ເອັມຈີ ນຳສະເໜີລົດໃໝ່ 4 ລຸ້ນ

  ວັນທີ 23 ກຸມພາ 2019, ບໍລິສັດວຽງຈັນມໍເຕີມາເກັດຈຳກັດຕົວແທນຈຳໜ່າຍລົດເອັມຈີ  (MG) ຈາກປະເທດອັງກິດໄດ້ຈັດພິທີຖະແຫຼງຂ່າວນໍາສະ ເໜີລົດໃໝ່ 4 ລຸ້ນຄື: ລົດເກັງ MG ZS, MG HS, MG6 ແລະ MG3 ໃນງານວາງສະແດງສິນຄ້າມໍເຕີໂຊທີ່ສູນການຄ້າລາວ-ໄອເຕັກນະຄອນຫຼວງວຽງຈັນ.

  ທ່ານ ດາວວົງ ແກ້ວມະນີວົງ ປະທານບໍລິສັດ ວຽງຈັນມໍເຕີມາເກັດ ຈຳກັດ ກ່າວວ່າ: ການນໍາສະເໜີລົດໃໝ່ຄັ້ງນີ້ກໍເພື່ອເພີ່ມທາງເລືອກໃຫ້ແກ່ຜູ້ຊົມໃຊ້ທີ່ຕ້ອງການລົດທີ່ມີຄວາມງາມ, ຫຼູຫຼາທີ່ສໍາຄັນລາຄາປະຢັດສໍາລັບລົດໃໝ່ລຸ້ນ MG ZS  ເປັນການອອກແບບທີ່ເອີ້ນວ່າ: ບຣິດ ໄດນາມິດ ທີ່ມາພ້ອມຮູບລັກ ໃໝ່ລຸ້ນທໍາອິດຂອງ MG, ຈຸດເດັ່ນຢູ່ທີ່ ຫຼັງຄາແວ່ນ 90% ເປີດມູນມອງທີ່ກວ້າງຂຶ້ນໃຫ້ຫ້ອງໂດຍສານໂລ່ງສະບາຍຕາໃນທຸກການຂັບຂີ່ພ້ອມຕາໄຟໜ້າ, ເຄື່ອງຈັກແອັດຊັງ 1,5L Vti TECH 114 ແຮງມ້າລະບົບຂັບເຂື່ອນ 2 ລໍ້, ເກຍ Auto ມາພ້ອມປຸ່ມສະຕາດ.

  ສ່ວນລົດລຸ້ນ MG HS ເປັນລົດທີ່ຖອດມາຈາກ MG X-motion Concept ທີ່ມາພ້ອມເອກະລັກໃໝ່ ແລະ ໃຫ້ປະສົບການຂັບຂີ່ທີ່ສົມບູນແບບໃນ ທຸກດ້ານຂະໜາດລົດຍາວ 4.500mm, ເຄື່ອງຈັກແອັດຊັງມີ 2 ຂະໜາດຄື: ຈັກ 1,5L TGl Turbo-charged 169 ແຮງມ້າ ແລະ2L TGI Turbo-charged 220 ແຮງມ້າ, ລະບົບຂັບເຂື່ອນ 4 ລໍ້, ມາພ້ອມປຸ່ມສະຕາດ, ເບຣກມືໄຟຟ້າ ແລະ Auto Brake hold.

  ສະເພາະ New MG6 ລຸ້ນໃໝ່ນີ້ຫ່າງຈາກລຸ້ນກ່ອນມາເປັນເວລາ 9 ປີ ຊຶ່ງເປັນການກັບມາແບບຍິ່ງໃຫຍ່ ແລະ ອາລັງການຮູບຊົງສະປອດງາມຫຼູຫຼາມີລະ ດັບບໍ່ແພ້ລົດຊັ້ນນໍາຫຼາຍໆຫຍີ່ຫໍ້, ຂະໜາດລົດມີຄວາມຍາວ 4.695 mm ເກຍ Auto ມາພ້ອມປຸ່ມສະຕາດເບຣກມືໄຟຟ້າ Auto Brake hold ຍັງມີຟັງຊັ້ນໂໝດ Super Sport ແລະລະບົບຊ່ວຍຂັບຂີ່, ຕາໄຟໜ້າສອງເສດສີ (ຂາວ ແລະເຫຼືອງ) ສະປອດຫຼູຫຼາພ້ອມຟັ່ງຊັ້ນໄຟຕາສູງອັດຕະໂນມັດ.

  ສໍາລັບ All Nee MG3 ເປັນລົດ Eco Car ລຸ້ນນ້ອຍທີ່ສຸດໃນຕະກຸນ MG ໂດຍຖືກປັບປຸງອອກແບບໃຫ້ມີຄວາມທັນສະໄໝໜ້າຫຼົງໄຫຼຍິ່ງຂຶ້ນພາຍໃຕ້ການອອກແບບ ບຣິດ ໄດນາມິດ ທັງພາຍນອກ ແລະພາຍໃນທີ່ມາ ພ້ອມກະຈັງໜ້າ Stellar Field Grille, ຕອບສະໜອງຄວາມເພີດເພີນໃນການຂັບຂີ່ທີ່ບໍ່ຊໍ້າໃຜຕອບໂຈດຊີວິດໃນເມືອງດ້ວຍຕົວຖັງສີສັນສົດໄສສ້າງຄວາມໂດດເດັ່ນສະດຸດຕາມີໃຫ້ເລືອກເຖິງ 6 ເສດສີ 6 ສະໄຕລ.

  ແນວໃດກໍດີສະເພາະໃນງານວາງສະແດງສິນຄ້າມໍເຕີ້ໂຊ ຫຼື ໃນລະຫວ່າງວັນທີ 22 ກຸມພາ ຫາ 2 ມີນາ 2019 ນີ້, ຖ້າຫາກລູກຄ້າທ່ານໃດຊື້ ຫຼື ຈອງຮັບ ທັນທີ Huawei Mate 20 Pro ພ້ອມຂອງແຖມ 15 ລາຍການ, ສົນໃຈຕິດຕໍ່ພົວພັນໄດ້ທີ່ ບໍລິສັດວຽງຈັນ ມໍເຕີມາເກັດ ຈຳກັດ ຕົວແທນຈຳໜ່າຍລົດເອັມຈີ.

ຂ່າວ: ກິ່ງລັດຕະນະ-ນສພ ເສດຖະກິດ-ສັງຄົມ    

แชร์