ສີລັງກາຕັ້ງເປົ້າຜະລິດໃບຊາ 315 ລ້ານກິໂລກຣາມ

  ກະຊວງອຸດສາຫະກຳການປູກຝັງຂອງສີລັງກາເປີດເຜີຍໃນ ທ້າຍອາທິດທີ່ຜ່ານມາວ່າ ສີລັງກາຕັ້ງເປົ້າໝາຍຜະລິດໃບຊາໃຫ້ໄດ້ປະ ລິມານ 315 ລ້ານກິໂລກຣາມພາຍໃນປີນີ້ ຊຶ່ງປັບເພີ່ມຂຶ້ນ 5% ຈາກປີ ກ່ອນ.

  ຕາມຂ່າວຕ່າງປະເທດລາຍງານວ່າ ການຜະລິດໃບຊາຂອງສີລັງ ກາຫຼຸດລົງ 1% ຈາກປີ 2017 ຢູ່ທີ່ 303 ກິໂລກຣາມໃນປີ 2018 ໂດຍ ມີສາເຫດມາຈາກພາວະແຫ້ງແລ້ງ, ຝົນຕົກໜັກ, ການຫ້າມໃຊ້ສານໄກລ ໂຟເສດ ແລະການໃຊ້ຢາຂ້າສັດຕູພືດ, ນອກຈາກນັ້ນ ອຸດສາຫະກຳການ ຜະລິດໃບຊາຂອງສີລັງກາໃນປີກ່ອນຍັງພົບພາວະຢຸດຊະງັກເນື່ອງຈາກ ການປະທ້ວງຊົ່ວຄາວຂອງກຸ່ມແຮງງານທີ່ອອກມາຮຽກຮ້ອງໃຫ້ປັບຂຶ້ນ ຄ່າແຮງງານໃຫ້ສູງຂຶ້ນ. ຢ່າງໃດກໍຕາມຄາດວ່າການຜະລິດໃບຊາຈະ ຟື້ນຕົວກັບມາເພີ່ມຂຶ້ນໃນປີນີ້ ເນື່ອງຈາກສະພາບອາກາດເປັນໃຈມີການ ຫຼຸດຜ່ອນຄຳສັ່ງຫ້າມໃຊ້ຢາຂ້າສັດຕູພືດ ແລະການບັນລຸຂໍ້ຕົກລົງເລື່ອງປັບ ຂຶ້ນຄ່າແຮງງານ.

  ລັດຖະບານສີລັງກາເປີດເຜີຍວ່າ ຈະມີການດຳເນີນໂຄງການກະຕຸ້ນ ການສົ່ງອອກຊາຊີລອນໄປທົ່ວໂລກໃນປີນີ້ ໂດຍເລີ່ມຕົ້ນຢູ່ທີ່ ສປ ຈີນ ໃນ ເດືອນພືດສະພາ ແລະຣັດເຊຍໃນເດືອນກັນຍາ ຕໍ່ມາແມ່ນເຢຍລະມັນ, ອູແກຣນ ແລະຍີ່ປຸ່ນ.

• 25/02/2019