ວັນພລັສກຽມປ່ອຍອັບເດດ OxygenOS 11.0.4.5 ວັນພລັສ 8T ເລີ່ມທີ່ອິນເດຍ,ເອີຣົບ ແລະອາເມລິກາ

 ​​ຍັງ​ຄົງ​ບໍ່​ເສຍ​ຊື່​ສຳລັບ On ePlus ທີ່​ມີ​ການ​ອັບ​ເດດ​ໃໝ່​ຕື່ມ​ອີກ​ກັບ​ມື​ຖື​ລຸ້ນຫຼ້າ​ສຸດ​ຄື OnePlus 8T ນັ້ນ​ເອງ ​ແລະ​ຄັ້ງ​ນີ້​ບໍ່​ໄດ້​ມາ​ຫຼິ້ນໆ ກັບ​ເວີ​ຊັນ 11.0.4.5 ລຸ້ນ​ໃໝ່​ທີ່​ມີ​ການ​ປັບປຸງ​ຫຼາຍ​ຈຸດ​ທັງ​ເລື່ອງ​ກ້ອງ, ລະບົບ​ຈັດ​ງານ, ​ເຄືອ​ຂ່າຍ ​ແລະ​ອື່ນໆ​ດັ່ງນີ້:ລະບົບ(System):

- ປັບປຸງ​ລະບົບ​ການ​ໂທ​ໃຫ້​ມີ​ຄວາມ​ສະຖຽນ​ຫຼາຍ​ຂຶ້ນ.

- ປັບປຸງ​ເລື່ອງ​ຂອງ​ການ​ໃຊ້ພະລັງງານ​ແລະ​ສະ​ແດງ​ຜົນ​ເມື່ອ​ເຄື່ອງ​ເກີດ​ຄວາມ​ຮ້ອນ.

- ປັບປຸງ​ການ​ສຳຜັດ​ລະຫວ່າງ​ການ​ຫຼິ້ນ​ເກ​ມ​ໃຫ້​ທຳ​ງານ​ໄດ້​ດີ​ຂຶ້ນ.

-ປັບປຸງ User Experience ​ໃນ​ສ່ວນ​ຂອງ Alert Slider.

- ປັບປຸງ Status Bar ​ໃຫ້​ສະ​ແດງ​ຜົນ​ໃນ​ໜ້າ​ຈໍ​ແບບ​ແນວ​ນອນ Landscape Mode.

- ປັບປຸງ​ໃຫ້ການ​ທຳ​ງານ​ຂອງ NFC ສະຖຽນ​ຫຼາຍ​ຂຶ້ນ.

ກ້ອງ(Camera):

- ​ເພີ່ມ​ຄວາມ​ສະຖຽນ​ໃນ​ການ​ທຳ​ງານ​ຂອງ​ກ້ອງ​ໃຫ້​ຫຼາຍ​ຂຶ້ນ.

- ປັບປຸງ​ເລື່ອງ​ການ​ການຖ່າຍພາບ​ໃຫ້​ມີ​ຄຸນ​ນະພາ​ບທີ່​ດີ ​ແລະ​ມີ​ປະສົບ​ການ​ໃຊ້​ທີ່​ດີ​ຂຶ້ນ.

​ເຄືອ​ຂ່າຍ(Network):

- ​ເພີ່ມ​ຄວາມ​ສະຖຽນ​ໃນ​ການ​ເຊື່ອມ​ຕໍ່​ແລະ​ການ​ຈັບ​ສັນຍານ.

-​ແກ້​ບັນຫາ​ເລັກ​ນ້ອຍ​ທີ່​ເຄືອຂ່າຍ​ຢຸດ​ເອງລະຫວ່າງ​ການ​ຫຼິ້ນ​ເກ​ມ.

  ​ແຕ່​ວ່າສຳລັບ​ການ​ປ່ອຍ​ອັບ​ເດດ​ຄັ້ງ​ນີ້ຈະ​ເລີ່​ມ​ໃນ​ປະ​ເທດ​ອິນ​ເດຍກ່ອນ ​ແລະ​ຈະ​ຕາມ​ເປັນ​ກຸ່ມ​ເອີຣົບ ​ແລະ​ອາ​ເມ​ລິ​ກາຄາດ​ວ່າ​ປະ​ເທດ​ອື່ນໆ​ໃນ​ອາຊີ​ຈະ​ໄດ້​ອັບ​ເດດ​ເຊັ່ນ​ດຽວ​ກັນ​ໃນ​ອັນ​ດັບ​ຕໍ່​ໄປ.

----

ໜັງສືພິມ ເສດຖະກິດ-ສັງຄົມ

แชร์