ເອຊີລີດາ ວາງວິໄສທັດ ເປັນທະນາຄານຊັ້ນນຳໃນລາວ ດຽວນີ້ສຸມປ່ອຍເງິນກູ້ເອັສເອັມອີສູງເຖີງ 17 ຕື້ກີບ

  ທະນາຄານ ເອຊີລີດາ ລາວ ຈຳກັດ ປະຊາທະນາຄານທີ່ທ່ານໄວ້ວາງໃຈ, ໄດ້ຄາດການເຫັນອັດຕາການ ຂະຫຍາຍຕົວຢ່າງໄວວາໂດຍການເພີ່ມຂຶ້ນຂອງຈຳນວນຜູ້ຝາກເງິນເຖິງ 12% ໃນປີ 2018 ຂະນະທີ່ວິ ໄສທັດຂອງທະນາຄານ ເອຊີລີດາ ລາວ ຈຳກັດແມ່ນການກ້າວຂຶ້ນເປັນທະນາຄານທຸລະກິດຊັ້ນນຳໃນ ສປປ ລາວ ທີ່ໃຫ້ບໍລິການທຸລະກິດຂະໜາດນ້ອຍ-ຂະໜາດກາງ.

  ໃນຖານະການເປັນທະນາຄານສຳລັບທຸລະກິດຂະໜາດນ້ອຍ-ຂະໜາດກາງ ແລະຄວາມກ້າວໜ້າທາງດ້ານເຕັກໂນໂລ ຊີຂອງແອັບພລິກເຄຊັ່ນເທິງມືຖື “ເອຊີລີ ດາ ທັນໃຈ”, ທະນາຄານ ມີໂອກາດໃນ ການໃຫ້ບໍລິການລູກຄ້າທຸກລະດັບ ແລະ ໂດຍສະເພາະຂະແໜງທຸລະກິດຂະໜາດ ນ້ອຍທີ່ມີຜະລິດຕະພັນ-ການບໍລິການ ທີ່ຫຼາກຫຼາຍ. ປະຈຸບັນລູກຄ້າທຸລະກິດຂະໜາດນ້ອຍ-ຂະໜາດກາງແຕ່ລະຄົນ, ໂດຍສະເພາະຂະໜາດກາງ ຫຼື ຂະໜາດ ໃຫຍ່ສາມາດກູ້ຢືມຈາກທະນາຄານ ເອຊີ ລີດາ ລາວຈຳກັດໄດ້ເຖິງ 17 ຕື້ກີບ ຫຼື 2 ລ້ານໂດລາ ຂຶ້ນຢູ່ກັບຂໍ້ກຳນົດ ແລະຂໍ້ ມູນຂອງລູກຄ້າ.

  ທ່ານ ດຣ ຮາຍ ສະວາຍ ຜູ້ອຳນວຍ ການໃຫຍ່ ທະນາຄານ ເອຊີລີດາ ລາວຈຳ ກັດ. ກ່າວວ່າ: ທ່າອ່ຽງການຂະຫຍາຍ ຕົວຂອງຜູ້ຝາກເງິນຈາກສາທາລະນະຊົນ ແລະລູກຄ້າມີການເພີ່ມຂຶ້ນເລື້ອຍໆດ້ວຍການລະດົມທຶນທີ່ມີຫຼາກຫຼາຍຮູບແບບ ດັ່ງນັ້ນທະນາຄານຈຶ່ງມີອັດຕາສ່ວນ ແລະ ສະພາບຄ່ອງສູງໃນການໃຫ້ບໍລິການຜະລິດຕະພັນສິນເຊື່ອແກ່ລູກຄ້າທຸກລະດັບເພື່ອເປັນທຶນ ແລະຂະຫຍາຍທຸລະກິດ, ທ່ານຍັງໄດ້ກ່າວຕື່ມອີກວ່າທະນາຄານ ເອຊີລີດາ ລາວ ຈຳກັດ ໄດ້ເນັ້ນໃສ່ການ ໃຫ້ກູ້ຢືມທີ່ຫຼາກຫຼາຍຊ່ອງທາງສຳລັບທຸລະກິດຂະໜາດນ້ອຍ-ຂະໜາດກາງ, ທຸລະກິດຂະໜາດໃຫຍ່ ແລະສິນເຊື່ອສຳລັບທຸລະກິດຂະໜາດນ້ອຍ-ຂະໜາດກາງ ໂດຍສະເພາະ.

  ທ່ານ ເມກຄະຫຼາ ໂຄດປັນຍາ, ຫົວ ໜ້າພະແນກສິນເຊື່ອກ່າວວ່າ ທະນາຄານ ເອຊີລີດາ ຈຳກັດ ໃຫ້ບໍລິການຢ່າງວ່ອງ ໄວ ແລະສະດວກສະບາຍດ້ວຍແຫຼ່ງເງິນທຶນທີ່ພຽງພໍ. ທະນາຄານ ເອຊີລີດາ ລາວ ໄດ້ປ່ອຍສິນເຊື່ອໃຫ້ລູກຄ້າຫຼາຍກວ່າ 1,6 ແສນລູກຄ້າໂດຍມີຍອດສິນເຊື່ອທຽບເທົ່າສະກຸນເງິນໂດລາສະຫະ ລັດ ຈຳນວນ 60 ລ້ານໂດລາ ໃນທ້າຍປີ 2018 ສຳລັບຜູ້ປະກອບການຂະໜາດ ນ້ອຍ ແລະຂະໜາດກາງສາມາດກູ້ໄດ້ ໃນຈຳນວນເລັກໜ້ອຍເຖິງປານກາງ. ສະເພາະວົງເງິນຂະໜາດກາງ  ແລະ ຂະໜາດໃຫຍ່ລູກຄ້າແຕ່ລະຄົນສາມາດ ກູ້ຢືມໄດ້ເຖິງ 17 ຕື້ກີບ ຫຼື ປະມານ 2 ລ້ານໂດລາ,” ທະນາຄານໃຫ້ບໍລິການ ລູກຄ້າດ້ວຍຄວາມວ່ອງໄວ, ມີປະສິດທິພາບ ແລະໂປ່ງໃສ” ທ່ານໄດ້ກ່າວເພີ່ມ.

  ໃນການດຳເນີນທຸລະກິດໃນ ສປປ ລາວ ຫຼາຍກວ່າ 10 ປີ, ທະນາຄານ ເອຊີລີດາ ລາວ ຈຳກັດ ໄດ້ຮັບການຍອມຮັບໃນການເປັນທະນາຄານອັນດັບ 1 ໃນ ດ້ານການມີສ່ວນຮ່ວມໃນການໃຫ້ວຽກ ເຮັດງານທຳແກ່ປະຊາຊົນລາວໃນຂະ ແໜງການດັ່ງກ່າວ ແລະໃຫ້ບໍລິການ ລູກຄ້າປະມານເຄິ່ງລ້ານໃນ 39 ສາຂາ ໃນ 15 ແຂວງ, 56 ຕູ້ເອທີເອັມ ແລະ  ໂດຍສະເພາະແມ່ນແອັບພລິກເຄຊັ່ນມືຖື ດ້ວຍເຕັກໂນໂລຊີຊັ້ນສູງ ຊຶ່ງເປັນທີ່ຮູ້ຈັກ ດີໃນນາມ “ ເອຊີລີດາ ທັນໃຈ” ຊຶ່ງເປັນທະນາຄານໃນມືຂອງທ່ານເພື່ອນຳໃຊ້ຜະລິດຕະພັນ-ການບໍລິການຂອງທະນາຄານເອຊີລີດາ ລາວ ຈຳກັດ ໄດ້ທຸກທີ່ທຸກເວລາ.

ນສພ ເສດຖະກິດ-ສັງຄົມ

แชร์