ມາຣູຮານ ຮ່ວມມືໃຫ້ນັກທຸລະກິດລາວເຂົ້າແຫຼ່ງທຶນ
ໃນວັນທີ 9 ທັນວາ 2020 ໄດ້ມີການຈັດງານພິທີເຊັນບົດບັນທຶກເປັນຄູ່ຮ່ວມຍຸດທະສາດພັດທະນາ(MOU for Strategic Partnership) ລະຫວ່າງສະມາ ຄົມສົ່ງເສີມຜູ້ປະກອບກິດຈະການວິສາຫະກິດຂະໜາດນ້ອຍ ແລະ ກາງລາວ ແລະ ທະນາຄານ ມາຣູຮານ ເຈແປນ ລາວ ຈໍາກັດ ທີສຳນັກງານໃຫຍ່ ທະນາຄານ ມາຣູ ຮານ,ນະຄອນຫຼວງວຽງຈັນ ໂດຍເຂົ້າຮ່ວມພິທີເຊັນບົດບັນທຶກໂດຍ ທ່ານ ບຸນເຖີງ ດວງສະຫວັນ, ຫົວໜ້າກົມສົ່ງເສີມວິສະຫະກິດ ຂະໜາດນ້ອຍ ແລະກາງກະຊວງອຸສະຫະກໍາ ແລະການຄ້າ, ທ່ານ ລິດທິໄກ ພູມມະສັກ, ປະທານ ສະມາຄົມ LAOSME ແລະ ທ່ານ ແອນໂທນີ ຈິນ ຜູ້ອໍານວຍການໃຫຍ່ ທະນາຄານ ມາຣູຮານ ເຈແປນ ລາວ ຈໍາກັດ ພ້ອມຄະນະ, ສະມາຊິກ ແລະພະນັກງານຂອງທັງສອງຝ່າຍ.
ຈຸດປະສົ່ງການຮ່ວມມືເພື່ອເສີມຂະຫຍາຍການຮ່ວມມືລະຫວ່າງສອງອົງກອນໃນການຊ່ວຍພັດທະນາເສດຖະກິດຂອງລາວກໍ່ຄືການຊ່ວຍເຫຼືອບັນດາສະມາຊິກຂອງສະ ມາຄົມໃຫ້ສາມາດເຂົ້າເຖີງແຫຼ່ງທຶນ ແລະການບໍລິການຂອງທະນາຄານ ມາຣູຮານ ເຈແປນ ລາວ ຈໍາກັດ ໄດ້ດີຂຶ້ນໃນຍຸກສະໄໝທີ່ຕ້ອງຫັນໄປສູ່ເສດຖະກິດດີຈີຕອນ.
ການຮ່ວມມືໃນຄັງນີ້ແມ່ນເນັ້ນການນໍາໃຊ້ທ່າແຮງທີ່ບົກຊ້ອນຂອງທັງສອງອົງກອນໃນການຊ່ວຍເຫຼືອບັນດາຜູ້ປະກອບກິດຈະການຈູນລະວິສະຫະກິດ, ວິສະຫະກິດຂະໜາດນ້ອຍ ແລະກາງ ຫຼືເອີ່ນວ່າ MSME ໃນລາວໃຫ້ມີຄວາມອາດສາມາດເຂົ້າສູ່ແຫຼ່ງທຶນໄດ້ສູງຂຶ້ນໂດຍສະເພາະໃນສະພາບການທີ່ເສດຖະກິດຂອງປະເທດລາວກໍ່ຄືເສດຖະກິດໂລກທີ່ໄດ້ຮັບຜົນກະທົບຈາກການແພ່ລະບາດຂອງເຊື້ອພະຍາດຈຸລະໂລກໂຄວິດ 19 ແລະໃນໄລ ຍະທີ່ບັນດາ MSME ມີຄວາມຈຳເປັນຕ້ອງໄດ້ຫັນໄປສູ່ດີຈີຕອນນີ້ກໍ່ແມ່ນເພື່ອໃຫ້ສາມາດຂະຫຍາຍທຸລະກິດ ແລະເພີ່ມການບໍລິການໃຫ້ໄດ້ກ້ວາງໄກ, ເຊືອມໂຍງນໍາປະຊາຄົມອາຊ້ຽນ ແລະສາກົນໄດ້.
ໃນໂອກາດນີ້ສະມາຄົມ LAOSME ກໍ່ໄດ້ຮັບເອົາທະນາຄານ ມາຣູຮານເປັນສະມາຊິກ ແລະຜູ້ສະໜັບສະໜູນກິດຕິມະສັກໃນຂະແໜງທະນາຄານອົງກອນທີ 2 ຂອງສະມາຄົມ ຕໍ່ຈາກ ທະນາຄານ ຫວຽດຕິນ ລາວ ຈໍາກັດ, ສະມາຄົມ LAOSME ໄດ້ກ່າວຍ້ອງຍໍພິເສດໃນການປະກອບສວນຂອງທະນາຄານມາຣູຮານໃນການສົ່ງເສີມຜູ້ປະກອການທຸລະກິດ SME, ຜູ້ປະກອບການທຸລະກິດ Startup ແລະການປະກອບສ່ວນຊ່ວນເຫຼືອໃນທາງສົ່ງຄົມໃນ ສປປ ລາວ ທີ່ຜ່ານມາ.
ທັງສອງຝ່າຍໄດ້ສະແດງຄວາມຂອບໃຈ, ຄວາມຮັກແພງ ແລະນັບຖືມາຍັງປະທານ, ຜູ້ອໍານວຍການຄະນະບໍລິຫານ, ສະມາຊິກ ແລະພະນັກງານຂອງທັງສອງຝ່າຍທີ່ໄດ້ໃຫ້ການຮັບຕອບແບບອົບອຸ່ນການມາຢ້ຽມຢາມທີ່ເປັນທາງການຂອງສະມາຄົມ LAOSME.
