ໝາກອຶສາມາດຊ່ວຍຕ້ານສານອະນຸມູນອິດສະຫຼະໄດ້

  ໝາກອຶອຸດົມໄປດ້ວຍວິຕາມິນ ແລະແຮ່ທາດທີ່ມີປະໂຫຍດຕໍ່ຮ່າງກາຍ, ມີວິຕາມິນເອສູງ, ມີອາຊິດ, ແຄຊຽມ, ວິຕາມິນເຊ, ທາດແປ້ງ, ເບຕ້າແຄໂຣທີນຊຶ່ງເປັນສານຕ້ານອະນຸມູນອິດສະຫຼະທີ່ສາມາດຊ່ວຍຫຼຸດການເກີດມະເຮັງ, ໂລກຫຼອດເລືອດຫົວໃຈ ແລະໂລກຫົວໃຈໄດ້ອີກນອກຈາກນັ້ນຍັງຊ່ວຍຕໍ່ຕ້ານຄວາມເຖົ້າຊະລາປ້ອງກັນໂລກຜິວໜັງ, ບັນເທົາອາການປວດເມື່ອຍຂອງຂໍ້ເຂົ່າ ແລະບັ້ນເອວໄດ້.

ວິທີເຮັດ: ນໍາເອົາໝາກອຶຕັດເປັນຕ່ອນນ້ອຍໆ 1 ຖ້ວຍແກ້ງໃຫຍ່ແລ້ວນໍາໄປໜຶ້ງໃຫ້ສຸກຈາກນັ້ນນໍາປັ່ນໃສ່ກັບນໍ້າໃຫ້ລະອຽດ ຫຼັງຈາກນັ້ນນໍາໄປໃສ່ໝໍ້ຄ້າງໄຟອ່ອນໆໃຫ້ຟົດແລ້ວໃສ່ນໍ້າຕານ ແລະເກືອປຸງລົດຊາດຕາມໃຈມັກແຕ່ບໍ່ໃຫ້ຫວານເກີນໄປຄົນໃຫ້ເຂົ້າກັນຈົນລະລາຍຍົກລົງປະໄວ້ໃຫ້ເຢັນນຳໄປແຊ່ໄວ້ໃນຕູ້ເຢັນ ຫຼືຖອກໃສ່ຈອກຕື່ມນໍ້າແຂງດື່ມໄດ້ເລີຍພຽງເທົ່ານີ້ກໍ່ສາມາດຊ່ວຍຕ້ານສານອະນຸມູນອິດສະຫຼະໄດ້ແລ້ວ.

----

ຮຽບຮຽງໂດຍ: ຟ້າ

• 14/12/2020