ເມືອງຈຳພອນມີວັດວາອາຮາມຫຼາຍກວ່າ 100 ແຫ່ງ

  “ວັດ” ເປັນສະຖານທີ່ສຳຄັນໃນທາງພະພຸດທະສາສະໜາເປັນທີ່ອາໄສຂອງພະສົງສຳມະເນນໃຊ້ເປັນສະຖານທີ່ຝຶກຝົນຕົນເອງ ແລະເຜີຍແຜ່ສິ່ງທີ່ດີງາມໃຫ້ແກ່ພຸດທະສາສະນິກະຊົນ ຫຼື ພຸດທະບໍລິສັດຜູ້ທີ່ມາອົບຮົມຝຶກຈິດພາວະນາໃຊ້ເປັນສະຖານທີ່ລວມນໍ້າໃຈຂອງຄົນລາວຊາວພຸດໄດ້ມາທຳບຸນກັນໃນວັນສຳຄັນທາງພະພຸດທະສາ ສະໜາຊຶ່ງປະຈຸ​ບັນພາຍ​ໃນເມືອງຈຳພອນ ແຂວງສະຫວັນນະເຂດ ມີວັດວາອາ​ຮາມ​ທັງໝົດ 124 ວັດ (ວັດຮ້າງ 9 ວັດ), ສຳນັກສົງ 7 ແຫ່ງ ແລະມີພະສົງ-ສາມະເນນ 379 ອົງ.

  ອີງ​ຕາມ​ຂໍ້​ມູນ​ຈາກກອງປະຊຸມສະໄໝທີ VIII ອົງການພຸດທະສາສະໜາສຳພັນລາວທົ່ວເມືອງຈຳພອນໃຫ້ຮູ້ວ່າ: “ວັດ” ເປັນສະຖານທີ່ສຳຄັນໃນທາງພະພຸດທະສາສະ ໜາເປັນທີ່ອາໄສຂອງພະສົງສຳມະເນນໃຊ້ເປັນສະຖານທີ່ຝຶກຝົນຕົນເອງ ແລະເຜີຍແຜ່ສິ່ງທີ່ດີງາມໃຫ້ແກ່ພຸດທະສາສະນິກະຊົນ ຫຼືພຸດທະບໍລິສັດຜູ້ທີ່ມາອົບຮົມຝຶກຈິດພາວະນາ ໃຊ້ເປັນສະຖານທີ່ລວມນໍ້າໃຈຂອງຄົນລາວທົ່ວປະເທດໄດ້ມາທຳບຸນກັນໃນວັນສຳຄັນທາງພະພຸດທະສາສະໜາ, ສະນັ້ນ “ວັດ” ຈຶ່ງມີຄຸນຄ່າເປັນຂອງຄູ່ກັນມາກັບພະພຸດທະສາສະໜານັບເປັນເວລາ 2.500 ກວ່າປີມາແລ້ວ “ວັດ” ຖືໄດ້ວ່າເປັນສະຖານທີ່ສາທາລະນະອຳນວຍປະໂຫຍດສຳລັບທຸກຊົນຊັ້ນທຸກເພດທຸກໄວຜູ້ມີຄວາມປະສົງຕ້ອງການເຮັດບຸນສ້າງກຸສົນຕ່າງໆກໍຈະຕ້ອງນຶກເຖິງ ”ວັດ” ຫຼື ເປັນສະຖານທີ່ປະຕິບັດທັມຂອງອຸບາສົກອຸບາສິກາ ແລະອື່ນໆໄດ້ປະຕິບັດສືບທອດກັນມາຕັ້ງ ແຕ່ອະດີດຈົນຮອດປະຈຸບັນ.

   “ວັດ” ເປັນເຮືອນຫຼັງທີສອງຂອງພຸດທະບໍຣິສັດທັງຫຼາຍເປັນທີ່ພັກກາຍສະຫງົບໃຈຊ່ວຍຜ່ອນຄາຍຄວາມທຸກໄດ້ບໍ່ຫຼາຍກໍໜ້ອຍຕາມກຳລັງສະຕິປັນຍາຂອງຜູ້ທີ່ເຂົ້າ ມາປະຕິບັດທັມເພື່ອຂັບໄລ່ກິເລດໃຫ້ບັນເທົາເບົາບາງໄປໄດ້, ຊຶ່ງໃນປະຈຸບັນມີ​ວັດວາອາ​ຮາມທັງໝົດ 124 ວັດ,ວັດຮ້າງ 9 ວັດ,ສຳນັກສົງ 7 ແຫ່ງ,ຄະນະ ອພສ ເມືອງມີ 7 ອົງ, ອພສ ເຂດ 7 ອົງ, ມີພະສົງ-ສາມະເນນ 379 ອົງ (ພະ 279 ອົງ, ສາມະເນນ100 ອົງ), ແມ່ຂາວ 12 ຕົນ.

แชร์