ເຜີຍຄວາມຮັ່ງມີຂອງຄອບຄົວ ຄິມແທຮີ ພໍ່ເປັນປະທານບໍລິສັດ

  ນອກຈາກ ຄິມແທຮີ ຈະເປັນນັກສະແດງລະດັບແຖວໜ້າທີ່ໄດ້ຮັບຄວາມຮັກຈາກແຟນໆຢ່າງຫຼົ້ນເຫຼືອດ້ວຍຮູບລັກສະນະທີ່ງົດງາມໂດດເດັ່ນແລ້ວຍັງມີການເປີດເຜີຍວ່າ ຄອບຄົວຂອງລາວນັ້ນຈັດຢູ່ໃນລະດັບທີ່ຮັ່ງມີໂດຍພໍ່ຂອງຄີມແທຮີເປັນປະທານບໍລິສັດຂົນສົ່ງຂອງສ.ເກົາຫຼີ ທີ່ສ້າງລາຍໄດ້ຫຼາຍລ້ານວອນຕໍ່ປີ.

  ໃນຕອນຫຼ້າສຸດຂອງລາຍງານທີ່ອອກອາກາດໃນວັນທີ 4 ທັນວາ ທີ່ຜ່ານມາໄດ້ເວົ້າເຖິງຄົນດັງໃນວົງການບັນເທີງທີ່ເກີດມາໃນຄອບຄົວທີ່ຮັ່ງມີຊຶ່ງໜຶ່ງໃນນັ້ນທີ່ໄດ້ຮັບຄວາມສົນໃຈຫຼາຍຈະເປັນນັກສະແດງສາວຊື່ດັງຄີມແທຮີ, ທາງໂທລະພາບເປີດເຜີຍວ່າ ຄີມແທຮີເຂົ້າວົງການບັນເທີງຫຼັງຈາກທີ່ລາວເຂົ້າຮຽນໃນະດັບອຸດົມສຶກສາສາຂາວິຊາການອອກແບບແຟຊັນທີ່ມະຫາວິທະຍາໄລແຫ່ງຊາດ ເຊອູນ ໂດຍຄັ້ງໜຶ່ງລາວເຄີຍອອກລາຍງານລາວໄດ້ເວົ້າວ່າລາວບໍ່ມີຫຍັງເລີຍແຕ່ໃນເວລາຕໍ່ມາກໍມີການເປີດເຜີຍວ່າ ລາວນັ້ນເກີດໃນຄອບຄົວທີ່ຮັ່ງມີຫຼາຍໂດຍພໍ່ຂອງຄິມແທຮີຄືຶຄິມຢູມຸນປະທານບໍລິສັດຂົນສົ່ງຂອງສ.ເກົາຫຼີສ້າງລາຍໄດ້ 15 ຕື້ວອນຕໍ່ປີເຖິງແມ່ນວ່າຈະມີພື້ນຖານທາງຄອບຄົວທີ່ດີແຕ່ວ່າຊື່ສຽງ ແລະພາບລັກທີ່ດີຂອງຄິມແທຮີ ນັບຕັ້ງແຕ່ເຂົ້າວົງການບັນເທີງລ້ວນແຕ່ເປັນການສ້າງຂຶ້ນດ້ວຍເຫື່ອແຮງຂອງຕົນເອງ, ຄວາມສາມາດລວມໄປເຖິງຄວາມງົດງາມຂະນະດຽວກັນລາວຍັງບໍລິຈາກເງີນເພື່ອການກຸສົນອີກດ້ວຍ.

----

ໜັງສືພິມ ເສດຖະກິດ-ສັງຄົມ

• 14/12/2020