11 ເດືອນຕົ້ນປີ 2020 ນີ້ ສສ ຫວຽດນາມ ສົ່ງອອກຜະລິດຕະພັນກະເສດບັນລຸກວ່າ 37 ຕື້ໂດລາສະຫະລັດ ໂດຍສົ່ງອອກໄປອາເມລິກາຫຼາຍສຸດ.

  ຕາມຂ່າວຕ່າງປະເທດລາຍງານວ່າຕາມກະຊວງກະສິກຳ ແລະພັດທະນາຊົນນະບົດຫວຽດນາມໃຫ້ຮູ້ວ່າ, 11 ເດືອນຂອງປີ 2020, ວົງເງິນການຄ້າສົ່ງອອກຜະລິດ ຕະພັນກະເສດ, ເຄື່ອງປ່າຂອງດົງ, ສິນໃນນໍ້າຄາດວ່າບັນລຸ 37,42 ຕື້ໂດລາ, ເພີ່ມຂຶ້ນ 2,4% ເມື່ອທຽບໃສ່ໄລຍະດຽວກັນປີ 2019 ໃນສະພາບຫຍຸ້ງຍາກຍ້ອນຜົນກະທົບຈາກໂລກະບາດໂຄວິດ-19, ມີບາງປະເພດສິນຄ້າຜະລິດຕະພັນກະເສດຍັງບັນລຸມູນຄ່າສົ່ງອອກສູງກວ່າເມື່ອທຽບໃສ່ໄລຍະດຽວກັນຂອງປີກາຍ.

  ອາເມລິກາສືບຕໍ່ແມ່ນຕະຫຼາດກວາດເອົາອັດຕາສ່ວນຫຼາຍທີ່ສຸດດ້ວຍວົງເງິນການຄ້າສົ່ງອອກບັນລຸປະມານ 9,8 ຕື້ໂດລາ,ເພີ່ມຂຶ້ນ 22,3% ເມື່ອທຽບໃສ່ໄລຍະດຽວ ກັນຂອງປີກາຍ ແລະກວມເອົາ 26,2% ອັດຕາສ່ວນຂອງຕະຫຼາດຖັດມາແມ່ນ ສປ ຈີນ, ຄາດວ່າບັນລຸເກືອບ 9,2 ຕື້ໂດລາ.

แชร์