ຄະຕະລິສພາກເນີສ ເປີດໂຕສອງບໍລິການໃໝ່

   ໃນວັນທີ 15 ທັນວາ 2020 ທີ່ນະຄອນຫຼວງວຽງຈັນ, ບໍລິສັດ ຄະຕະລິສພາກເນີສ (Katalyst Partners) ຊຶ່ງເປັນບໍລິສັດຝຶກອົບຮົມທັກສະທຸລະກິດ ແລະການພັດທະນາຕົນເອງໄດ້ເປີດໂຕສອງບໍລິການໃໝ່ຄື: ຫຼັກສູດບົດຮຽນລ້າດ້ານການຄ້າເອເລັກໂຕຣນິກສໍາລັບ mSMEs (e-Commerce for mS MEs) ແລະເວັບໄຊສື່ຝຶກອົບຮົມອອນລາຍຄະຕະລິສເລີນນິ້ງ (katalyst- learning.com).

  ທ່ານປະທານບໍລິສັດ ຄະຕະລິສພາກເນີສ ກ່າວວ່າ: ໃນສອງບໍລິການໃໝ່ນີ້ບັນດາທຸລະກິດຂະໜາດນ້ອຍ-ກາງພາຍໃນປະເທດຈະໄດ້ຮັບຜົນປະໂຫຍດຢ່າງ ຫຼວງຫຼາຍຈາກເນື້ອໃນບົດຮຽນຝຶກອົບຮົມມາດຕະຖານສາກົນໃນຫົວຂໍ້ທີ່ສຳຄັນຫຼາຍໆຫົວຂໍ້ຊຶ່ງຈະຊ່ວຍໃຫ້ທຸລະກິດຕ່າງໆກ້າວໄປສູ່ລະດັບພາກພື້ນ ແລະລະດັບໂລກໄດ້ຢ່າງວ່ອງໄວ ເພາະວ່າ KatalystPartners ໄດ້ນຳໃຊ້ເວທີ ແລະ ສື່ສັງຄົມອອນລາຍຊຶ່ງໄດ້ຮັບຄວາມນິຍົມຢ່າງກວ້າງຂວາງ ແລະ ສາມາດເຂົ້າເຖິງໄດ້ໃນປະເທດລາວໃນປະຈຸບັນ ແລະຈະຂະຫຍາຍການກະຈາຍ ແລະການແບ່ງປັນຄວາມຊ່ຽວຊານຢ່າງມີຍຸດທະສາດເພື່ອໃຫ້ບໍລິການແກ່ຄົນໃນທຸກແຫ່ງຢ່າງທົ່ວເຖິງ.

   ສໍາລັບເນື້ອຫາການຮຽນຮູ້ທາງອອນລາຍອັນທຳອິດທີ່ເປີດຕົວໃນ katalyst-learning.com ແມ່ນຊຸດຫຼັກສູດຂອງການຝຶກອົບຮົມ E-commerce 4mS MEs ແລະຍັງມີຫຼັກສູດການຝຶກອົບຮົມອີກ 72 ຫົວຂໍ້ ທີ່ຖືກສ້າງຂຶ້ນໂດຍການສະໜັບສະໜູນຂອງ The Asia Foundation’s Laos E-Commerce Development Initiative ແລະໄດ້ຮັບທຶນສະໜັບສະໜູນຈາກ Austra lia Office of Trade Negotiations ຊຶ່ງເປັນສ່ວນໜຶ່ງຂອງກອງທຶນການຄ້າເພື່ອການຊ່ວຍເຫຼືອການຄ້າທາງອີເລັກໂຕຣນິກໂດຍຈຸນລະວິສາຫະກິດວິສາຫະກິດຂະໜາດນ້ອຍ ແລະກາງ (mSMEs) ໃນທ້ອງຖິ່ນຈະໄດ້ຮັບຜົນປະໂຫຍດຈາກ ເນື້ອໃນເຫຼົ່ານີ້ຢ່າງແທ້ຈິງໃນລະຫວ່າງການຫັນປ່ຽນທຸລະກິດຂອງພວກເຂົາໄປສູ່ຍຸກດິຈິຕອນໂດຍມີສອງຫຼັກສູດລ້າຄື: E-commerce 4 mSMEs ອອກແບບມາສຳລັບເຈົ້າຂອງທຸລະກິດ ແລະ Introduction to E-commerce ຊຶ່ງມຸ່ງເປົ້າໝາຍໄປທີ່ທຸກຄົນທີ່ເຮັດວຽກໃນ mSME ເພື່ອຊ່ວຍສ້າງຄວາມເຂົ້າໃຈທີ່ດີຂຶ້ນກ່ຽວກັບຂະບວນການການຄ້າທາງອີເລັກໂຕຣນິກຊຶ່ງທັງສອງຫຼັກສູດນີ້ເປີດສອນລ້າສຳລັບທຸກໆຄົນ.

   ທ່ານ ນາງ Tamara Failor Governance Program Director ຈາກThe Asia Foundation ປະຈຳ ສປປ ລາວ ກ່າວວ່າ: ຈາກການປຶກສາ ຫາລືກັບ mSMEs ໃນ ສປປ ລາວ ເຮົາໄດ້ຕອບສະໜອງດ້ວຍຫຼັກສູດການຝຶກອົບຮົມທີ່ເປັນພາສາລາວທີ່ໃຊ້ວີດີໂອເປັນເທື່ອທຳອິດໃນທັງສອງຫົວຂໍ້ພື້ນຖານການຄ້າເອເລັກໂຕຣນິກ ແລະ ການຕະຫຼາດເນື້ອຫາແບບຂັ້ນສູງມີຄວາມທ້າທາຍຢ່າງຫຼວງຫຼາຍສຳລັບການຄ້າເອເລັກໂຕຣນິກໃນປະເທດລາວໂດຍສະເພາະເມື່ອທ່ານປຽບທຽບກັບປະເທດອື່ນໆໃນອາຊຽນ.

 ນອກຈາກນັ້ນໃນ Katalyst-learning.com ທ່ານຍັງຈະໄດ້ພົບກັບ ຫົວຂໍ້ອື່ນໆທີ່ມີປະໂຫຍດເຊັ່ນ: ການໃຫ້ ແລະຮັບເອົາຄຳຕິຊົມ, ຄວາມສະຫຼາດທາງດ້ານອາ ລົມ,ການເຈລະຈາ ແລະອີກຫຼາຍໆຢ່າງຈະມີຢູ່ໃນເວັບໄຊໃນອະນາຄົດອັນໃກ້ນີ້, ຜູ້ໃຊ້ພຽງແຕ່ຕ້ອງລົງທະບຽນເພື່ອເລີ່ມເພີດເພີນກັບຫຼັກສູດ, ຊຶ່ງຫຼາຍຫຼັກສູດທີ່ມີໃຫ້ແມ່ນຢູ່ໃນລາຄາທີ່ສາມາດຈັບຕ້ອງໄດ້ ຫຼື ລ້າ, ສໍາລັບການລົງທະບຽນນັ້ນແມ່ນງ່າຍຫຼາຍ ແລະ ມີຕົວເລືອກໃນການລົງທະບຽນຜ່ານ Facebook ອີກດ້ວຍ, Katalyst Partners ເຊື່ອວ່ານີ້ແມ່ນບາດກ້າວທີ່ຍິ່ງໃຫຍ່ ແລະສຳຄັນໃນການປະກອບສ່ວນຢ່າງມີຄວາມໝາຍຕໍ່ການພັດທະນາທຸລະກິດ, ການພັດທະນາວິຊາຊີບ ແລະເສດຖະກິດໂດຍລວມຂອງລາວ.

แชร์