ລາວເດີນອາກາດ ແລະຈຳປາສັກຄອງແຊ້ມບານສົ່ງຫາດຊາຍ

  ພິທີປິດການແຂ່ງຂັນກີລາບານສົ່ງຫາດຊາຍທົ່ວປະເທດໄດ້ມີຂຶ້ນເມື່ອວັນທີ 13 ທັນວາຜ່ານມາ ທີ່ສະໜາມກີລາບານສົ່ງຫາດຊາຍກອງທັບ (ຫຼັກ5) ບ້ານຈອມມະນີເມືອງໄຊເສດຖານະຄອນຫຼວງວຽງຈັນໃຫ້ກຽດເຂົ້າຮ່ວມ ແລະ ມອບລາງວັນຂອງ ທ່ານ ກະເສມ ອິນທະລາ ຮອງປະທານຄະນະກຳມະການໂອແລມປີກແຫ່ງຊາດລາວ, ທ່ານ ນາງ ພູໄຊ ແພງພົງ ຮອງຫົວໜ້າກົມກີລາລະດັບສູງ ແລະ ທ່ານ ຈັນສະໝອນ ຜ່ອງຈັນທາ ປະທານສະຫະພັນບານສົ່ງແຫ່ງຊາດລາວທັງເປັນຜູ້ອຳນວຍການຝ່າຍການຕະຫຼາດບໍລິສັດ ເບຍລາວ ຈຳກັດ ພ້ອມດ້ວຍຄະນະບໍລິຫານງານ ສບສ, ຜູ້ໃຫ້ການສະໜັບສະໜູນຕະຫຼອດຮອດກອງເຊຍ ແລະສື່ມວນຊົນເຂົ້າຮ່ວມ.

  ທ່ານ ທິບພົງພັນ ມະນິວົງ ຮອງເລຂາທິການ ສບສ ລາຍງານໃຫ້ຮູ້ວ່າ: ການແຂ່ງຂັນຄັ້ງນີ້ດຳເນີນໃນລະຫວ່າງວັນທີ 10-13 ທັນວາ 2020 ສຳລັບທີມຍິງມີ 14 ພາກສ່ວນແບ່ງອອກເປັນ 4 ກຸ່ມ ແລະທີມຊາຍມີ 16 ທີມ ກໍແບ່ງອອກເປັນ 4 ກຸ່ມເຊັ່ນກັນແຕ່ລະກຸ່ມແຂ່ງຂັນພົບກັນໝົດຄັດເລືອກເອົາທີມທີ່ມີຄະແນນດີທີ່ສຸດອັນດັບທີ 1-2 ຜ່ານເຂົ້າໄປຫຼິ້ນໃນຮອບຕໍ່ໄປ.

  ສະເພາະທີມຊາຍມີ 16 ທີມ ສຳລັບກຸ່ມ ເອ ມະຫາວິທະຍາໄລວິທະ ຍາສາດສຸຂະພາບ ຫຼືແພດສາດ 1, ຊາວໜຸ່ມຄະນະສະຖາປັດຕະຍະກຳສາດ ຫຼື ຄສປ, ເຈ້ແກ້ວອາຫານຊີພີຊັນຟູດ ແລະເອັດພີພີ 3, ກຸ່ມ ບີສະໂມສອນວຽງຈັນ, ລາວເດີນອາກາດ 2, ເອັດພີພີການພິມ ແລະປ້າຍ ຫຼືເອັດພີພີ 2 ແລະ ສຸປັນຍາ, ກຸ່ມຊີ ສະໂມສອນກອງທັບປະຊາຊົນລາວ, ເຄທີດີ, ແພດສາດ 2, ແຂວງຈຳປາສັກກຸ່ມ ດີຄະນະວິທະຍາສາດກີລາ-ກາຍະກຳ ຫຼື ຄວກ, ບໍລິສັດ ເອັດພີພີການ ພິມ ແລະປ້າຍ ຫຼື ເອັດພີພີ 1, ລາວ ເດີນອາກາດ 1 ແລະກົມຕຳຫຼວດຄຸມຂັງ ແລະດັດສ້າງສ່ວນທີມຍິງ ມີ 14 ທີມ ກຸ່ມເອວິທະຍາໄລພະລະສຶກສາ, ນ້ອງໃໝ່ບີວີຊີ, ສະໂມສອນວີບີຊີ ເພື່ອນຮັກບານສົ່ງ 1, ເອັດພີພີ 3 ກຸ່ມ ບີ ສະໂມສອນ ວຽງຈັນ, ເອັດທີທີ, ສະໂມສອນ ວີບີຊີ ເພື່ອນຮັກບານສົ່ງ2, ເອັດ ພີພີ1 ແລະກຸ່ມຊີວິທະຍາໄລສຸກສະຫວັດ1, ຄວກ, ແຂວງຈຳປາສັກ ກຸ່ມດີເອັດພີພີ 2, ບໍລິສັດ ພີເອັດເອວບໍລິການທຳຄວາມສະອາດ ຫຼື ພີເອັດເອວ ແລະວິທະຍາໄລສຸກສະຫວັດ2.

  ຜ່ານການແຂ່ງຂັນຜົນປະກົດວ່າ: ປະເພດທີມຊາຍອັນດັບທີ 1 ຕົກເປັນຂອງທີມລາວເດີນອາກາດ 1 ປີນີ້ ຄອງແຊ້ມເປັນສະໄໝທີ 2 ຕິດຕໍ່ກັນ ແລະອັນດັບທີ 2 ກໍແມ່ນລາວເດີນອາກາດ 2 ຮອງແຊ້ມ 2 ປີຊ້ອນເຊັ່ນກັນ, ສ່ວນອັນດັບທີ 3 ເຈ້ແກ້ວ ຊີພີຊັນຟູດ ແລະ ອັນດັບທີ 4 ແຂວງຈຳປາສັກ, ສ່ວນປະເພດທີມຍິງອັນດັບທີ 1 ແຂວງຈຳປາສັກ, ອັນດັບທີ 2 ບໍລິສັດ P SL, ອັນດັບທີ 3 ສະໂມສອນວຽງຈັນ ແລະອັນດັບທີ 4 ຄະນະວິທະ ຍາສາດກີລາ-ກາຍະກຳ ຫຼືຄວກ.

  ການແຂ່ງຂັນລາຍການດັ່ງກ່າວຊະນະເລີດຍິງ-ຊາຍໄດ້ຮັບຫຼຽນຄໍາ, ຂັນ 1 ໜ່ວຍ ແລະເງິນສົດທີມລະ 2 ລ້ານກີບ, ຮອງຊະນະເລີດຍິງ-ຊາຍໄດ້ຮັບຫຼຽນເງິນ ແລະ ເງິນສົດທີມລະ 1,2 ລ້ານກີບ ແລະອັນດັບທີ 3 ຍິງ-ຊາຍໄດ້ຮັບຫຼຽນທອງ ແລະເງິນສົດທີມ 8 ແສນກີບ.

 

แชร์