ສໍາເລັດແຂ່ງຂັນກີລາດອກປີກໄກ່ທົ່ວປະເທດ

  ການແຂ່ງຂັນກີລາດອກປີກໄກ່ທົ່ວປະເທດປະເພດທີມຄັ້ງທີ 2 ຊີງຂັນນາຍົກລັດຖະມົນຕີຈັດຂຶ້ນລະຫວ່າງວັນທີ 3-6 ທັນວາ 2020 ທີ່ສະໂມສອນກີລາດອກປີກໄກ່ເສດຖາ (ບ້ານບຶງຂະຫຍອງ) ນະຄອນຫຼວງວຽງຈັນ ໂດຍມີຊີງໄຊ 6 ລາຍການ.

ຜົນການແຂ່ງຂັນກີລາດອກປີກໄກ່ລາຍການດັ່ງກ່າວມີດັ່ງນີ້: ປະເພດທີມຊາຍ: ຊະນະເລີດ New  Pay ໄດ້ຮັບຂັນແຊັມກັບຫຼຽນຄໍາພ້ອມເງິນລາງວັນ 12 ລ້ານກີບ, ຮອງຊະນະເລີດທີມ PSL ໄດ້ຮັບຫຼຽນເງິນພ້ອມເງິນລາງວັນ 8 ລ້ານກີບ ແລະອັນດັບ 3 ສະໂມສອນເຄທີ 1 ໄດ້ຮັບຫຼຽນທອງພ້ອມເງິນລາງວັນ 5 ລ້ານກີບ.

   ທີມປະສົມ: ຊະນະເລີດ PSL ໄດ້ຮັບຂັນແຊັມກັບຫຼຽນຄໍາພ້ອມເງິນລາງວັນ 12 ລ້ານກີບ, ອັນດັບ 2 ທີມ New Pay 2 ໄດ້ຮັບຫຼຽນເງິນພ້ອມເງິນລາງວັນ 8 ລ້ານກີບ ແລະອັນດັບ 3 ເຄທີ ໄດ້ຮັບຫຼຽນທອງພ້ອມເງິນລາງວັນ 5 ລ້ານກີບ.

   ສ່ວນອີກ 4 ລາຍການທີ່ຊະນະເລີດໄດ້ຮັບຂັນແຊັມກັບຫຼຽນຄໍພ້ອມເງິນລາງວັນ 8 ລ້ານກີບ, ອັນດັບ 2 ໄດ້ຫຼຽນເງິນພ້ອມເງິນລາງວັນ 5 ລ້ານກີບ ແລະອັນດັບ 3 ໄດ້ ຮັບຫຼຽນທອງພ້ອມເງິນລາງວັນ 3 ລ້ານກີບຈະໄດ້ເທົ່າກັນມີດັ່ງນີ້: ທີມອາວຸໂສຊາຍ: ຊະນະເລີດສະໂມສອນລາວ-ຫວຽດ, ອັນດັບ 2 ສະກາຍໄລທ໌ ແລະອັນດັບ 3 ຈະເລີຍຊັບ 2 ທີມເຍົາວະຊົນຊາຍ: ຊະນະເລີດທີມ New Pay Captain, ອັນດັບ 2 ວິນເນີ ຫຼວງພະບາງ ແລະອັນດັບ 3 ໂຮງຮຽນຂັບປັນຍາ-ທີມເຍົາວະຊົນປະສົມ: ຊະນະເລີດ New Pay Captain, ອັນດັບ  2 ໂຮງຮຽນຊັບປັນຍາ ແລະອັນດັບ 3 ທີມວິນເນີຫຼວງພະບາງທີມຍິງ: ຊະນະເລີດສະມາຄົມທຸລະກິດໜຸ່ມແຫ່ງຊາດ, ອັນດັບ 2 New Pay 2 ແລະອັນດັບ 3 NewPay 1 ໃຫ້ກຽດເຂົ້າຮ່ວມພິທີປິດ ແລະມອບຫລຽນລາງວັນໃນຄັ້ງນີ້ແມ່ນທ່ານ ສົມດີ ດວງດີ, ຮອງນາ ຍົກລັດຖະມົນຕີ, ລັດຖະມົນຕີກະຊວງການເງິນ.

แชร์