ບໍ່ແກ້ວແຈ້ງດ່ວນໃຫ້ຕົ້ນເຜີ້ງສືບຕໍ່ປິດເມືອງພ້ອມເຂັ້ມງວດກວດຈຸດເຂົ້າ-ອອກ

   ແຂວງບໍ່ແກ້ວ ໄດ້ອອກແຈ້ງການດ່ວນທີ່ສຸດໃຫ້ເມືອງຕົ້ນເຜິ້ງສືບຕໍ່ປິດການເຂົ້າ-ອອກເມືອງພ້ອມຊີ້ນຳໃຫ້ອົງການປົກຄອງບ້ານເປັນເຈົ້າການຕິດຕາມກວດກາພົນລະ ເມືອງທີ່ເຂົ້າ-ອອກ ເພື່ອເປັນການສະດວກໃຫ້ແກ່ເຈົ້າໜ້າທີ່ ແລະຄະນະສະເພາະກິດທີ່ປະຈຳຢູ່ຈຸດກວດກາໃນການປ້ອງກັນ, ຄວບຄຸມ ແລະແກ້ໄຂການລະບາດຂອງພະຍາດໂຄວິດ-19.

  ອີງໃສ່ຂໍ້ມູນແຈ້ງການເພິ່ມເຕີມຫ້ອງວ່າການແຂວງບໍ່ແກ້ວສະບັບເລກທີ 1172/ຫວຂ.ບກ ລົງວັນທີ 8 ທັນວາ 2020 ໃຫ້ ຮູ້ວ່າ: ພະນັກງານທະຫານ, ຕຳຫຼວດຕະຫຼອດຮອດປະຊາຊົນບັນດາເຜົ່າໃນເມືອງຕົ້ນເຜິ້ງທີ່ຈະໄປເຮັດວຽກຢູ່ແຂວງ  ແລະພາກສ່ວນຢູ່ແຂວງຈະໄປເຮັດວຽກຢູ່ເມືອງແມ່ນບໍ່ອະນຸຍາດໃຫ້ເຂົ້າ-ອອກຢ່າງເດັດຂາດຈົນກວ່າຈະມີແຈ້ງການຊີ້ນຳໃຫ້ເຂົ້າ-ອອກ, ສ່ວນວຽກງານປົກກະຕິຈະແກ້ໄຂໂດຍຜ່ານລະບົບສື່ສານອອນລາຍໃນກໍລະນີເຈັບເປັນ ຫຼືພະນັກງານທະຫານຕຳຫຼວດຫາກມີຄວາມຈຳເປັນຂາດການບໍ່ໄດ້ຕ້ອງໄດ້ເອົາເຄື່ອງນຸ່ງຫົ່ມໄປນອນປະຈຳການຈົນຄົບ 14  ວັນຈຶ່ງກັບໄດ້ສໍາລັບດ້ານການຂົນສົ່ງສິນຄ້າແຕ່ລະບໍລິສັດທີ່ມີຄວາມຈຳເປັນນໍາເຂົ້າແລະສົ່ງອອກສິນຄ້າຕ້ອງໃສ່ຊື່ນາມສະກຸນຜູ້ຂັບລົດ, ປ່ຽນ ແລະປ້າຍລົດສະເໜີຄະນະສະເພາະກິດຂັ້ນແຂວງກ່ອນເພື່ອຄົ້ນຄວ້າພິຈາລະນາການຂົນສົ່ງສິນຄ້າກຳ ນົດເວລາເຂົ້າ-ອອກແຕ່ເວລາ 8-18 ໂມງ.

   ການຂົນສົ່ງສິນຄ້າປະເພດພືດຜັກກະສິກຳ, ເຄື່ອງອຸປະໂພກບໍລິໂພກທີ່ມີຄວາມຈຳເປັນເຂົ້າ-ອອກເມືອງຕົ້ນເຜິ້ງແມ່ນຕ້ອງມີການຄ່ຽນຖ່າຍສິນຄ້າ, ສັບປ່ຽຍພະນັກ ງານຂັບລົດຢູ່ຈຸດດ່ານນໍ້າເກິ່ງສ່ວນລົດຂົນສົ່ງສິນຄ້າທີ່ບໍ່ສາມາດສັບປ່ຽນພະນັກງານຂັບລົດໄດ້ປະເພດອາຍແກ໋ດ, ນໍ້າມັນເຊື່ອໄຟ ແລະ ປູນເຕົ້າຕ້ອງມີເຈົ້າໜ້າທີ່ຄະນະສະເພາະກິດເປີດ-ປິດຂະບວນລົດຢູ່ດ່ານຈຸດນໍ້າເກິ່ງໂດຍມີການພົ່ນຢາ, ວັດແທກອຸນຫະພູມ ແລະປະຕິບັດຕາມມາດຕະການປ້ອງກັນໂຄວິດ-19 ຕາມຄະນະສະເພາະກິດວ່າງອອກພ້ອມນີ້ຍັງໄດ້ມອບໃຫ້ເມືອງຊີ້ນຳອົງການປົກຄອງບ້ານເປັນເຈົ້າການຕິດຕາມກວດກາພົນລະເມືອງທີ່ເຂົ້າ-ອອກ ບ້ານຂອງຕົນ ແລະ ປະຕິບັດມາດຕະການ ປ້ອງກັນຄວບຄຸມພະຍາດດັ່ງກ່າວຢ່າງເຂັ້ມງວດ.

แชร์