ການນຳພັກລັດຮ່ວມໃສ່ບາດອຸທິດສ່ວນບຸນ ເຖິງປະທານ ໄກສອນ ພົມວິຫານ

 ເນື່ອງໃນໂອກາດວັນຄ້າຍວັນເກີດຂອງປະທານ ໄກສອນ ພົມວິຫານ ຄົບຮອບ 100 ປີ ວັນທີ 13 ທັນວາ 2020 ອົງການຈັດຕັ້ງພັກລັດຖະບານຊຶ່ງມີສູນກາງພັກຄະ ນະລັດຖະບານສະພາແຫ່ງຊາດອົງການແນວລາວສ້າງຊາດອົງການຈັດຕັ້ງມະຫາຊົນອົງການພຸດທະສາສະໜາຄອບຄົວ ພົມວິຫານ ຕະຫຼອດເຖິງປະຊາຊົນລາວບັນດາເຜົ່າໄດ້ເຮັດບຸນນ້ອມອຸທິດບູຊາຄຸນງາມຄວາມດີຂອງທ່ານປະທານ ໄກສອນ ​ພົມວິຫານ ຜູ້ນຳ​ທີ່​ແສນເຄົາລົບຮັກຂອງ​ປວງ​ຊົນ​ລາວທັງຊາດ.

 ງານບຸນຄັ້ງນີ້ໄດ້ຈັດຂຶ້ນໃນວັນ ທີ 13 ພະຈິກ 2020 ກົງກັບມື້ ແຮມ 13 ຄໍ່າ, ເດືອນ 1 (ລາວ) ພສ 2563 ທີ່ພິທະພັນ ໄກສອນ ພົມວິຫານ ນະຄອນຫຼວງວຽງ ຈັນ ໂດຍມີບັນດາຜູ້ນໍາພັກ, ລັດ, ອະດີດການນຳພ້ອມ​ດ້ວຍຊາວພຸດທະສາສະນິກະຊົນລາວບັນດາເຜົ່າ​ໄດ້ເຂົ້າຮ່ວມທຳບຸນໃສ່ບາດຖວາຍສັງຄະທານແດ່ພະສົງ 113 ອົງ ແລະ​​​ຟັງທຳມະເທດສະໜາຕາມຄຳສອນຂອງພະສຳມາສຳພຸດທະເຈົ້າຕໍ່ການໃຫ້ທານ, ຖືສິນພາວະນາຕາມຮີດຄອງປະເພນີອັນດີງາມທີ່ມີມາແຕ່ບູຮານນະການ.

   ການເຮັດບຸນສິນກິນທານໃນ​ຄັ້ງ​ນີ້ແມ່ນເພື່ອລະນຶກເຖິງຄຸນງາມຄວາມດີ ແລະອຸທິດບຸນກຸສົນເຖິງ​ດວງ​ວິນ​ຍານປະທານ ​ໄກ​ສອນ ພົມວິຫານ ທັງເປັນການສະແດງຄວາມເຄົາລົບຮັກ, ຄວາມກະຕັນຍູຮູ້ບຸນຄຸນ, ຄຸນງາມຄວາມດີ ແລະຜົນງານອັນໃຫຍ່ຫຼວງຂອງປະທານ ໄກສອນ ພົມວິຫານ ວິລະບູລຸດຜູ້ຍິງໃຫຍ່ທີ່ໄດ້ອຸທິດຕົນຍອມເສຍສະລະສ່ວນຕົວເພື່ອຜົນປະໂຫຍດສ່ວນລວມ, ເພື່ອປະເທດຊາດ ແລະການປະຕິວັດໃນໄລຍະຜ່ານມາຈົນສາມາດປົດປ່ອຍປະເທດຊາດໄດ້ຢ່າງສົມບູນ ແລະສະຖາປະ ນາເປັນສາທາລະນະລັດ ປະຊາທິປະໄຕປະຊາຊົນລາວ ຈົນມາເຖິງປະຈຸບັນນີ້.

• 15/12/2020