ສກຂ ສາລະວັນ ປາຖະກະຖາວັນສໍາຄັນຂອງຊາດ

  ວັນທີ 9 ທັນວາ 2020 ທີ່ຫ້ອງປະຊຸມພະແນກສຶກສາທິການ ແລະກີລາແຂວງໄດ້ຈັດພິທີປາຖະກະຖາວັນສະຖາປະນາ ສປປ ລາວ ຄົບຮອບ 45 ປີ ແລະວັນຄ້າຍວັນ ເກີດປະທານ ໄກສອນ ພົມວິຫານ ຄົບຮອບ 100 ປີ ຕິດພັນກັບການເຜີຍແຜ່ເອກະສານ 45 ປີ ການປົກປັກຮັກສາ ແລະ ພັດທະນາແຂວງສາລະວັນ ແລະດຳລັດວ່າດ້ວຍວຽກງານຊົນເຜົ່າໃຫ້ກຽດເຂົ້າຮ່ວມຂອງທ່ານ ສີລິສັກ ຖະໜອມຮັກ ຫົວໜ້າພະແນກສຶກສາທິການ ແລະ ກີລາ, ມີຄະນະພັກຄະນະພະແນກສຶກສາທິການ ແລະ ກີລາ,ຜູ້ອໍານວຍການໂຮງຮຽນວິຊາຊີບແບບປະສົມແຂວງ,ສູນການສຶກສານອກໂຮງຮຽນ,ສູນໄອຊີທີ,ໂຮງຮຽນສາມັນກິນນອນຊົນເຜົ່າແຂວງພ້ອມດ້ວຍຄະນະຄູ-ອາຈານເຂົ້າຮ່ວມ.

ທ່ານ ສີລິສັກ ຖະໜອມຮັກ ໄດ້ຍົກໃຫ້ເຫັນເນື້ອສຳຄັນຕະຫຼອດໄລຍະ 45 ປີ ໃນການປົກປັກຮັກສາ ແລະສ້າງສາພັດທະນາປະເທດຊາດ, ທີ່ພັກປະຊາຊົນປະຕິວັດລາວ ໄດ້ເຮັດການປະຕິວັດຊາດປະຊາທິປະໄຕ, ນຳພາປົກປັກຮັກສາ ແລະສ້າງສາລະບອບໃໝ່, ເວລາໃດກໍຢຶດໝັ້ນລັດທິມາກ-ເລນິນເປັນພື້ນຖານແນວຄິດທິດສະດີ ແລະຢຶດຖືຫຼັກໝັ້ນຂອງຊົນຊັ້ນກຳມະກອນຢ່າງສະເໝີຕົ້ນສະເໝີປາຍ, ສົມທົບແໝ້ນລະຫວ່າງລັດທິຮັກຊາດອັນແທ້ຈິງກັບລັດທິສາກົນອັນຜ່ອງໃສ, ມີຄວາມຈົ່ງຮັກພັກດີຕໍ່ອຸ ດົມການປະຕິວັດ ແລະຜົນປະໂຫຍດຂອງປະຊາຊົນລາວບັນດາເຜົ່າ, ຖືເອົາຄວາມສາມັກຄີພາຍໃນເປັນຫຼັກ, ເຕົ້າໂຮມຄວາມສາມັກຄີເປັນປຶກແຜ່ນພາຍໃນຊາດ, ເຊີດຊູຄວາມເປັນແບບຢ່າງນຳໜ້າ, ຮັກສາໄດ້ຄຸນທາດການເມືອງ ແລະຄຸນສົມບັດສິນທຳປະຕິວັດ, ຄວາມເຊື່ອໝັ້ນຈາກປະຊາຊົນລາວບັນດາເຜົ່າຕະຫຼອດມາ, ຍ້ອນມູນເຊື້ອອັນດີງາມຂອງພັກຂອງຊາດລາວເຮົານັ້ນຈຶ່ງເຮັດໃຫ້ ສປປ ລາວ ເຮົາສາມາດປະກາດເອກະລາດສາມາດປົດປ່ອຍປະເທດຊາດຢ່າງມີໄຊ, ສະຖາປະນາສາທາລະນະລັດປະຊາທິປະໄຕ ປະຊາຊົນລາວຂຶ້ນຢ່າງສະຫງ່າຜ່າເຜີຍໃນວັນທີ 2 ທັນວາ 1975.

  ນອກນັ້ນທ່ານຍັງໄດ້ຍົກໃຫ້ເຫັນມູນເຊື້ອຜົນງານ ແລະຄຸນງາມຄວາມດີຂອງປະທານ ໄກສອນ ພົມວິຫານ ຜູ້ນໍາທີ່ແສນເຄົາລົບຮັກຂອງປວງຊົນລາວ, ເປັນຜູ້ນຳຂອງການປະຕິວັດລາວທີ່ມີຄວາມປີຊາສາມາດ, ມີຄວາມສະຫຼາດຫຼັກແຫຼມ, ມີໄຫວພິກອັນແຫຼມຄົມ ແລະມີນໍ້າໃຈຕໍ່ສູ້ເດັດດ່ຽວໜຽວແໜ້ນ, ເປັນຜູ້ນຳທີ່ແສນເຄົາລົບຮັກຂອງພັກ, ລັດ ແລະປະຊາຊົນ ແລະເປັນວິລະບູລຸດຂອງຊາດລາວເຮົາ.

 

แชร์