ໝາກໄຟ ສະໜຸນໄພພື້ນບ້ານ ມີປະໂຫຍດຕໍ່ຮ່າງກາຍ

  ໝາກໄຟເປັນໝາກໄມ້ທຳມະຊາດທີ່ສາມາດ ກິນໄດ້ ແລະ ມີຫຼາຍເຂດທີ່ສາມາດພົບໄດ້ໃນພາກເໜືອຂອງລາວ ຫຼື ສາມາດພົບໄດ້ຕາມຕະຫຼາດທົ່ວໄປໃນ ໄລຍະປະມານເດືອນພືດສະພາເຖິງເດືອນຕຸລາ, ໂດຍ ສະເພາະແມ່ນໄລຍະບຸນເຂົ້າສະຫຼາກ ແລະບຸນເຂົ້າປະດັບດິນຈະມັກພົບຫຼາຍຕາມຕະຫຼາດຫຼວງພະບາງ. ໝາກໄຟເມື່ອສຸກແລ້ວຈະມີລົດຊາດຫວານ ແລະມີ ສານອາຫານຫຼາຍຊະນິດລວມໄປເຖີງວີຕາມີຊີ, ນ້ຳ ຕານ  ແລະ ອື່ນໆທີ່ເປັນປະໂຫຍດຕໍ່ຮ່າງກາຍນີຍົມກິນ ເປັນໝາກໄມ້ສົດ ຫຼື ນຳໄປເຮັດນ້ຳໝາກໄມ້.

  1. ໃບ: ຊ່ວຍຮັກສາພະຍາດຕ່າງໆເຊັ່ນ: ແກ້ໄອ, ແກ້ຫວັດ, ແກ້ໄຂ້ມາເລເຣີຍ.
  2. ຮາກ: ຈະຊ່ວຍໃນການຂັບນ້ຳປັດສະວະ.
  3. ໜາກ: ຊ່ວຍໃນການສ້າງຄໍລາເຈນເຮັດໃຫ້ຜີວ ລຽບນຽນສົດໃສ.

4. ລໍາຕົ້ນ: ຊ່ວຍໃເຮັດໃຫ້ຜີວຊຸ່ມຊື່ນ, ຊ່ວຍແກ້ ຫາຍໃຈຝືດ ຫຼື ແກ້ອາການທ້ອງອືດທ້ອງເຟີ.

ຮຽບຮຽງໂດຍ: ຟ້າ

แชร์