັນບໍ່ວ່າຈະເປັນ: ສາຍຄໍຄຳ, ໂທລະສັບມືຖື, ເສື້ອຍືດ ແລະຂອງລາງວັນອື່ນໆອີກຢ່າງຫຼວງຫຼາຍພິເສດໄປກວ່ານັ້ນພາຍໃນງານຈະໄດ້ມີການສະແດງ ຄອນເສີດຈາກສິລະປີນທັງພາຍໃນ ແລະປະເທດເພື່ອນບ້ານ ລວມໄປເຖິງກິດຈະກຳການສະແດງໂຊລົດຜາດໂຜນຊຶ່ງວ່າພາຍໃນງານນອກຈາກຈະໄດ້ມີລົດໃໝ່ທີ່ມາວາງສະແດງແລ້ວຍັງຈະມີກິດ ຈະກຳປະມູນລົດມື 2 ນຳຕື່ມອີກເພື່ອເອົາໃຈລູກຄ້າຫຼາຍກຸ່ມໂດຍມີບໍລິສັດສິນເຊື້ອດອກເບ້ຍຕໍ່າທີ່ຄອຍໃຫ້ການເພື່ອເປັນອີກໜຶ່ງທາງເລືອກໃຫ້ແກ່ລູກຄ້າ.

 ນອກຈາກນັ້ນຜູ້ທີ່ເຂົ້າຮ່ວມງານຍັງຈະໄດ້ຮັບຟັງນະໂຍບາຍສົ່ງເສີມການຂາຍຕ່າງໆຈາກບັນດາຄ້າຍລົດແຕ່ລະ ຄ້າຍທີ່ເຂົ້າຮ່ວມພ້ອມທັງຮັບຟັງເງື່ອນໄຂຈາກບໍລິສັດ ປະກັນໄພ ພ້ອມກັບໄດ້ຮັບຊົມຜົນງານການປະດີດສິ່ງໃໝ່ໆຂອງຄົນລາວທີ່ບໍ່ເຄີຍສະແດງຢູ່ໃສ່ມາກ່ອນ.

ຂ່າວ: ນສພ ເສດຖະກິດ-ສັງຄົມ

แชร์