ຟູດແພນດ້າ ຂະຫຍາຍສາຂາ 10 ແຂວງແລ້ວ

  ຟູດແພນດ້າ ຜູ້ໃຫ້ບໍລິການດ້ານການຈັດສົ່ງອາຫານຜ່ານແອັບພຣິເຄຊັນ ແລະເປັນອົງກອນໜຶ່ງໃນການສ້າງບຸກຄະລາກອນສ້າງລາຍຮັບໃຫ້ແກ່ສັງຄົມ ແລະເບີກທາງ ການເຮັດວຽກຮູບແບບອິດສະຫຼະໃຫ້ນັກຂັບຂີ່ລົດ ແລະຍັງເປັນຜູ້ພັດທະນາຊ່ອງທາງການຂາຍໃຫ້ຮ້ານອາຫານຈົນກາຍເປັນຜູ້ນຳທາງດ້ານການຈັດສົ່ງອາຫານອັນດັບໜຶ່ງໃນປະເທດລາວປະຈຸບັນໄດ້ກວມເອົາທັງໝົດມີ 10 ແຂວງ ພ້ອມມີແຜນຂະຫຍາຍການບໍລິການໄປໃນຂອບເຂດທົ່ວປະເທດ.

  ທ່ານນາງ ທັນຍາລັດ ຈະເລີນສຸກ ຜູ້ອຳນວຍການບໍລິສັດ ເດລີເວີຣີຮີໂຣ ລາວ ຈຳກັດຜູ້ດຽວ ໄດ້ກ່າວວ່າ: ຟູດແພນດ້າລາວໄດ້ສ້າງຕັ້ງແຕ່ປີ 2019 ແລະເປີດໃຫ້ບໍລິ ການໃນເດືອນພະຈິກໂດຍແມ່ນບໍລິສັດເດລິເວີຣີລະດັບສາກົນເຂົ້າຮ່ວມມາລົງທຶນໃນລາວໂດຍບໍລິການເຄື່ອງມືການຊື້ອາຫານທາງອອນລາຍຜ່ານແອັບພຣິເຄຊັນນອກເປັນຜູ້ໃຫ້ບໍລິການດ້ານການຈັດສົ່ງອາຫານແລ້ວຍັງເປັນອົງກອນໜຶ່ງໃນການສ້າງລາຍຮັບໃຫ້ບຸກຄະລາກອນເຮັດວຽກແບບອິດສະຫຼະໃນປະເທດລາວໂດຍການນຳໃຊ້ຫຼັກວິ ຊາການ, ມາດຕະຖານຂອງການບໍລິການອັນດຽວກັບບໍລິສັດແມ່ ແລະຟູດແພນດ້າຕາມປະເທດຕ່າງໆໃນການແຜ່ລະບາດພະຍາດໂຄວິດ-19 ຟູດແພນດ້າກໍບໍ່ໄດ້ເມີນເສີຍຍັງໄດ້ບໍລິການຮັບສົ່ງກາຍເປັນຜູ້ຍື່ນມືໃຫ້ຄວາມຊ່ວຍເຫຼືອກັບບັນດາຜູ້ປະກອບການທາງດ້ານອາຫານໃນ 1 ປີສາມາດຂະຫຍາຍຮ້ານຄ້າເຂົ້າໃນລະບົບໄດ້ຢ່າງຫຼວງ ຫຼາຍກວມເອົາທັງໝົດມີ 10 ແຂວງ ໃນປີ 2021 ຍັງມີແຜນຂະຫຍາຍການບໍລິການໄປໃນຂອບເຂດທົ່ວປະເທດ.

  ນອກນັ້ນຟູດແພນດ້າຍັງໃຫ້ບັນດາຮ້ານອາຫານ, ຮ້ານຄ້າໃຫ້ເຂົ້າມາຮ່ວມເປັນຄູ່ທຳທຸລະກິດໂດຍຢຶດໝັ້ນລາຄາທີ່ຖືກກວ່າ ແລະການຈັດສົ່ງທີ່ວ່ອງໄວທັນໃຈ, ເອົາໃຈໃສ່ພັດທະນາສົ່ງເສີມການ ຂາຍທີ່ມີສັກກະຍະພາບໝັ້ນຄົງ ແລະສາມາດສ້າງລາຍຮັບໄດ້ຢ່າງແທ້ຈິງຈົນກາຍເປັນທາງເລືອກໜຶ່ງໃຫ້ແກ່ເຈົ້າຂອງທຸລະກິດກໍຄືບັນດາຮ້ານຄ້າ, ຮ້ານອາຫານປະເພດຕ່າງໆກ້າຕັດສິນໃຈໃນການເຂົ້າຮ່ວມມືທຸລະກິດນຳພວກເຮົາສັນຍາວ່າຈະຮັກສາມາດຕະຖານໄວ້ ແລະພ້ອມທີ່ຈະພັດທະນາການບໍລິການຕ່າງໆໃຫ້ກ້າວທັນຕາມຍຸກສະໄໝ ແລະເຂົ້າເຖິງທຸກພື້ນທີ່ທົ່ວປະເທດເພື່ອຊີວິດ ແລະການເປັນຢູ່ຂອງສັງຄົມໃຫ້ດີຂຶ້ນໃນອະນາຄົດ.

แชร์