ຮອງປະທານປະເທດ ເນັ້ນສະຫວັນນະເຂດເອົາໃຈໃສ່ໂຄງປະກອບບຸກຄະລາກອນ

  ໃນວັນທີ 21 ກຸມພາ 2019 ທີ່ຫ້ອງປະຊຸມໃຫຍ່ຫໍວັດທະນະທຳໄກສອນພົມວິຫານ ທ່ານ ພັນຄຳ ວິພາວັນ ຮອງປະທານປະເທດໄດ້ເປັນກຽດຢ້ຽມຢາມ ແລະພົບປະໂອ້ລົມພະນັກງານຫຼັກແຫ່ຼງ ແຂວງສະຫວັນນະເຂດ ໂດຍມີທ່ານ ສັນຕິພາບພົມວິຫານກຳມະການສູນກາງພັກເລຂາພັກແຂວງເຈົ້າແຂວງສະ ຫວັນນະເຂດ ພ້ອມດ້ວຍຄະນະປະຈຳພັກແຂວງ, ກຳມະການພັກແຂວງ, ບັນດາການນຳຫຼັກແຫຼ່ງໃນທົ່ວແຂວງເຂົ້າຮ່ວມ.

  ໂອກາດດັ່ງກ່າວ ທ່ານ ສັນຕິພາບ ພົມວິຫານ ກໍ່ໄດ້ຕາງໜ້າໃຫ້ແກ່ພະນັກງານຫຼັກແຫຼ່ງໃນທົ່ວແຂວງກ່າວຕ້ອນຮັບທ່ານ ພັນຄຳ ວິພາວັນ ຢ່າງເປັນທາງການ.

  ຈາກນັ້ນ ທ່ານ ພັນຄຳ ວິພາວັນ ກໍ່ໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຜົນງານໃນການຊີ້ນຳໆພາວຽກງານຮອບດ້ານຂອງອົງຄະນະພັກ ແຂວງສະຫວັນນະເຂດ, ໃນໂອກາດດັ່ງກ່າວທ່ານກໍ່ໄດ້ຍົກໃຫ້ເຫັນການຈັດຕັ້ງການເຄື່ອນໄຫວຂອງກອງປະຊຸມໃຫຍ່ຄັ້ງທີ X ຂອງພັກ ໂດຍເລີ່ມແຕ່ກອງປະຊຸມຄັ້ງປະຖົມມະ ລຶກຈົນເຖິງປະຈຸບັນກໍ່ເຫັນວ່າ: ພັກເຮົາກໍ່ໄດ້ເອົາໃຈໃສ່ແກ້ໄຂບັນຫາຢ່າງຈິງຈັງ ແລະມີຜົນສຳເລັດໃນຫຼາຍດ້ານເປັນຕົ້ນ: ມີສະຖຽນລະພາບທາງດ້ານການເມືອງ, ມີຄວາມສະຫງົບ ເປັນລະບຽບຮຽບຮ້ອຍໃນທົ່ວສັງຄົມ, ເສດຖະກິດໄດ້ຮັບການພັດທະນາຢ່າງຕໍ່ເນື່ອງ, ສ່ວນບັນດາປາກົດການຫຍໍ້ທໍ້ໃນສັງຄົມກໍ່ໄດ້ຮັບການແກ້ໄຂເຊັ່ນ: ການປະຕິບັດຄຳສັ່ງເລກທີ 15/ນຍ ເຫັນວ່າສ່ວນຫຼວງຫຼາຍແມ່ນໄດ້ດີ, ອີກຢ່າງການປະຕິບັດວິໄນຕໍ່ພະນັກງານສະມາຊິກພັກຜູ້ກະທຳ ຜິດລະບຽບໃນແຕ່ລະດ້ານກໍ່ເຫັນວ່າໄດ້ປະຕິບັດຢ່າງຕໍ່ເນື່ອງ ແລະມີການກວດກາຫຼາຍຂຶ້ນ, ອັນທີ່ຍັງອ່ອນອີກອັນໜຶ່ງເຫັນວ່າພະນັກງານສ່ວນຫຼາຍການຮ່ຳຮຽນຢາກໄດ້ແຕ່ໃບປະກາສະນີຍະບັດແຕ່ບໍ່ຄຳນຶງເຖິງຄວາມຮູ້ຄວາມສາມາດພໍມາເຮັດວຽກຕົວຈິງຊ້ຳພັດພົບຂໍ້ຫຍຸ້ງ, ກ່ຽວກັບພະນັກງານທີ່ເຮັດວຽກງານບໍລິການກໍ່ຍັງເຮັດບໍ່ໄດ້ດີເຮັດພຽງເອົາໜ້າ. ດັ່ງນັ້ນທ່ານຝາກເຖິງທຸກພາກສ່ວນຈົ່ງພ້ອມກັນນຳໃຊ້ຄວາມຮູ້ຄວາມສາມາດໃນການພັດທະນາວຽກງານຂອງຕົນຢ່າງເຕັມຮູບແບບ, ເຂົ້າສູ່ລະບົບເພື່ອກ້າວສູ່ການພັດທະນາປະເທດຊາດໃຫ້ມີຄວາມຈະເລີນກ້າວໜ້າໃນອະນາຄົດ.

  ທ່ານ ພັນຄຳ ວິພາວັນ ຍັງໄດ້ເນັ້ນໜັກໃຫ້ຄະນະພັກທຸກຂັ້ນຂອງແຂວງສະຫວັນນະເຂດ ຕໍ່ການດຳເນີນກອງປະຊຸມໃຫຍ່ 3 ຂັ້ນ ໂດຍສະເພາະກອງປະຊຸມໃຫຍ່ ຄັ້ງທີ IX ຂອງອົງຄະນະ ພັກແຂວງສະຫວັນນະເຂດທີ່ຈະເປີດຂຶ້ນ ໃນກາງປີ 2020. ດັ່ງນັ້ນບົດລາຍ ງານການເມືອງຂອງຄະນະພັກແຕ່ລະຂັ້ນຕ້ອງໃຫ້ມີຄວາມແທດເໝາະກັບຄວາມ ຈິງມີການວິເຄາະ, ວິໄຈເນື້ອໃນບັນຫາ, ບົດຮຽນໃນດ້ານຕ່າງໆ ເພື່ອມາປຽບທຽບ ກັບໜ້າທີ່ວຽກງານທີ່ໄດ້ປະຕິບັດຜ່ານມາ, ສ່ວນໂຄງປະກອບດ້ານບຸກຄະລາກອນ ຕ້ອງມີການຄັດເລືອກ ຊຶ່ງໃນນັ້ນໄດ້ ແບ່ງອອກເປັນ 3 ຮຸ່ນຄື: ຮຸ່ນອາວຸໂສ, ຮຸ່ນກາງ ແລະຮຸ່ນໜຸ່ມ, ສຳລັບສັດສ່ວນ ໃນແຕ່ລະຮຸ່ນກໍ່ຕ້ອງເບິ່ງວ່າ: ຮຸ່ນກາງ ແລະຮຸ່ນໜຸ່ມຄວນຈະມີອັດຕາສ່ວນຫຼາຍ ກວ່າຮຸ່ນອາວຸໂສ, ໃນນັ້ນໃຫ້ເບິ່ງທັງ ຄວາມຮູ້, ຄວາມສາມາດ ແລະປະສົບ ການຫຼີກລ້ຽງຄົນເຈົ້າຄົນຂ້ອຍ, ຍາດພີ່ ນ້ອງ, ຄົນໃກ້ສິດ ຊຶ່ງຈະກໍ່ໃຫ້ເກີດຂໍ້ຂັດ ແຍ່ງໃນຫຼາຍດ້ານເຮັດໃຫ້ການຊີ້ນຳໆພາພົບຂໍ້ຫຍຸ້ງຍາກ, ບັນຫານີ້ຕ້ອງຝາກເຖິງ ຄະນະພັກທຸກຂັ້ນ ຕ້ອງເອົາໃຈໃສ່ ເພື່ອ ໃຫ້ໄດ້ບຸກຄະລາກອນທີ່ມີຄຸນນະພາບ.

ນສພ ເສດຖະກິດ-ສັງຄົມ

แชร์