ຮ້ານຄໍາສີຫອມມີສຸກ ເນັ້ນຂາຍອອນລາຍເພີ່ມຊ່ອງທາງດ້ານການຕະຫຼາດ

ຮ້ານຄຳ ສີຫອມມີສຸກ ເປັນອີກໜຶ່ງທີ່ຮ້ານຈຳໜ່າຍຄຳ ແລະເຄື່ອງປະດັບອັນຍະມະນີທີ່ມີຊື່ສຽງໃນສັງຄົມໃນຊ່ວງການລະບາດ ແລະການສະກັດກັ້ນຄວບຄຸມການປ້ອງ ກັນພະຍາດໂຄວິດ-19 ຊຶ່ງເຮັດໃຫ້ຫຼາຍຢ່າງໄດ້ມີການປັບຕົວໃນນີ້ຮ້ານດັ່ງກ່າວໄດ້ຫັນການບໍລິການຂາຍອອນລາຍເພື່ອເພີ່ມຊອ່ງທາງໃຫ້ກຸ່ມລູກຄ້າເຂົ້າເຖິງຫຼາຍຂຶ້ນ.

  ທ່ານ ວິໄລສັກ ສຸລິຈັນ ຜູ້ກໍ່ຕັ້ງ ແລະຜູ້ບໍລິຫານ ຮ້ານຄຳສີຫອມ ມີສຸກ SMJ ກ່າວວ່າ: ສຳລັບປີ 2020 ນີ້ຫຼາຍທ່ານອາດຈະຮູ້ແລ້ວວ່າເປັນປີທີ່ມີຜົນກະທົບໜັກສໍາ ລັບທຸກໆທ່ານທີ່ເຮັດທຸລະກິດກໍ່ຄືຜົນກະທົບຈາກການລະບາດຂອງໂຄວິດ-19 ທີ່ເຮັດໃຫ້ຫຼາຍໆຢ່າງໃນທົ່ວໂລກຕ້ອງໄດ້ມີການປັບຕົວສຳລັບຮ້ານຄຳສີຫອມມີສຸກຕ້ອງ ຂອບໃຈທີ່ເຮົາຍັງມີບຸກຄະລາກອນ ແລະຍັງມີລູກຄ້າທີ່ໃຫ້ການສະໜັບສະໜູນເຮັດໃຫ້ຍອດຂາຍ ຫຼືທຸລະກິດຍັງດຳເນີນໄປໄດ້ດ້ວຍດີ, ດ້ວຍການປັບຕົວຫັນເປັນການຕະຫຼາດອອນລາຍເຮັດໃຫ້ຍອດຂາຍຍັງມີການເຕີບໃຫຍ່ດີເປັນປົກກະຕິພ້ອມນັ້ນຍັງໄດ້ມີການປັບປຸງຫຼາຍໆຊ່ອງທາງ ແລະຫຼາຍຮູບແບບທີ່ເປັນການເອື້ອອຳນວຍໃຫ້ລູກຄ້າສາມາດຊື້ເຄື່ອງໄດ້ຫຼາຍຂຶ້ນສຳລັບກິດຈະກຳໂປຣໂມຊັນໃນປີນີ້ເນື່ອງຈາກຢູ່ໃນຊ່ວງຕ້ານ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ທີ່ບໍ່ສາມາດເຄື່ອນໄຫວກິດຈະກຳຫຍັງໄດ້ຕາມທີ່ເປົ້າໝາຍວາງໄວ້.

  ປະຈຸບັນແມ່ນໄດ້ສ້າງໂປຣໂມຊັນ ແລະຈັດກິດຈະກຳຄືນກຳໄລໃຫ້ກັບລູກຄ້າແລ້ວໃນນີ້ແມ່ນເລີ່ມແຕ່ເດືອນພະຈິກ 2020 ນີ້ຮອດເດືອນເມສາໃນປີ 2021 ໂດຍມີການແຈກຄູປອງສ່ຽງໂຊກໃຫ້ກັບລູກຄ້າທີ່ຊື້ສິນຄ້າພາຍໃນຮ້ານຄົບ 3 ແສນຂຶ້ນໄປຈະໄດ້ຮັບຄູປ່ອງໜຶ່ງໃບເພື່ອສ່ຽງໂຊກລຸ້ນລາງວັນສຳລັບລາງວັນໃຫຍ່ສຸດແມ່ນໂທລະສັບໄອໂຟນ 12 ພ້ອມນັ້ນຍັງມີລາງວັນອື່ນໆທັງໝົດມີ 86 ລາງວັນ, ລວມມູນຄ່າ 100 ລ້ານກວ່າກີບ ຊຶ່ງລາຍລະອຽດຂອງກິດຈະກຳຕ່າງໆສາມາດເຂົ້າເບິ່ງໄດ້ທີ່ເພລ໌ຂອງຮ້ານຄຳສີຫອມມີສຸກເພື່ອເພີ່ມທາງເລືອກທີ່ງ່າຍຂຶ້ນໃຫ້ກັບລູກຄ້າຍຸກໃໝ່ໃນການຊື້ສິນຄ້າ. ໃນປະຈຸບັນຮ້ານເຮົາຈະເນັ້ນໃສ່ການຕະຫຼາດອອນລາຍເປັນຫຼັກໃນນີ້ຈະມີ ການ Live ສົດໃນແຕ່ລະມື້ດ້ວຍບໍລິການການຂາຍ, ການປະມູນ ແລະມີບໍລິການສົ່ງສິນຄ້າຮອດເຮືອນລູກຄ້າທຸກໆທ່ານທັງໃນນະຄອນຫຼວງວຽງຈັນ ແລະຕ່າງແຂວງພ້ອມ ມີການຮັບປະກັນດ້ານຄວາມປອດໄພຂອງດ້ານການຂົນສົ່ງ ແລະຄຸນນະພາບຂອງສິນຄ້າປຽບເໝືອນດັ່ງທີ່ລູກຄ້າເດີນທາງມາຊື້ດ້ວຍຕົນເອງທີ່ໜ້າຮ້ານ.

  ທ່ານ ວິໄລສັກ ສຸລິຈັນ ກ່າວຕື່ມອີກວ່າ: ສຳລັບແຜນທຸລະກິດໃນປີ 2021 ນັ້ນອີງໃສ່ການຕະຫຼາດທີ່ໄດ້ວາງລະບົບພື້ນຖານໄວ້ຢ່າງຄົງທີ່ແລ້ວນັ້ນຂ້າພະເຈົ້າແມ່ນຈະໃຊ້ເວລານີ້ເນັ້ນປັບປຸງລະບົບທີ່ເປັນຢູ່ນີ້ໃຫ້ພັດທະນາໄປໃນທິດທາງທີ່ດີສຸດ ແລະພັດທະນາສິນຄ້າໃຫ້ມີຄວາມທັນຍຸກທັນສະໄໝຫຼາຍຂຶ້ນໂດຍຈະຄົງໄວ້ທີ່ເປັນເອກະລັກສະເພາະທີ່ມີຄວາມພົ້ນເດັ່ນຂອງຮ້ານຄຳສີຫອມມີສຸກສ່ວນລາຍລະອຽດຂອງໂປໂມຊັຣນ ແລະກິດຈະກໍາຕ່າງໆລູກຄ້າທຸກໆທ່ານສາມາດຕິດຕາມເບິ່ງໄດ້ທີ່ເຟສບຸກ: ຮ້ານຄໍາ ສີຫອມມີສຸກ SMJ.

แชร์