ໂຄວິດສົ່ງຜົນກະທົບຕໍ່ຄຳສັ່ງ ຊື້ ກຳປູເຈຍ ປິດ 100 ໂຮງງານ

  ການແຜ່ລະບາດຂອງເຊື້ອໂຄວິດສົ່ງຜົນກະທົບຕໍ່ຄຳສັ່ງຊື້ຈາກໂຮງງານເສື້ອຜ້າ, ເກີບ, ອຸປະກອນສຳລັບການເດີນທາງໃນກຳປູເຈຍໂຮງງານປິດຕົວລົງຫຼາຍກວ່າ 100 ແຫ່ງຂະນະດຽວກັນກໍເພີ່ມໂອກາດລົງທຶນສາຂາໃໝ່ຄືແປຮູບອາຫານ, ອຸປະກອນການແພດ.

  ຕາມຂ່າວຕ່າງປະເທດລາຍງານວ່າສຳນັກງານສົ່ງເສີມການຄ້າໃນຕ່າງປະເທດຂອງກຳປູເຈຍລາຍງານໂດຍອ້າງອີງຂໍ້ມູນສື່ຂອງກຳປູເຈຍວ່າກະຊວງແຮງງານ ແລະຝຶກອົບຮົມວິຊາຊີບກຳປູເຈຍລະບຸວ່າໃນໄລຍະ 9 ເດືອນຕົ້ນປີ 2020 ມີໂຮງງານໃນກຸ່ມເສື້ອຜ້າ, ເກີບ ແລະອຸປະກອນສຳລັບການເດີນທາງຫຼາຍກວ່າ 100 ແຫ່ງປິດລົງສົ່ງຜົນເຮັດໃຫ້ແຮງງານຖືກເລີກຈ້າງຫຼາຍກວ່າ 55.174 ຄົນ ຊຶ່ງເພີ່ມຂຶ້ນ 3,65% ເມື່ອທຽບກັບໄລຍະເວລາດຽວກັນຂອງປີທີ່ຜ່ານມາ, ຊຶ່ງຂະແໜງອຸດສາຫະກຳ ແຜ່ນແພ,ການຜະລິດເສື້ອຜ້າເຄື່ອງນຸ່ງຫົ່ມ ແລະເກີບຖືໄດ້ວ່າເປັນອຸດສາຫະກຳຕົ້ນຕໍທີ່ສຳຄັນທີ່ມີຜົນຕໍ່ເສດຖະກິດຂອງກຳປູເຈຍເຖິງແມ່ນວ່າລັດຖະບານພະຍາຍາມທີ່ ຈະອອກມາດຕະການຕ່າງໆເພື່ອຊ່ວຍເຫຼືອ ແລະລໍການປິດຕົວຂອງໂຮງງານຕ່າງໆແຕ່ກໍຍັງມີປັດໃຈ ອື່ນໆເຊັ່ນ: ເສດຖະກິດໂລກລໍຕົວບໍ່ມີຄຳສັ່ງຊື້, ການປິດຕົວລົງຂອງຍີ່ຫໍ້ສິນຄ້າຫຼາຍໆຍີ່ຫໍ້ທົ່ວໂລກສົ່ງຜົນເຮັດໃຫ້ໂຮງງານຜະລິດຫຼາຍໆໂຮງງານຈຳເປັນຕ້ອງປິດຕົວລົງ.

  ທ່ານ ຟາ ສາລີ ປະທານສະມາ ພັນສະຫະພາບແຮງງານແຫ່ງຊາດເປີດເຜີຍວ່າເຖິງແມ່ນວ່າກຳປູເຈຍຈະໄດ້ຮັບສິດທິພິເສດທາງພາສີໃນກຸ່ມສິນຄ້າດັ່ງກ່າວເພີ່ມຈາກອັງກິດຕັ້ງແຕ່ເດືອນມັງກອນປີນີ້ກໍຕາມແຕ່ໃນພາບລວມອຸດສາຫະກຳເສື້ອຜ້າ ແລະ ແຜ່ນແພຍັງໄດ້ຮັບຜົນກະທົບໜັກສົ່ງຜົນເຮັດໃຫ້ໂຮງງານຈຳນວນຫຼາຍປິຕົວລົງກຳ ມະກອນຈຳນວນຫຼາຍຕົກວຽກ, ບາງຄົນ ອົບພະຍົບໄປເຮັດວຽກຢູ່ຕ່າງປະເທດຊຶ່ງສະຫະພາບແຮງງານພະຍາຍາມຮຽກຮ້ອງໃຫ້ລັດຖະບານ ອອກມາດຕະການຕ່າງໆເພື່ອກະຕຸ້ນເສດຖະກິດໃຫ້ຫຼາຍຂຶ້ນ.

แชร์