ໂຄວິດໃຫ້ບົດຮຽນອາຊຽນເລັ່ງພັດທະນາເມືອງ

  ພະຍາດໂຄວິດ-19 ໃຫ້ບົດຮຽນປະເທດອາຊຽນເລັ່ງພັດທະນາເມືອງຊຶ່ງການພັດທະນາໃຫ້ດີກວ່າເກົ່າ ແລະປອດໄພກວ່າເກົ່າເປັນແນວຄິດຂອງຫຼາຍປະເທດ.

  ຕາມຂ່າວຕ່າງປະເທດລາຍງານວ່າການແຜ່ລະບາດຂອງເຊື້ອໂຄວິດ-19 ກຳລັງໃຫ້ບົດຮຽນຕ່າງໆທີ່ຊ່ວຍກະຕຸ້ນໃຫ້ນະຄອນຫຼວງ ຫຼືເມືອງໃຫຍ່ທົ່ວອາຊຽນ ແລະອາຊີນັບຕັ້ງແຕ່ນະຄອນຫຼວງມະນີລາຂອງຟິລິບປິນໄປຈົນເຖິງສິງກະໂປກ້າວຂຶ້ນມາເປັນນະຄອນຫຼວງ ແລະເມືອງໃຫຍ່ທີ່ມີຄວາມສະອາດຫຼາຍຂຶ້ນເປັນມິດກັບສິ່ງ ແວດລ້ອມຫຼາຍຂຶ້ນ ແລະມີຄວາມປອດໄພຫຼາຍຂຶ້ນ,ເຖິງແມ່ນວ່າການແຜ່ລະບາດຂອງເຊື້ອໂຄວິດເຮັດໃຫ້ເສດຖະກິດຂອງຫຼາຍປະເທດເສຍຫາຍຈົນອາດປະເມີນຄ່າບໍ່ໄດ້ ແລະເຮັດໃຫ້ວິຖີຊີວິດຂອງຜູ້ຄົນທົ່ວໂລກປ່ຽນໄປແຕ່ວິກິດຍັງມີໂອກາດນະຄອນຫຼວງມະນີລາ ແລະນະຄອນຫຼວງອື່ນໆຖືໂອກາດທີ່ໂຄວິດລະບາດໜັກສ້າງປັບປຸງນະຄອນຫຼວງໃຫ້ມີສະພາບແວດລ້ອມທີ່ດີຂຶ້ນລວມທັງສ້າງຊຸມຊົນໃຫ້ດີຂຶ້ນ, ສະອາດຂຶ້ນ, ເປັນມິດກັບສິ່ງແວດລ້ອມຫຼາຍຂຶ້ນ ແລະຖືກສຸຂະລັກສະນະຫຼາຍຂຶ້ນ.

ທ່ານ ກຸຍ ເລີໂມ ລັດປະທານ ໄລຟເອເບິ້ລ ຊີຕີ້ຂອງຟິລິບປິນກ່າວວ່ານີ້ເປັນໂອກາດທີ່ເຮົາສ້າງຄວາມຄິດຂອງເຮົາໃໝ່ເຮົາຮູ້ວ່າຈະຄິດແຕ່ເລື່ອງສຸຂະພາບຢ່າງດຽວບໍ່ໄດ້ແຕ່ຕ້ອງແກ້ບັນຫາຫຼາຍດ້ານໄປພ້ອມກັນເຊັ່ນຈະສ້າງເມືອງໃໝ່ແນວໃດໃຫ້ດີກວ່າເກົ່າ, ປັບປຸງໂຄງສ້າງພື້ນຖານແນວໃດໃຫ້ມີຄວາມຍືນຍົງ.

• 10/12/2020