ສະກູນາເຮືອນແຖວ ອະສັງຫານ້ອງໃໝ່ ບໍລິການລູກຄ້າດ້ວຍໃຈ

   ໂຄງການສະກູນາເຮືອນແຖວຈັດສັນ ແລະເປັນໜຶ່ງໃນການອອກແບບບ້ານເຮືອນສໍາລັບແນວຄິດໃໝ່ຂອງການພັດທະນາອະສັງຫາລິມະຊັບຊຶ່ງເປັນທີ່ນິຍົມຢູ່ປະເທດໄທ, ຫວຽດນາມ ແລະກຳປູເຈຍຄືການໃຊ້ເນື້ອທີ່ຢ່າງຈໍາກັດໃຫ້ລົງຕົວທີ່ສຸດ.


      ທ່ານນາງ ປະຕິມາພອນ ໄຊຍະລາດ ຜູ້ອຳນວຍການໂຄງການສະກູນາເຮືອນແຖວຈັດສັນໃຫ້ສຳພາດວ່າ: ໂຄງການບ້ານສະກູນາເຮືອນແຖວຈັດສັນສ້າງຕັ້ງຂຶ້ນປີ 2019 ຕັ້ງຢູ່ບ້ານຊ້າງຄູ້ ເມືອງໄຊທານີ ນະຄອນຫຼວງວຽງຈັນ ຊຶ່ງສ້າງຂຶ້ນມາເພື່ອພັດທະນາທີ່ຢູ່ອາໄສຂອງຄົນທີ່ມີຄວາມຝັນຢາກໄດ້ບ້ານເຮືອນໃນເຂດຕົວເມືອງໃນນີ້ທັງໝົດມີ 16 ຫຼັງ, ເປັນຕຶກສອງຊັ້ນອອກແບບໂມເດິນເໝາະສໍາລັບຄົນທີ່ມັກຄວາມມີລະດັບທັນສະໄໝ ແລະພາຍໃນຫ້ອງມີຄວາມຍາວ 12,5 ແມັດ,

ພື້ນທີ່ໃຊ້ສອຍ 3 ຫ້ອງນອນ, 3 ຫ້ອງນໍ້າ, ເດີ່ນເຮືອນມີເນື້ອທີ່ກວ້າງ 5 ແມັດ, ມີໃບຕາດິນຂອບທອງພ້ອມໂອນໃຫ້ລູກບ້ານ ແລະ ຢູ່ເຂດຕົວເມືອງມີຄວາມສະຫງົບພ້ອມມີເວນຍາມຄວາມປອດໄພຕະຫຼອດ 24 ຊົ່ວໂມງ ພ້ອມນັ້ນຍັງໃກ້ກັບເສັ້ນທາງເລກທີ 13 ໃຕ້, ໂຮງຮຽນ, ທະນາຄານ, ຮ້ານອາຫານ, ຮ້ານມິນິມາກ ແລະ ຍັງໄດ້ຮັບອຳນວຍຄວາມສະດວກເງື່ອນໄຂໃນການຈ່າຍຜ່ອນໄດ້ໃນໄລຍະຍາວ 25 ປີໂດຍຜ່ານລະບົບທະນາຄານໄດ້ອີກດ້ວຍ.


  ໂຄງການສະກູນາເຮືອນແຖວຈັດສັນເປັນໂຄງການສ້າງໃໝ່ແຕ່ບໍລິການອຳນວຍຄວາມສະດວກໃຫ້ລູກຄ້າດ້ວຍອອກຈາກໃຈຜົນຕອບຮັບດີປະຈຸບັນມີລູກຄ້າເຂົ້າຈັບຈອງແລ້ວ 6 ຫຼັງ ນີ້ສະແດງເຖິງຄວາມເຊື່ອໝັ້ນຂອງລູກຄ້າຕໍ່ກັບໂຄງການບ້ານສະກູນາເຮືອນແຖວຈັດສັນບວກກັບນະໂຍບາຍຂອງພັກ-ລັດທີ່ໃຫ້ທິດຊີ້ນຳໄປພັດທະນາ ແລະ ສົ່ງເສີມໄປເຂດປະຊາກອນທີ່ມີຄວາມໜາແໜ້ນນອກຈາກນັ້ນກຳລັງຈະສ້າງໂຄງການທີ່ສອງຊຶ່ງເປັນໂຄງການບ້ານສະກູນາທີ່ຄວາມງາມຫຼູຫຼາອອກແບບທັນສະໄໝທີ່ເປັນທີ່ນິຍົມໃນຕ່າງປະເທດສຳລັບທ່ານໃດທີ່ມີຄວາມຝັນຢາກໄດ້ບ້ານເຮືອນເປັນຂອງຕົວເອງກໍ່ມາປຶກສາກັບໂຄງການສະກູນາເຮືອນແຖວຈັດສັນໄດ້ ໂທ 020 97114266.

แชร์