ເຊັນສັນຍາຊ່ວຍເຫຼືອຂະຫຍາຍແນວພັນມັນຕົ້ນ

   ເພື່ອເປັນການສົ່ງເສີມການສົ່ງອອກສິນຄ້າກະສີກຳກໍ່ຄືມັນນຕົ້ນໃຫ້ແກ່ຕ່າງປະເທດແບບຍືນຍົງດັ່ງນັ້ນທາງໂຄງການຄລິນຈຶ່ງໄດ້ຮວ່ມກັບສູນສາກົນດ້ານການກະເສດເຂດຮ້ອນ ແລະສະຖານບັນຄົ້ນຄວ້າກະສີກຳ ແລະປ່າໄມ້ແຫ່ງຊາດ, ໄດ້ມີແນວຄວາມຄິດທີ່ຢາກສະກັດກັ້ນການຕິດເຊື້ອພະຍາດໃນມັນຕົ້ນຈາກປະເທດເພື່ອນບ້ານ, ອີກອັນໜຶ່ງກໍ່ເພື່ອສ້າງຄວາມເຊື່ອມໂຍງຂະຫຍາຍເຄືອຂ່າຍກະສີກຳ ຫຼືຄລິນເປັນໂຄງການໜຶ່ງທີ່ໄດ້ຮັບທຶນຈັດຕັ້ງປະຕິບັດກິດຈະກຳຈາກກະຊວງກະສີກຳຂອງລັດຖະບານຈາກປະເທດອາເມລີກາເພື່ອປະສານງານ ແລະຈັດຕັ້ງປະຕິບັດກິດຈະກຳຮ່ວມກັບກົມປູກຝັງ,ກະຊວງກະສີກຳ ແລະປ່າໄມ້ໃນການສ້າງຄວາມເຂັ້ມແຂງໃຫ້ແກ່ພາກເອກະ ຊົນເພື່ອສົ່ງອອກສິນຄ້າກະສີກຳໃຫ້ແກ່ຕະຫຼາດໃນເຂດພູມີພາກ ແລະສາກົນ,ໂດຍນຳໃຊ້ວິທີການຂັບເຄື້ອນທີ່ອີງໃສ່ຕະຫຼາດທາງໂຄງການຄລິນຈຶ່ງໄດ້ສຸມໃສ່ເພີ່ມການຜະ ລິດ,ຫຼຸດຜ່ອນຄວາມເສຍຫາຍຫຼັງຈາກການເກັບກ່ຽວ, ຊຸກຍູ້ການນຳໃຊ້ແບບຍືນຍົງ ແລະຄວາມສອດຄ່ອງທາງດ້ານຄຸນນະພາບ, ສ້າງເຄືອຂ່າຍ ແລະເພີ່ມຄວາມຕ້ອງ ການຂອງການຜະລິດຕະພັນຂອງຕະຫຼາດພາຍໃນ, ພາກພື້ນ ແລະ ສາກົນ, ທາງໂຄງການຄລິນຈຶ່ງມີຈຸດປະສົງປະກອບສ່ວນເຂົ້າໃນການພັດທະນາ ແລະ ສົ່ງເສີມຂະ ແໜງການມັນຕົ້ນຊຶ່ງເປັນພືດເສດຖະກິດອັນດັບ 1 ຂອງລາວ, ໂຄງການຄລິນໄດ້ຈັດຕັ້ງປະຕິບັດກິດຈະກຳ 4 ຂະແໜງການກະສີກຳເຊັ່ນ: ກະເຟເກຣດພິເສດ, ມັນຕົ້ນ, ກະລໍາປີ ແລະຖົ່ວດາວອິນຄາ, ຢູ່ໃນ 2 ເຂດກະສີກຳຫຼັກຄື: ພູພຽງບໍລິເວນ ແລະທົ່ງພຽງວຽງຈັນ.

ທ່ານ ນາງ ອິນແປງ ຊາມົນຕີ ປະທານສະມາຄົມມັນຕົ້ນລາວຍັງໄດ້ໃຫ້ສຳພາດຕື່ມອີກວ່າໂຄງການດັ່ງກ່າວນີ້ແມ່ນເປັນໂຄງການແຫ່ງທຳອິດທີ່ໄດ້ຮັບການຈັດຕັ້ງປະຕິບັດຢູ່ລາວ, ໃນການສ້າງສູນເພາະພັນເບ້ຍມັນຕົ້ນໃຫ້ມີຄວາມເຂັ້ມແຂງຫຼີກລຽງການນຳເຂົ້າຈາກຕ່າງປະເທດເພື່ອນບ້ານທີ່ມີຄວາມສ່ຽງຈາກການຕິດເຊື້ອພະຍາດ, ເປັນຕົ້ນກໍ່ແມ່ນພະຍາດໃບດ່າງ, ສະມາຄົມມັນຕົ້ນລາວມີສະມາຊິກໃນໂຄງການ 2+3 ຫຼາຍກວ່າ 5.750 ຄອບຄົວທີ່ປູກມັນຕົ້ນໃນບັນດາແຂວງພາກໃຕ້ ແລະ ມີຄວາມສາ ມາດແມ່ນການປູກມັນຕົ້ນດິບ 300 ໂຕນ ແລະມັນຕົ້ນແຫ້ງ 35 ພັນໂຕນ ເພື່ອສົ່ງອອກ, ສະມາຊິກສະມາຄົມມັນຕົ້ນລາວຈະໄດ້ຮັບເບ້ຍມັນຕົ້ນທີ່ປາສະຈາກພະຍາດ, ພ້ອມທັງໄດ້ຮັບການຢັ້ງຢືນອົບຮົມໃນຫົວຂໍ້ການປູກຝັງສະອາດ ແລະປອດສານພິດຄາດວ່າຈະມີຫຼາຍກວ່າ 2 ພັນທ່ານທີ່ໄດ້ຮັບໃບຢັ້ງຢືນການປູກມັນຕົ້ນສະອາດພາຍໃນກາງປີ 2021.

   ຈາກນັ້ນນາງ ອິນແປງ ຊາມົນຕີ ປະທານສະມາຄົມມັນຕົ້ນລາວ ແລະທ່ານ ອາເລັກ ແດຮານ ຫົວໜ້າໂຄງການຄລິນກໍ່ໄດ້ລົງນາມເຊັນສັນຍາຮ່ວມມືຊ່ວຍເຫຼືອໃນມູນຄ່າ 661 ລ້ານກວ່າກີບ ຫຼືເທົ່າກັບ 73.494 ໂດລາ ໂດຍ ຊ້ອງໜ້າທ່ານ ຈັນສະໝອນ ພົມມະແສງ ຮອງຫົວໜ້າຄະນະໂຄສະນາອົບຮົມ ແຂວງສາລະວັນ ແລະພາກສ່ວນຕ່າງໆທີ່ກ່ຽວຂ້ອງ, ພິທີດັ່ງກ່າວໄດ້ຈັດຂຶ້ນໃນທ້າຍອາທິດທີ່ຜ່ານມາທີ່ຫ້ອງປະຊຸມສະໂມສອນຂອງເມືອງສາລະວັນ.

--------------

ຂ່າວ: ສິດຕາ ເພັດວົງສາ

ຮູບພາບ: ໜັງສືພິມເສດຖະກິດ-ສັງຄົມ

แชร์