ແຫຼ່ງທ່ອງທ່ຽວ ນໍ້າປຽນຢໍລະປ່າ ຫຼຸດ 50% ເກືອບທຸກກິດຈະກຳສະຫຼອງວັນສຳຄັນຂອງຊາດ

  ເປັນຂ່າວດີສຳລັບຜູ້ທີ່ມັກຮັກໃນສາຍທ່ອງທ່ຽວປະຈຸບັນແຫຼ່ງທ່ອງທ່ຽວນໍ້າປຽນຢໍລະປ່າໄດ້ມີສ່ວນຫຼຸດກິດຈະກຳຕ່າງໆ 50% ເພື່ອເປັນການຮ່ວມສະເຫຼີມສະຫຼອງວັນຊາດທີ 2 ທັນວາ ຄົບຮອບ 45 ປີ ນໍ້າປຽນຢໍລະປ່າມີສ່ວນຫຼຸດສຳລັບແຂກທີ່ມາຫຼິ້ນກິດຈະກຳໃນຊ່ວງວັນທີ 1–5 ທັນວານີ້.

  ຖືວ່ານັກທ່ອງທ່ຽວໃຫ້ຄວາມສົນໃຈແຫຼ່ງທ່ອງທ່ຽວແຫ່ງໃໝ່ນໍ້າປຽນຢໍລະປ່າສ້າງຄວາມມ່ວນມັນກັບຫຼາຍກິດຈະກຳໜ້າປະທັບໃຈລະດັບທ່ອງທ່ຽວແບບສາກົນເປັນສາ ຂານໍ້າກັດຢໍລະປ່າເປັນຈຳນວນຫຼາຍປະຈຸບັນແຫຼ່ງທ່ອງທ່ຽວສ້າງໄດ້ສຳເລັດແລ້ວ 100% ແລະ ເປີດທົດລອງກາງເດືອນກໍລະກົດຈະເປີດທົດລອງບໍລິການ ແລະ ເປີດເປັນທາງການແມ່ນເດືອນສິງຫາທີ່ຈະມາເຖິງນີ້ຊຶ່ງແຫຼ່ງທ່ອງທ່ຽວຈະມີ 8 ລາຍການກິດຈະກຳມີ, ຂີ່ສະລິງ, ຂີ່ໂລເລີ້, ໄຕ່ຂົວອູ່, ຂີ່ລຸກ, ຂີ່ລົດ ATV ໃນເຂດສວນນໍ້າ, ຢືນຖ່າຍຮູບໂດຍຜ່ານຕາໜ່າງແມງ, ມູມແລະອື່ນໆ ແລະມີຈຸດພັກຫຼາກຫຼາຍຕາມໃຈຫຼາຍກິດຈະກຳໜ້າຕື່ນເຕັ້ນນອກຈາກນີ້ທາງແຫຼ່ງທ່ອງທ່ຽວຍັງມີ 10 ລາຍການທົ່ວບໍລິການ, ສະຖານທີ່ແຫຼ່ງທ່ອງທ່ຽວຕັ້ງຢູ່ບ້ານຊຽງແລທ່າເມືອງປາກງື່ມນະຄອນຫຼວງວຽງຈັນ.

 ຊຶ່ງກິດຈະກຳທີ່ຈະຫຼຸດລາຄາມີ 12 ລາຍການດັ່ງນີ້: ເຂດສວນນໍ້າ, ຍ່າງຂົວອູຍ່າງປ່າຊົມນໍ້າຕົກ, ຂີ່ສະລິງ, ຂີ່ໂລເລີ້, ຂີ່ລົດລຸກ, ຂີ່ລົດ ເອທີວີ, ຂີ່ຕາໜ່າງແມງມູມ, ທີ ທ໋ອບ, ຍິງປືນບີບີກັນ, ຍ່າງຂົວໂຕວີຢືນແປນໜ້ານໍ້າຕົກທັງໝົດແມ່ນຫຼຸດ 50%, ຍ່າງຂຶ້ນພູຜາຈ້ອງຫຼຸດ 10%, ນອນເຕັ້ນບາບີຄິວຫຼຸດ 10%

  ແນວໃດກໍ່ຕາມສຳລັບສະຖານທີ່ແຫ່ງນີ້ເມື່ອກ່ອນແມ່ນເປັນປ່າພູເຂົາຄວາຍ ແລະມີການບຸກລຸກການຕັດໄມ້ທຳລາຍປ່າຍາວນານປະຈຸບັນຖືວ່າໄດ້ຮັບການພັດທະນາເປັນແຫຼ່ງທ່ອງທ່ຽວ ແລະສ້າງອາຊີບໃຫ້ປະຊາຊົນບໍລິເວນທ້ອງຖິ່ນນຳອີກ.

 ຂ່າວ: ບຸນນິກ ເສດຖະກິດສັງຄົມ

ຮູບພາບ: #ຫນັງສືພິມເສດຖະກິດສັງຄົມ

แชร์