ແຈກສູດເຄື່ອງດື່ມຫວານໜ້ອຍແຕ່ແຊບ ກິນເທົ່າໃດກໍ່ບໍ່ເຮັດໃຫ້ຕຸ້ຍ

  ປະຈຸບັນນີ້ໄປທາງໃດກໍ່ເຫັນຫຼາຍໆຄົນຈິງຈັງກັບການເບິ່ງແຍງສຸຂະພາບໂດຍສະເພາະເລື່ອງຂອງການລົດນໍ້າໜັກທີ່ມາຈາກພາວະນໍ້າໜັກເກີນອັນເປັນບໍ່ເກີດຂອງສາ ລະພັດໂລກໄດ້ເຊັ່ນ: ໂລກຫົວໃຈ, ໂລກຫຼອດເລືອດສະໝອງ, ໂລກເບົາຫວານ ແລະໂລກຄວາມດັນໂລຫິດສູງເປັນຕົ້ນຊຶ່ງຄົນປົກກະຕິທົ່ວໄປຄວນໄດ້ນໍ້າຕານບໍ່ເກີນ 6 ບ່ວງຊາ ຫຼື 24 ກຣາມ ໃນ 1 ມື້ ແຕ່ຖ້າບໍລິໂພກຫຼາຍເກີນໄປກໍຈະຖືກປ່ຽນເປັນໄຂມັນສະສົມໃນຮ່າງກາຍ, ສົ່ງຜົນໃຫ້ມີນໍ້າໜັກເກີນສຳລັບມື້ໃນຄໍລໍາສາລະໜ້າຮູ້ມື້ນີ້ເຮົາໄດ້ນຳເອົາເຄື່ອງດື່ມທີ່ຫວານໜ້ອຍທີ່ແຊບ ແລະຍັງດີຕໍ່ສຸຂະພາບມາຝາກ.

   ໝາກຕູມ: ໝາກຕູມເປັນສະໝູນໄພທີ່ດີຢ່າງໜຶ່ງທີ່ຮູ້ຈັກກັນແຜ່ຫຼາຍສາມາດຫາຊື້ໝາກອ່ອນ ຫຼືຕາກແຫ້ງເຊິ່ງມີຂາຍຢູ່ຕາມຮ້ານຂາຍຢາແຜນບູຮານ ຫຼືຕາມຕະ ຫຼາດໂດຍສັບພະຄຸນທາງຢາຂອງໝາກຕູມນັ້ນສາມາດຂັບລົມບັນເທົາອາການທ້ອງແໜ້ນ, ຊ່ວຍບັນເທົາອາການອ່ອເພຍ ແລະຈຸກສຽບພຽງແຕ່ນໍາເອົາໝາກຕູມອ່ອນທີ່ຝານເປັນແຜ່ນຕາກແດດໃຫ້ແຫ້ງລ້າງນໍ້າໃຫ້ສະອາດໃຊ້ສັນມີດທຸບໃຫ້ແຕກຕົ້ມນໍ້າໃຊ້ໝາກຕູມແຜ່ນລ້າງນໍ້າປີ້ງໄຟພໍຫອມ ຫຼືໝາກຕູມທີ່ທຸບນັ້ນໃສ່ລົງໄປໃນໝໍ້ປະມານ 10–15 ນາທີ ໂດຍການປັບໄຟປານກາງໃສ່ນໍ້າຕານລົງໄປແລ້ວຕົ້ມຕໍ່ໄປຈົນນໍ້າຕານລະລາຍດີປິດໄຟປະໄວ້ໃຫ້ເຢັນຖອກໃສ່ກະຕຸກນໍ້າໄວ້ໃນຕູ້ເຢັນເກັບໄວ້ດື່ມດົນໄດ້ເວລາດື່ມນໍ້າໃຊ້ປະສົມນໍ້າກ້ອນໂດຍສະເພາະໃນຊ່ວງໜ້າຮ້ອນທີ່ມີອາການຮ້ອນຈັດຈະເຮັດໃຫ້ຮູ້ສຶກສົມຊື່ນແກ້ຮ້ອນໃນກະຫາຍນໍ້າໄດ້ດີບາງຄົນອາດຈະມັກຕົ້ມກັບນໍ້າລ້າໂດຍບໍ່ໃສ່ນໍ້າຕານເຊິ່ງລົດຊາດກໍຄ້າຍກັບດື່ມນໍ້າສະໝຸນໄພເຊິ່ງສາມາດດື່ມໄດ້ໃນຂະນະທີ່ອຸ່ນ ຫຼືປະສົມນໍ້າກ້ອນກໍໄດ້ເຊັ່ນກັນ.

----

ຮຽບຮຽງໂດຍ: ຟ້າ  

แชร์