ກຸ່ມບໍລິສັດ ດາວເຮືອງ ຊຸກຍູ້ກອງປະຊຸມໃຫຍ່ຄັ້ງທີ VIII ອົງຄະນະພັກແຂວງຈຳປາສັກ

  ກຸ່ມບໍລິສັດ ດາວເຮືອງ ມອບເງິນສົດ 200 ລ້ານກີບ ເພື່ອປະກອບສ່ວນສະໜັບສະໜູນ ແລະຊົມເຊີຍຕໍ່ຜົນສໍາເລັດອັນຈົບງາມຂອງກອງປະຊຸມໃຫຍ່ຄັ້ງທີ VIII ອົງ ຄະນະພັກແຂວງຈຳປາສັກ.

  ພິທີມອບ-ຮັບໄດ້ມີຂຶ້ນໃນວັນທີ 25 ພະຈິກ 2020, ທີ່ຫ້ອງວ່າການແຂວງຈຳປາສັກ, ມອບໂດຍ ທ່ານ ດັງວັນລວນ ອໍານວຍການກຸ່ມບໍລິສັດດາວເຮືອງສາຂາແຂວງຈໍາປາສັກເປັນກຽດກ່າວຮັບໂດຍທ່ານ ວິໄລວົງ ບຸດດາຄຳ ກຳມະການສູນກາງພັກເລຂາພັກແຂວງເຈົ້າແຂວງໆຈຳປາສັກ, ມີການນຳອະນຸກຳມະການເສດຖະກິດຮັບໃຊ້ກອງປະຊຸມໃຫຍ່ຄັ້ງທີ VIII ຂອງອົງຄະນະພັກແຂວງຈຳປາສັກ ແລະພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

 ໂອກາດດັ່ງກ່າວທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກໄດ້ສະແດງຄວາມຂອບໃຈ ແລະຕີລາຄາສູງຕໍ່ການປະກອບສ່ວນອັນໃຫຍ່ຫຼວງມາຍັງກຸ່ມບໍລິສັດດາວເຮືອງ, ຄະນະພັກ-ອົງການປົກຄອງແຂວງຮູ້ສຶກພາກພູມໃຈ ແລະເປັນກຽດທີ່ກຸ່ມບໍລິສັດ ດາວເຮືອງໄດ້ພັດທະນາກາຍເປັນບໍລິສັດທີ່ຢູ່ແຖວໜ້າຂອງຊາດ, ທັງເປັນກຸ່ມບໍລິສັດທີ່ພັດທະນາໃນຫຼາຍຂົງເຂດເສດຖະກິດເຮັດໃຫ້ປະເທດຊາດໄດ້ມີຊື່ສຽງໃນເວທີພາກພື້ນ ແລະສາກົນ, ຊື່ສຽງຂອງກາເຟດາວຊຶ່ງເປັນເຄື່ອງໝາຍ ແລະສັນຍາລັກຂອງກາ ເຟລາວຊຶ່ງເປັນໝາກຜົນແຫ່ງການພັດທະນາຂອງກຸ່ມບໍລິສັດກໍຄືເປັນໝາກຜົນແຫ່ງການພັດທະນາປະເທດຊາດ, ນອກນັ້ນຍັງໄດ້ປະກອບສ່ວນຊ່ວຍຊຸກຍູ້ສົ່ງເສີມຄອບ ຄົວ, ຊຸມຊົນຜູ້ຜະລິດກາເຟຢູ່ແຂວງຈຳປາສັກຊຶ່ງເປັນການຊຸກຍູ້ພັດທະນາແຂວງຈຳປາສັກໃຫ້ເສດຖະກິດ-ສັງຄົມຢູ່ແຂວງຈະເລີນດີຂຶ້ນໄປເລື້ອຍໆ.

---------

ຂ່າວ: ທັດຊະນະ  ແສງດາຣາ

ຮູບພາບ: ໜັງສືພິມເສດຖະກິດ-ສັງຄົມ

แชร์