ໂດ໋ ຖິຫ່າ ນັກສຶກສາສາວ ຄວ້າມົງກຸດ ມິສຫວຽດນາມ 2020

  ສຳເລັດແລ້ວກັບການປະກວດມິສ ສສ ຫວຽດນາມ 2020 ທີ່ຈັດຂຶ້ນພາຍໃນສະໜາມກີລາຟູ່ເຖາະໃນນະຄອນໂຮຈີ່ມິງ ຕັ້ງແຕ່ວັນທີ 23 ພະຈິກທີ່ຜ່ານມາຜູ້ທີ່ຄວ້າມົງກຸດສາວຂອງປະເທດໄປຄອງໃນປີນີ້ຄື ໂດ໋ ຖິຫ່ານັກສຶກສາສາວອາຍຸ 19 ປີ ຈາກແຂວງ ແທັງຮວາ.

  ໃນການປະກວດຄືນສຸດທ້າຍຜູ້ເຂົ້າຮອບທັງ 35 ຄົນ ໄດ້ຮ່ວມກັນສະແດງໃນຊຸດປະຈຳຊາດຈາກນັ້ນຄະນະກຳມະການຄັດເລືອກຜູ້ເຂົ້າປະກວດໃຫ້ເຫຼືອພຽງ 22 ຄົນ ເພື່ອເຂົ້າແຂ່ງຂັນໃນຮອບຊຸດລອຍນໍ້າ ແລະຄັດເລືອກ 15 ຄົນ ເຂົ້າຮອບ ຊຸດລາຕີກ່ອນຈະຜ່ານເຂົ້າຮອບ 5 ຄົນ ທີ່ສາວງາມທັງ 5 ຕ້ອງແຂ່ງຂັນໃນຮອບຕອບຄຳຖາມ ແລະປະກາດລາຍຊື່ 3 ຄົນສຸດທ້າຍ ແລະໃນທີ່ສຸດ ໂດ໋ ຖິຫ່າ ອາຍຸ 19 ປີຈາກ  ແຂວງແທັງຮວາກຳລັງສຶກສາຕໍ່ຢູ່ມະຫາວິທະຍາໄລເສດຖະກິດສາດແຫ່ງຊາດໃນນະຄອນຫຼວງ ຮ່າໂນ້ຍເປັນຜູ້ຄວ້າມິສຫວຽດນາມ 2020 ໄປຄອງ, ຝ່າມ ຫງອກເຟືອງ ແອັງ ສາວງາມຈາກນະຄອນໂຮຈີ່ມິງ ໄດ້ຕຳແໜ່ງຮອງອັນດັບ 1 ແລະຫງວຽນ ເລຫງອກທ້າວຈາກນະຄອນໂຮ່ຈີ່ມິງ ໄດ້ຕຳແໜ່ງຮອງອັນດັບ 2 .

----

ໜັງສືພິມ ເສດຖະກິດ-ສັງຄົມ

แชร์