ຫຼວງພະບາງ ຍົກລະດັບພະນັກງານຂະແໜງທ່ອງທ່ຽວ

  ໂຄງການທັກສະສໍາລັບວຽກງານທ່ອງທ່ຽວ (ລາວ/ 029) ໄດ້ຈັດຝຶກອົບຮົມໃຫ້ພະນັກງານໃນຂະແໜງການທ່ອງທ່ຽວແຂວງຫຼວງພະບາງເພື່ອເປັນການເພີ່ມຄວາມຮູ້ ແລະ ຄວາມເຂົ້າໃຈກ່ຽວກັບແຕ່ລະໄລຍະຂອງວົງຈອນຊີວິດການເຮັດວຽກຂອງພະນັກງານຊຶ່ງໄດ້ຈັດຂຶ້ນໃນວັນທີ 8 ທັນວາ 2020 ນີ້ ທີ່ຫ້ອງປະຊຸມພະແນກຖະ ແຫຼງຂ່າວ, ວັດທະນະທຳ ແລະທ່ອງທ່ຽວແຂວງໂດຍການເປັນປະທານຂອງທ່ານ ນາງ ສີເນີຍ ຈັນທະສອນ ຫົວໜ້າພະແນກຝຶກອົບຮົມວິຊາການທ່ອງທ່ຽວ, ມີວິທະ ຍາກອນ ແລະນັກສຳມະນາກອນໃນຂະແໜງການທ່ອງທ່ຽວພະແນກ ຖວທ ພ້ອມດ້ວຍນັກທຸລະກິດທ່ອງທ່ຽວພາກເອກະຊົນເຂົ້າຮ່ວມ.

  ທ່ານ ນາງ ສີເນີຍ ຈັນທະສອນ ຫົວໜ້າພະແນກຝຶກອົບຮົມວິຊາການທ່ອງທ່ຽວກ່າວ່າ: ຊຸດຝຶກອົບຮົມຄັ້ງນີ້ແມ່ນມີຄວາມໝາຍຄວາມສໍາຄັນຫຼາຍເພາະວົງຈອນຊີວິດຂອງການເຮັດວຽກການທ່ອງທ່ຽວເປັນຍຸດທະສາດອັນສໍາຄັນໃນການສ້າງກຳລັງແຮງງານທີ່ມີຄຸນນະພາບແລະມີຄວາມຍືນຍົງ, ສະໜອງຄວາມຮູ້ທີ່ຕິດພັນກັບແຕ່ລະໄລ ຍະຂອງວົງຈອນຊີວິດການເຮັດວຽກຂອງພະນັກງານ, ສະໜອງບາງເຄື່ອງມືການຈັດການ,ເຕັກນິກ ແລະຄຳແນະນຳເພື່ອປັບປຸງທັກສະການບໍລິຫານຊັບພະຍາກອນມະ ນຸດທີ່ຈຳເປັນ, ເນື້ອໃນສຳຄັນຂອງການຝຶກອົບຮົມແມ່ນຈະເນັ້ນໃສ່ 6 ໄລຍະຂອງວົງຈອນຊີວິດການເຮັດວຽກຂອງພະນັກງານຊຶ່ງຈະເລີ່ມຈາກການດຶ່ງດູດພະນັກງານ, ການຮັບສະໝັກ,ການປະຖົມນິເທດ,ການພັດທະນາ,ການຮັກສາ ແລະການອອກເຮັດວຽກຂອງພະນັກງານຊຶ່ງແຕ່ລະເນື້ອໃນມີຄູຝຶກຈາກສະຖາບັນສື່ມວນຊົນ, ວັດທະ ນະທຳ ແລະທ່ອງທ່ຽວເປັນຜູ້ນຳສະເໜີ, ນຳພາຄົ້ນຄວ້າ, ເຮັດກິດຈະກຳຖາມ-ຕອບ, ຫຼິ້ນເກມກ່ຽວກັບບົດຮຽນ, ການຝຶກອົບຮົມຈະເນັ້ນໃສ່ການມີສ່ວນຮ່ວມຂອງຜູ້ເຂົ້າຮ່ວມ, ເຮັດເປັນກຸ່ມໂດຍມີຄູຝຶກເປັນຜູ້ນຳສະເໜີ ແລະນຳພາເຮັດກິດຈະກຳຕ່າງໆໃຫ້ໄປຕາມຂັ້ນຕອນ.

ທ່ານກ່າວຕື່ມອີກວ່າຫຼັງຈາກທີ່ສໍາເລັດຊຸດອົບຮົມຄັ້ງນີ້ເຊື່ອແນ່ວ່າບັນດາພະນັກງານຂະແໜງການທ່ອງທ່ຽວແຂວງຫຼວງພະບາງທີ່ເຂົ້າຮ່ວມຈະໄດ້ນໍາເອົາຄວາມຮູ້ອັນໃໝ່ທີ່ໄດ້ຮຽນມານໍາໄປໝູນໃຊ້ເຂົ້າໃນວຽກງານຂອງຕົນເອງໃຫ້ໄດ້ຮັບຜົນດີກວ່າເກົ່າ, ຊຸດຝຶກອົບຮົມຈະໄດ້ດຳເນີນເປັນເວລ 3 ວັນຈຶ່ງຈະສຳເລັດ.

---------00-----------

ຂ່າວ: ສີສຸວັນ, ຮູບພາບ: ໜັງສືພິມເສດຖະກິດ-ສັງຄົມ

แชร์