ນຳສະເໜີລົດຮອນດ້າ Civic ໃໝ່

   ວັນທີ 23 ກຸມພາຜ່ານມາທີ່ສູນການຄ້າລາວ-ໄອເຕັກ ບໍລິສັດນິວຈິບເຊັງ ຈຳກັດໄດ້ນຳສະເໜີລົດຮອນດ້າຮຸ່ນໃໝ່ (New Honda Civic 2019) ທີ່ມາພ້ອມກັບຄວາມໂດດເດັ່ນ ແລະເຕັກໂນໂລຊີທີ່ທັນສະໄໝກວ່າເກົ່າໂດຍເຂົ້າຮ່ວມມີຄະນະບໍລິຫານບໍລິສັດ, ລູກຄ້າພ້ອມດ້ວຍບັນດາຊື່ມວນຊວນເຂົ້າຮ່ວມ.

  ລົດຮອນດ້າຊີວິກ 2019 ມີພະລັງແຫ່ງນະວັດຕະກຳມີໃຫ້ເລືອກ 2 ແບບທັງເຄື່ອງຍົນຂະໜາດ 1,5 ລິດໃຫ້ກຳລັງສູງສຸດ 173 ແຮງມ້າທີ່ 5,5 ພັນ ຮອບຕໍ່ນາທີສົ່ງກຳລັງດ້ວຍເກຣຍອັດຕະໂນມັດ CVT ແລະເຄື່ອງຍົນຂະໜາດ 1,8 ລິດ ໃຫ້ກຳລັງສູງສຸດ 141 ແຮງມ້າ ທີ່ 6,5 ພັນຮອບຕໍ່ນາທີຊຶ່ງມີຄວາມປະຢັດນ້ຳມັນ, ເປັນມິດຕໍ່ສິ່ງແວດລ້ອມພ້ອມເຕັກໂນໂລຊີທີ່ຊ່ວຍອຳນວຍຄວາມສະດວກສະບາຍ ແລະຄວາມປອດໄພທີ່ເໜືອລະດັບ.

  ຮອນດ້າຊີວິກ 2019 ຍັງບໍ່ຖິ້ມຄວາມທັນສະໄໝດ້ວຍການໃຊ້ໜ້າຈໍສຳຜັດຂະໜາດ 7 ນິ້ວທີ່ພ້ອມຈະເຊື່ອມຕໍ່ໂລກຂອງທ່ານໃນຂະນະທີ່ຢູ່ບົນຖະໜົນນອ ກນັ້ນຍັງໃສ່ຟັ່ງຊັ້ນສຳລັບຄົນທີ່ມັກລືມເພື່ອຊີວິດທີ່ເລັ່ງດ່ວນ Walk Away Auto Lock ເປັນລະບົບລັອກອັດຕະໂນມັດເມື່ອກຸນແຈລີໂມດຢູ່ຫ່າງຈາກຕົວລົດຈະເຮັດໃຫ້ທ່ານບໍ່ຕ້ອງກັງວົນເລື່ອງລັອກລົດອີກຕໍ່ໄປ.

  ຮອນດ້າຊີວິກມີໃຫ້ເລືອກທັງໝົດ 7 ສີຄື: ສີໃໝ່, ຂາວເພັດທິນຳ (ມຸກ), ສີເງິນລູນາ, ສີເທົາໂມເດີນ, ສີນ້ຳເງິນບີນລ້ຽນສະປອດຕີ້, ສີແດງແລດລີ່ເລດ, ສີດຳຕິດຕັນ ແລະສີນ້ຳເງິນຄອດມິກບູຊຶ່ງມີລາຄາເປີດຈຳໜ່າຍຢູ່ທີ່ 253,7 ລ້ານກີບ ຫຼື ປະມານ 29,5 ພັນໂດລາ.

ຂ່າວ: ນສພ ເສດຖະກິດ-ສັງຄົມ 

แชร์