ຖໍ້ານາງນອນ ອີກແຫຼ່ງທ່ອງທ່ຽວທາງທຳມະຊາດ

  ແຂວງວຽງຈັນ ເປັນແຂວງທີ່ມີດິນຟ້າອາກາດສົດຊື່ນແຈ່ມໃສດີ, ມີສະຖານທີ່ທ່ຽວຫຼິ້ນຢູ່ຫຼາຍແຫ່ງ, ເປັນເມືອງທີ່ອຸດົມສົມບູນທາງດ້ານທຸລະກິດການຄ້າຊຶ່ງໄດ້ມີນັກທຸລະກິດທັງພາຍໃນ ແລະ ຕ່າງປະເທດລັ່ງໄຫຼເຂົ້າມາລົງທຶນຄ້າຂາຍ ແລະ ການບໍລິການອື່ນໆ ຈຶ່ງເຮັດໃຫ້ຕົວເມືອງດັ່ງກ່າວເປັນຈຸດເດັ່ນທາງດ້ານທຸລະກິດຖ້າທ່ານໃດຫາກໄດ້ໄປແຂວງວຽງຈັນກໍຢ່າລືມໄປແວ່ຊົມສີສັນເມືອງເມືອງກາສີແດ່ເດີ! ແລ້ວທ່ານກໍຈະໄດ້ສໍາພັດກັບບັນຍາກາດໃນຍາມແລງເຫັນແລ້ວໜ້າຊື່ນຊົມແທ້ໆທ່ານເອີຍ!

  ຖໍ້ານາງນອນ ເປັນແຫຼ່ງທ່ອງທ່ຽວທາງທຳມະຊາດມາແຕ່ໃດໆ ຊຶ່ງຕັ້ງຢູ່ທ່າມກາງປ່າດົງເຍືອກເຢັນມີຕົ້ນໄມ້ ແລະຊີວະນາໆພັນທີ່ອຸດົມສົມບູນ, ນອກນັ້ນຢູ່ພາຍໃນຖໍ້າ ຈະຮູບປັ້ນຜູ້ຍິງນອນ, ມີຄວາມຍາວປະມານ 17 ແມັດ, ມີທິວທັດທີ່ສວຍງາມເປັນເອກະລັກສະເພາະຕົວຂອງຖໍ້າ, ມີນໍ້າໄຫຼລອດຖໍ້າ ແລະມີ ແສງສະຫວ່າງສອດສ່ອງລົງມາປະຈຸບັນຖໍ້າແຫ່ງນີ້ຈຶ່ງກາຍເປັນແຫຼ່ງທ່ອງທ່ຽວທີ່ສາມາດດຶງດູດນັກທ່ອງທ່ຽວພາຍໃນ ແລະ ຕ່າງປະເທດເຂົ້າຊົມເປັນຈຳນວນຫຼາຍມີເສັ້ນທາງເຂົ້າສະດວກສະ ບາຍ ແລະ ເປັນແຫຼ່ງທ່ອງທ່ຽວທາງທຳມະຊາດ, ວັດທະນະທຳອັນເປັນເອກະລັກສະເພາະ ແລະ ເໝາະສຳລັບນັກທ່ອງທ່ຽວຜູ້ທີ່ມັກທ່ຽວຊົມທຳມະຊາດພູຜາປ່າໄມ້, ຫ້ວຍນໍ້າລຳເຊ, ວິຖີການດຳລົງຊີວິດຂອງປະຊາຊົນເຂດດັ່ງກ່າວ.

ຖໍ້ານາງນອນຕັ້ງຢູ່ບ້ານຜາຕໍ່ເມືອງກາສີ ແຂວງວຽງຈັນ ຫ່າງຈາກເທສະບານປະມານ 23 ກິໂລແມັດ ຊຶ່ງນັກທ່ອງທ່ຽວສາມາດໄປທ່ຽວໄປຊົມກັນໄດ້ທັງລະດູແລ້ງ ແລະຝົນມີເສັ້ນທາງເຂົ້າອອກສະດວກສະບາຍ.

• 27/11/2020