ວໍຊິງຕັນໂພສໄດ້ລາຍງານວ່າ ແອບເປິ້ນຍອມຕົກລົງທີ່ຈະຈ່າຍເງິນຈຳນວນ 113 ລ້ານໂດລາສະຫະລັດເພື່ອຍຸຕິຄະດີກໍລະນີບັນຫາ Batterygate ທີ່ມີການຟ້ອງຮ້ອງກັນໃນ 34 ລັດ ພາຍຫຼັງທີ່ພົບວ່າ ແອບເປິ້ນຫຼຸດປະສິດທິພາບໄອໂຟນລຸ້ນເກົ່າລົງເພື່ອບໍ່ໃຫ້ກະທົບຕໍ່ການທຳງານເນື່ອງຈາກແບດເຕີຣີເຊື່ອມສະພາບ.
Mark Brnovich ຜູ້ດຳລົງຕຳ ແໜ່ງໄອຍະການສູງສຸດລັດແອຣິໂຊນາໄດ້ກ່າວວ່າບໍລິສັດເຕັກໂນໂລຊີຂະໜາດໃຫຍ່ຕ້ອງຢຸດຫຼອກລວງຜູ້ບໍລິໂພກ ແລະ ຕ້ອງບອກຄວາມຈິງທັງໝົດກ່ຽວກັບແນວທາງປະຕິບັດ ແລະຜະລິດຕະພັນຂອງບໍລິສັດນອກຈາກນີ້ແອບເປິ້ນຈະຕ້ອງຊີ້ແຈງວິທີການຮັບມືກັບຄຸນນະພາບຂອງແບັດເຕີຣີ ແລະການໃຊ້ພະລັງງານແບັດເຕີຣີໃຫ້ແກ່ຜູ້ບໍລິໂພກທັງອອນລາຍແລະໂດຍກົງຜ່ານອຸປະກອນຂອງຕົນດ້ວຍຢ້ອນກັບໄປເມື່ອປີ 2017 ຜູ້ໃຊ້ໄດ້ພົບວ່າປະສິດທິພາບໃນການທຳງານຂອງໄອໂຟນລຸ້ນເກົ່ານັ້ນຫຼຸດລົງພາຍຫຼັງຈາກທີ່ອັບເດດລະບົບປະຕິບັດການ iOS ເວີຊັນໃໝ່ໂດຍໃນເດືອນທັນວາ 2017 ທາງແອບເປິ້ນ ໄດ້ອອກມາຍອມຮັບກໍລະນີດັ່ງກ່າວ ແລະ ໄດ້ອະທິບາຍວ່າເປັນການປ້ອງກັນບໍ່ໃຫ້ອຸປະກອນລຸ້ນເກົ່າຢຸດການທຳງານຢ່າງກະທັນຫັນເນື່ອງຈາກແບັດເຕີຣີທີ່ເສື່ອມສະພາບລົງຊຶ່ງທຳໃຫ້ເກີດການຟ້ອງຮ້ອງກໍລະນີບັນຫາ Batterygate ຂຶ້ນ.
ເມື່ອເດືອນກຸມພາ 2020 ທີ່ຜ່ານມາ ແອບເປິ້ນຕ້ອງຈ່າຍຄ່າປັບໃໝມູນຄ່າ 25 ລ້ານເອີໂຣ ໃຫ້ແກ່ປະເທດຝຣັ່ງໃນກໍລະນີທີ່ຫຼຸດຄວາມໄວໄອໂຟນພາຍຫຼັງຈາກການອັບເດດລະບົບປະຕິບັດການ ແລະ ເມື່ອເດືອນມີນາ 2020 ທີ່ຜ່ານມາແອບເປິ້ນກໍຕ້ອງຈ່າຍເງິນຄ່າປັບໃໝເປັນເງິນຈຳນວນ 500 ລ້ານໂດລາ ຈາກການຟ້ອງຮ້ອງໃນຂໍ້ຜິດພາດລັກສະນະດຽວກັນນີ້.
| ສະກຸນເງີນ | ອັດຕາຊື້ | ອັດຕາຂາຍ | |
|
EUR | 21.356 | 21.571 |
|
USD | 21.996 | 22.140 |
|
THB | 683 | 690 |
|
CNY | 2.713 | 2.740 |