ລໍ້າໜ້າໄປອີກຂັ້ນ ສປ ຈີນ ເປີດເຜີຍຄວາມຄືບໜ້າຂອງເຕັກໂນໂລຊີວອນຕໍາທີ່ຄຳນວນໄວກວ່າຊູເປີຄອມພິວເຕີແບບທຽບກັນບໍ່ໄດ້.

  ຕາມຂ່າວຕ່າງປະເທດລາຍງານວ່ານັກວິທະຍາສາດຈີນລະບຸວ່າໄດ້ສ້າງຄອມພິວເຕີວອນຕໍາທີ່ສາມາດຄຳນວນບາງຢ່າງໄດ້ໄວກວ່າຊູເປີຄອມພິວເຕີທີ່ທັນສະໄໝທີ່ສຸດໃນໂລກເກືອບ 100 ພັນຕື້ເທົ່າ ນັບເປັນບາດກ້າວສຳຄັນໃນຄວາມພະຍາຍາມຂອງປະເທດຈີນໃນການພັດທະນາເຕັກໂນໂລຊີ, ຊຶ່ງນັກວິທະຍາສາດໄດ້ສ້າງຕົ້ນແບບຄອມພິວເຕີວອນຕໍາທີ່ສາມາດຈັບໂຟຕອນໄດ້ຫຼາຍເຖິງ 76 ໂຟຕອນຜ່ານການເບິ່ງຕົວຢ່າງ Gaussian boson ຊຶ່ງເປັນອັລ ກໍຣິທິມຈຳ ລອງມາດຖານທີ່ໄວກວ່າຊູເປີຄອມ ພິວເຕີທີ່ມີຢູ່ຫຼາຍໃນເວລານີ້, ການພັດທະນາຄັ້ງນີ້ສະແດງໃຫ້ເຫັນເຖິງຄວາມໄດ້ປຽບໃນການຄຳນວນວອນຕໍາເຮັດໃຫ້ຈີນກາຍເປັນມະຫາອຳນາດວອນຕໍາຊຶ່ງບໍ່ມີຄອມພິວເຕີແບບເດີມສາມາດເຮັດວຽກດຽວກັນໄດ້ໃນໄລຍະເວລາທີ່ເໝາະສົມ.

   ເຖິງແມ່ນວ່າໃນຂະນະນີ້ເຕັກໂນໂລຊີຄອມພິວເຕີວອນຕໍາຍັງຢູ່ໃນໄລຍະເລີ່ມຕົ້ນແຕ່ກໍອາດເປັນກະແຈສຳຄັນໃນການປັບປຸງຄວາມໄວໃນການປະມວນຜົນ ແລະ ພະລັງ ຂອງຄອມພິວເຕີເຮັດໃຫ້ສາມາດຈຳລອງລະບົບຂະໜາດໃຫຍ່ ແລະຂັບເຄື່ອນຄວາມກ້າວໜ້າທາງຟິຊິກເຄມີ ແລະສາຂາຕ່າງໆ.

แชร์