ຍ້ອນພັກ-ລັດ ເຮັດໃຫ້ບໍລິສັດເອັນຊີຈີ ເຕີບໃຫຍ່ເຂັ້ມແຂງ

  ຈາກທິດຊີ້ນຳພາຂອງພັກ-ລັດ ໂດຍສະເພາະນະໂຍບາຍໃນເລື່ອງຂອງການຮ່ວມມືລັດ ແລະທຸລະກິດເປັນສິ່ງສຳຄັນຂອງການພັດທະນາປະເທດຊາດໃນນັ້ນກຸ່ມບໍລິສັດ ແນເຊີແນວຄອນຊາວ ຕີ້ງກຣຸບ ຈໍາກັດຜູ້ດຽວ (NCG) ໜຶ່ງທຸລະກິດທີ່ໄດ້ຮັບນະໂຍບາຍທິດຊີ້ນຳຂອງພັກ-ລັດ ເຮັດໃຫ້ກຸ່ມບໍລິສັດມີການພັດທະນາ ແລະເປັນທີ່ສົນໃຈຍອມຮັບຈາກສັງຄົມພາຍໃນ ແລະຕ່າງປະເທດ.

  ທ່ານ ນາງໄຊທານີ ທຳມະວົງສາ ປະທານກຸ່ມບໍລິສັດ ແນເຊີແນວ ຄອນຊາວ ຕີ້ງກຣຸບ ຈໍາກັດຜູ້ດຽວ ໃຫ້ສຳພາດນັກຂ່າວໜັງສືພິມເສດຖະກິດ-ສັງຄົມໃຫ້ຮູ້ວ່າ: ກຸ່ມປະກອບມີ 5 ຂະແໜງການທຸລະກິດບໍລິສັດ ຫີນເຫີນເນຍວະນາ ຈໍາກັດ (Hin Heup Nirvana), ບໍລິສັດເອັກທີດີບໍລິການເກັບກູ້ລະເບີດບໍ່ທັນແຕກ (UXO), ກຸ່ມພະລັງງານສີຂຽວພັດທະນາການລົງທຶນຈໍາກັດ (GEDI) ຊຶ່ງພະລະບົດບາດໃຫ້ບໍລິການດ້ານວິຊາການທີ່ປຶກສາດ້ານສິ່ງແວດລ້ອມ ແລະສັງຄົມ, ລົງທຶນດ້ານອະສັງຫາລິມະຊັບ, ດໍາເນີນທຸລະກິດດ້ານໄຟຟ້າ, ດໍາເນີນທຸລະກິດດ້ານກະສິກໍາ, ດໍາເນີນທຸລະກິດດ້ານແຮ່ທາດ, ດໍາເນີນທຸລະກິດດ້ານບໍລິການເກັບກູ້ລະເບີດບໍ່ທັນແຕກໃຫ້ກັບໂຄງການຕ່າງໆ, ລົງທຶນ ແລະພັດທະນາພະລັງງານທົດແທນເຊັ່ນເຂື່ອນໄຟຟ້າ ແລະພະລັງງານແສງຕາເວັນ.

  ການດໍາເນີນທຸລະກິດຕາມແນວທາງນະໂຍບາຍຂອງພັກ ແລະລັດຖະບານວາງອອກໄປຕາມທິດສີຂຽວ ແລະຍືນຍົງຂອງລັັດຖະບານວາງອອກ, ວຽກປົກປັກຮັກສາສິ່ງແວດລ້ອມ, ວຽກພັດທະນາກະສິກໍາຮອບດ້ານໂດຍນໍາໃຊ້ຊັບພະຍາກອນໃຫ້ເກີດປະໂຫຍດສູງສຸດ, ວຽກງານຄໍ້າປະກັນຄວາມໝັ້ນຄົງດ້ານພະລັງງານໃຫ້ສາມາດຊົມໃຊ້ພາຍໃນ ແລະສົ່ງອອກປະເທດເພື່ອນບ້ານ, ປະຕິບັດບັນດານະໂຍບາຍ ແລະລະບຽບຫຼັກການທີ່ທາງຂັ້ນເທິງວາງອອກ,ປະກອບສ່ວນພັນທະໃຫ້ລັດຕາມພາລະໜ້າທີ່ຂອງຄົນລາວ.

  ສຳລັບແນວທາງການດໍາເນີນທຸລະກິດແບບທັນສະໄໝ, ກະທັດຮັດ, ສ້າງກຸ່ມບໍລິສັດຕາມທິດ 5G (Green , Growth, Give, Gentle, Great)ສະຖານະດ້ານສັງຄົມເປັນສະມາຊິກຂອງສະພາການຄ້າ ແລະອຸດສາຫະກໍານະຄອນຫຼວງ, ເປັນສະມາຊິກຂອງສະມາຄົມນັກທຸລະກິດໜຸ່ມ (ຮອງປະທານ), ເປັນສະມາຊິກຂອງນັກທຸລະກິດຍິງແຫ່ງຊາດ.

  ສຸດທ້າຍໃນນາມປະທານບໍລິສັດຜ່ານມາຖືວ່າເປັນການພັດທະນາທີ່ດີພັກ-ລັດ ໄດ້ສົ່ງເສີມທຸລະກິດນັກທຸລະກິດພັດທະນາເຂດຫ່າງໄກ່ສອກຫຼີກ, ໄດ້ຮັບການພັດທະນາປະຊາຊົນມີລາຍຮັບ, ເນື່ອງໃນໂອກາດວັນຊາດທີ 2 ທັນວາ ຄົບຮອບ 45 ປີທີ່ຈະມາເຖິງນີ້ຂໍອວຍພອນໄຊໃຫ້ການນຳພັກ-ລັດ ຈົ່ງມີສຸຂະພາບແຂງແຮງເປັນຮົ່ມໂພຮົ່ມໄຊນຳພາລູກຫຼານອອກພົ້ນທຸກ ແລະນຳພາປະເທດຊາດຮຸ່ງເຮືອງສີວິໄລຂຶ້ນເລື້ອຍໆ.

แชร์