ເເນເຊີແນວ ຄອນຊາວຕີ້ງກຣຸບ ໃສ່ໃຈຄຸນນະພາບມາດຖານ

  ກຸ່ມບໍລິສັດບໍລິສັດ ເເນເຊີ ແນວ ຄອນຊາວຕີ້ງກຣຸບ ຈໍາກັດ ຜູ້ດຽວ (NCG) ໜຶ່ງທຸລະກິດທີ່ໄດ້ຮັບນະໂຍບາຍທິດຊີ້ນຳຂອງພັກລັດ ແລະເອົາໃຈໃສ່ເລື່ອງວຽກທີ່ຮັບປະ ກັນຄຸນນະພາບເຮັດໃຫ້ກຸ່ມບໍລິສັດມີການພັດທະນາ ແລະເປັນທີ່ສົນໃຈຍອມຮັບຈາກສັງຄົມພາຍໃນ ແລະຕ່າງປະເທດ.

   ທ່ານ ນາງໄຊທານີ ທຳມະວົງສາ ປະທານກຸ່ມບໍລິສັດ ເເນເຊີແນວ ຄອນຊາວຕີ້ງກຣຸບ ຈໍາກັດຜູ້ດຽວ ໃຫ້ສຳພາດນັກຂ່າວໜັງສືພິມເສດຖະກິດ-ສັງຄົມໃຫ້ຮູ້ວ່າ: ກຸ່ມຈະປະກອບມີ 5 ຂະແໜງການທຸລະກິດບໍລິສັດຫີນເຫີນເນຍວະນາ ຈໍາກັດ (Hin Heup Nirvana),ບໍລິສັດ ເອັກທີດີ ບໍລິການເກັບກູ້ລະເບີດບໍ່ທັນແຕກ(UXO), ກຸ່ມພະລັງງານສີຂຽວພັດທະນາການລົງທຶນຈໍາກັດ (GEDI) ໃຫ້ບໍລິການດ້ານວິຊາການທີ່ປຶກສາດ້ານສິ່ງແວດລ້ອມ ແລະສັງຄົມ, ລົງທຶນດ້ານອະສັງຫາລິມະຊັບ, ດໍາເນີນທຸລະກິດດ້ານໄຟຟ້າ,ດໍາເນີນທຸລະກິດດ້ານກະສິກໍາ, ດໍາເນີນທຸລະກິດດ້ານແຮ່ທາດ,ດໍາເນີນທຸລະກິດດ້ານບໍລິການເກັບກູ້ລະເບີດບໍ່ທັນແຕກໃຫ້ກັບໂຄງການຕ່າງໆ, ລົງທຶນ ແລະພັດທະນາພະລັງງານທົດແທນເຊັ່ນ: ເຂື່ອນໄຟຟ້າ ແລະພະລັງງານແສງຕາເວັນ.

  ການດໍາເນີນທຸລະກິດຕາມແນວທາງນະໂຍບາຍຂອງພັກ ແລະ ລັດຖະບານວາງອອກໄປຕາມທິດສີຂຽວ ແລະຍືນຍົງຂອງລັດຖະບານວາງອອກ, ວຽກປົກປັກຮັກສາສິ່ງ ແວດລ້ອມ, ວຽກພັດທະນາກະສິກໍາຮອບດ້ານໂດຍນໍາໃຊ້ຊັບພະຍາກອນໃຫ້ເກີດປະໂຫຍດສູງສຸດ, ວຽກງານຄໍ້າປະກັນຄວາມໝັ້ນຄົງດ້ານພະລັງງານໃຫ້ສາມາດຊົມໃຊ້ພາຍໃນ ແລະສົ່ງອອກປະເທດເພື່ອນບ້ານ,ປະຕິບັດບັນດານະໂຍບາຍ ແລະລະບຽບຫຼັກການທີ່ທາງຂັ້ນເທິງວາງອອກ,ປະກອບສ່ວນພັນທະໃຫ້ລັດຕາມພາລະໜ້າທີ່ຂອງຄົນລາວ;

  ສຳລັບແນວທາງການດໍາເນີນທຸລະກິດແບບທັນສະໄໝ, ກະທັດຮັດ, ສ້າງກຸ່ມບໍລິສັດຕາມທິດ 5G  (Green, Growt, Give, Gentle, Great) ສະຖານະດ້ານສັງຄົມເປັນສະມາຊິກຂອງສະພາການຄ້າ ແລະອຸດສາຫະກໍານະຄອນຫຼວງ, ເປັນສະມາຊິກຂອງສະມາຄົມນັກທຸລະກິດໜຸ່ມ (ຮອງປະທານ), ເປັນສະມາຊິກຂອງນັກທຸລະກິດຍິງແຫ່ງຊາດ;

 ໂຄງການທີ່ໄດ້ຈັດຕັ້ງປະຕິບັດທີ່ພົ້ນເດັ່ນໂຄງການພັດທະນາ ແລະລົງທຶນຂອງກຸ່ມໂຄງການເຂື່ອນໄຟຟ້ານໍ້າເຜືອກທີ່ເມືອງທ່າໂທມແຂວງໄຊສົມບູນ 10 ເມກາວັດ, ໂຄງ ການນໍ້າດິກ 1,2,3ທີ່ເມືອງຊໍາໃຕ້ ແລະເມືອງກວັນ ແຂວງຫົວພັນ 45 ເມກາວັດ; ໂຄງການພະລັງງານແສງຕາເວັນທີ່ເມືອງລະມາມ ແຂວງເຊກອງ 500 ເມກາ ວັດ; ໂຄງການພະລັງງານແສງຕາເວັນທີ່ເມືອງໂຂງ ແລະເມືອງປະທຸມພອນ ແຂວງຈໍາປາສັກ 80 ເມກາວັດ,

  ໂຄງການໃຫ້ບໍລິການດ້ານສິ່ງແວດລ້ອມ ແລະກະສິກໍາ (ຫຼາຍກວ່າ 120 ໂຄງການ): ໂຄງການເຂື່ອນນໍ້າຂອງປາກແບງ,ຊະນະຄາມ, ປາກລາຍ,ດອນສາໂຮງ, ໂຄງ ການທາງລົດໄຟລາວ-ຈີນ, ໂຄງການທາງລົດໄຟທ່າແຂກ-ຊາຍແດນຫຽວດນາມ, ໂຄງການເຂື່ອນໄຟຟ້ານໍ້າອູ 1,2,3,4,5, 6,7, ໂຄງການເຂື່ອນໄຟຟ້ານໍ້າບີ  1,2,3, ໂຄງການທາງຫຼວງແຫ່ງ ຊາດໝາຍເລກ 5, ໂຄງການຂົວ ຂ້າມນໍ້າຂອງທີ່ເມືອງປາກແບງ ແຂວງອຸດົມໄຊ, ໂຄງການພະລັງ ງານຄວາມຮ້ອນຖ່ານຫີນ ແຂວງຫົວພັນ, ໂຄງການແຮ່ເຫຼັກທີ່ແຂວງຊຽງຂວາງ, ໂຄງການສາຍສົ່ງ115 ກິໂລໂວນ, 230 ກິໂລໂວນ, 500 ກິໂລໂວນ, ໂຄງການສ້າງຄວາມເຂັ້ມແຂງໃຫ້ກັລລັດວິສະຫະກິດໄຟຟ້າລາວ(ເງິນສະໜັບສະໜູນຂອງທະນາຄານໂລກ),ໂຄງການສ້າງຄວາມເຂັ້ນແຂງດ້ານກະສິກໍາໂດຍໃຊ້ຝຸ່ນຊີວະພາບໃນກອບຮ່ວມມືຂອງ GMS (ເງິນສະໜັບສະໜູນຂອງທະນາຄານພັດທະນາອາຊີ), ໂຄງການໃຫ້ບໍ່ລິການດ້ານການເກັບກູ້ລະເບີດບໍ່ ທັນແຕກ, ໂຄງການສາຍສົ່ງ 115 ກິໂລໂວນ, 230 ກິໂລໂວນ.

แชร์